मुख्यमंत्री युवा कार्य प्रशिक्षण योजनेतील प्रशिक्षणार्थ्यांची नाराजी
मानधन न मिळाल्याने संताप; OTP अडचणींमुळे हजेरीवरही संकट
अकोला :मुख्यमंत्री युवा कार्य प्रशिक्षण योजनेत तेल्हारा पंचायत समिती परिसरातील प्रशिक्षणार्थी मानधन वेळेवर न मिळाल्याने नाराज झाले असून त्यांनी जिल्हा परिषद अकोलाचे मुख्य कार्यपालन अधिकारी व शिक्षणाधिकारी यांना निवेदन सादर केले आहे.प्रशिक्षणार्थ्यांनी निवेदनात नमूद केले की, शैक्षणिक वर्ष 2024-25 व 2025-26 या कालावधीत त्यांची जिल्हा परिषद शाळांमध्ये नियुक्ती झाली असून त्यांनी नियमित सेवा बजावली आहे. मात्र जानेवारी व फेब्रुवारी महिन्यांचे मानधन अद्याप देण्यात आलेले नाही.मानधनाबाबत विचारणा केल्यावर कौशल्य, रोजगार व उद्योजकता विभागाकडून समाधानकारक उत्तर मिळत नसल्याची तक्रार प्रशिक्षणार्थ्यांनी केली. उलट, तक्रारींकडे दुर्लक्ष केले जात असून हजेरी वेळेवर भरली जात नसल्याचा ठपका ठेवला जातो. पंचायत समिती स्तरावर अधिकाऱ्यांची भेट घ्या असे सांगितले जाते, तर पंचायत समिती तेल्हाराचे अधिकारी कलेक्टर ऑफिसकडे धाडतात.प्रशिक्षणार्थ्यांनी सांगितले की, हजेरी पोर्टलवर भरण्यासाठी आवश्यक असणारा OTP वेळेवर उपशिक्षणाधिकारी कार्यालयाकडून मिळत नाही. त्यामुळे तांत्रिक अडचणी निर्माण होतात व हजेरीत विलंब होतो. याची जबाबदारी मात्र प्रशिक्षणार्थ्यांवर ढकलली जाते.प्रशिक्षणार्थ्यांनी प्रशासनाकडे मागणी केली आहे की, थकीत मानधन तात्काळ अदा करावे व OTP संबंधी अडचणी दूर कराव्यात. अन्यथा प्रशिक्षणार्थ्यांच्या मनोबलावर परिणाम होऊन योजना अडखळण्याचा धोका असल्याचे त्यांनी स्पष्ट केले.
read also : https://ajinkyabharat.com/yawatma-north-indian-front-district-executive-nivad/
Related News
‘बुद्ध आणि त्यांचा धम्म’ ग्रंथ पठणाचा समारोपीय कार्यक्रम अकोटमध्ये उत्साहात संपन्न ,200 रुपयांचा त्याग हा केवळ दान नाही
सी. एस. परमेश्वर यांची इंडो-अमेरिकन सोसायटीच्या अध्यक्षपदी निवड
2 सैनिक ठार, पाकिस्तानी चौक्यांवर अफगाण ताबा”
अमिताभ बच्चन रुग्णालयात कोमात असताना रेखाचा भावनिक भेट, 1982 मध्ये ‘कुली चित्रपट
अकोला जिल्हा क्रिकेट स्पर्धा 2025
मयुरी वाघ घटस्फोट: माझ्या आईला सकाळी 10 वाजेपर्यंत फोन केला नाही तर ती घाबरायची.
मध्य रेल्वे मेगाब्लॉक 30 तास: दिवाळीपूर्वी मुंबईकरांचा त्रास
खाजगी कंपनीच्या डांबरामुळे 14 बकऱ्या गंभीर जखमी; प्रशासनाची दखल अपेक्षित
डोनाल्ड ट्रम्प यांचे स्वप्न राहिले 8 वर्षापासून अधुरे
3 कारणं ज्यामुळे दीपिका पादुकोणची ‘8 तास शिफ्ट’ मागणी ठरली चर्चेचा विषय
दानापुर-माळेगाव रस्ता: 15 दिवसांची अल्टिमेटम नोटीस ! दानापुर-माळेगाव रस्ता काटेरी झुडपांनी व्यापला
