काँग्रेसचे राज्यभर ‘चिखल फेको’ आंदोलन, नीट घोटाळा, खते-बियाण्यांच्या काळाबाजाराचा निषेध
वाढत चाललेली महागाई, बेरोजगारीची समस्या, नीट पेपरफुटीचे प्रकरण,
महिलांची सुरक्षा, खते, बि- बियाण्यांचा काळाबाजार,
Related News
राहुल गांधींच्या ताफ्यात भीषण अपघात; 5 गाड्या आणि रुग्णवाहिकेची धडक, राहुल गांधी सुरक्षित
अमित शाह मानहानी प्रकरणात राहुल गांधींना दिलासा; 2018 पासून सुरू होता कायदेशीर लढा
SIR वर निवडणूक आयोगाचा मोठा निर्णय; वगळलेल्या पात्र मतदारांची नावे पुन्हा यादीत येणार
Parth Pawar प्रकरणावर वडेट्टीवारांचा घणाघाती सवाल; ‘गरीबांवर कारवाई, मोठे मोकाट का?’
सणासुदीत मोठी खुशखबर! खाद्यतेलावरील आयात शुल्कात केंद्राची मोठी कपात
जग आर्थिक संकटात, भारताची अर्थव्यवस्था सुसाट; Moody’s ने GDP अंदाज 7% केला
UPI Payment Rule : 15 ऑक्टोबरपासून UPI पेमेंटमध्ये मोठा बदल; 2000 रुपयांवरील व्यवहारांवर 0.4% MDR
INDIA आघाडीत मोठी फूट? ममता बॅनर्जींची वेगळी चूल; कनिमोळींच्या भेटीने चर्चांना उधाण
UPI पेमेंटवर आता शुल्क? 15 ऑक्टोबरपासून काय बदलणार, ग्राहकांवर किती परिणाम होणार?
2008 सारख्या आर्थिक संकटाची चाहूल? अमेरिकेतील ‘हा’ बदल भारतासाठी ठरणार धोक्याची घंटा
भारतावर पुन्हा मोठं संकट! महत्त्वाच्या तेलवाहिनीवर हल्ला; पेट्रोल-डिझेल महागण्याची शक्यता
साखरेच्या दरात मोठी अपडेट! 4 दिवसांत भाव घसरले, महाराष्ट्रात साखर कितीला?
कर्जासाठी शेतकऱ्यांची होत असलेली अडवणूक
याविरोधात राज्य सरकारला जाब विचारण्यासाठी
काँग्रेस पक्षातर्फे आज राज्यभरात आंदोलन करण्यात आले.
अकोला महानगर काँग्रेस कमिटीच्या वतीने आज स्वराज्य भवन समोर
सकाळी 11 वाजता सरकारच्या प्रतिमेस चिखल लावून ‘चिखल फेको’
आंदोलन करून भाजपाप्रणित सरकारचा निषेध करण्यात आला.
राज्यातील जनता अनेक समस्यांचा सामना करत असताना
राज्यातील सत्ताधारी महायुती सरकार त्याकडे जाणीवपूर्वक दुर्लक्ष करत असल्याचा आरोप
काँग्रेस पक्षातर्फे करण्यात आला आहे.
सरकारने जनतेला वाऱ्यावर सोडून दिले असून
महाभ्रष्ट, निष्क्रीय सरकारच्या विरोधात हे आंदोलन करण्यात आले.
राज्यात सरकारी रिक्त पदे भरण्याबाबत चालढकल केली जात असून
अनेक ठिकाणी चिखलामध्ये पोलीस भरतीची प्रक्रिया सुरू आहे.
राज्यातील कायदा व सुव्यवस्था बिघडलेली आहे.
श्रीमंतांची मुले गोरगरिबांना गाड्याखाली चिरडून मारत आहेत.
मुलींचे दिवसाढवळ्या रस्त्यावर खून पाडले जात आहेत.
सत्ताधारी पक्षाकडून जाती-धर्माच्या नावाखाली सामाजिक शांतता भंग करण्याचे प्रयत्न
सुरु असल्याचा आरोप काँग्रेसने केला आहे.
राज्य व केंद्रातील भारतीय जनता पक्षाचे सरकार हे शेतकरी, कष्टकरी,
दलित, अल्पसंख्याक, महिला, तरूण, गरीब व सामान्य जनतेच्या विरोधातील आहे.
छत्रपती शिवाजी महाराज, राजर्षी शाहू महाराज, महात्मा फुले
व भारतरत्न डॉ. बाबासाहेब आंबेडकरांच्या विचाराने चालणाऱ्या
महाराष्ट्राच्या प्रतिमेला काळिमा फासण्याचे काम या सरकारने केले आहे.
मागील १० वर्षापासून भाजपा सरकारने राज्यातील औद्योगिक विकासाला खिळ घातली आहे.
स्पर्धा परीक्षा वेळेवर घेतल्या जात नाहीत,
ह्या परीक्षा घेतल्या तर पेपरफुटीचे ग्रहण लागते,
शेतकरी संकटात आहे पण त्यांना मदत दिली जात नाही.
कांदा, कापूस, सोयाबीन यासह कोणत्याही शेतमालाला भाव नाही,
सरकार किमान भाव देत नाही.
कठिण काळात जनतेला मदत करण्याऐवजी सरकार जनतेचे शोषण
आणि आर्थिक पिळवणूक करत आहे.
NEET परिक्षेच्या पेपरफुटी व निकालातील गैरव्यवहारामुळे
देशभरातील लाखो विद्यार्थ्यांचे भवितव्य सरकारने धोक्यात आणले आहे
असा आरोप यावेळी काँग्रेस पक्षातर्फे करण्यात आला आहे.
या आंदोलनात जिल्ह्यातील प्रमुख काँग्रेस नेते, महिला काँग्रेस,
युवक काँग्रेस, एनएसयुआय, सेवादल, इंटक, सेल व विभाग
यांचे पदाधिकारी व कार्यकर्ते मोठ्या संख्येने सहभागी झाले होते.
Read also: https://ajinkyabharat.com/ethercha-soon-bidkin-industrial-industrial-colony-construction-project/
