माहूर–नांदेड पोलिसांची धडाकेबाज कारवाई
माहूर तालुक्यातील पाचुंदा येथे घडलेल्या दुहेरी महिला हत्याकांडाने परिसरात खळबळ उडाली होती. दुपारी 20 नोव्हेंबर 2025 रोजी दोन ते तीन वाजेच्या सुमारास दोन महिलांची दागिने लुटून गळा दाबून हत्या करण्यात आली होती. घटना घडताच माहूर पोलीस स्टेशनला माहिती मिळताच पोलिस निरीक्षक देविदास चोपडे यांनी तात्काळ जिल्हा पोलिस अधीक्षकांना कळवून विविध पथके बोलावून पंचनामा, पुरावे संकलनाची प्रक्रिया युद्धपातळीवर सुरू केली.
दरम्यान, पोलिसांनी मिळवलेल्या सुरागांवरून सुरेश दत्ता लिंगनवार (38, रा. सदोबा सावळी, ता. आर्णी, जि. यवतमाळ) आणि त्याचा साथीदार गजानन गंगाराम येरजवार (41) यांनी दोन्ही महिलांचे दागिने लुटून त्यांची हत्या केल्याची कबुली दिली आहे. घटनेनंतर सुरेश लिंगनवार हा गंगाजी नगर, सेलू (करंजी), ता. माहूर येथील नातेवाईकांच्या शेतातील आखाड्यावर लपून बसला असल्याची माहिती गोपनीय खबरीमार्फत मिळाली. त्यावरून नांदेड पोलिसांनी तातडीने तेथे धाव घेत सुरेशला ताब्यात घेतले. त्याचा साथीदार गजानन येरजवार यालाही गंगाजी नगर, सेलू येथून अटक करण्यात आली.
दोन्ही आरोपींकडून गुन्ह्याची कबुली मिळाल्यानंतर पोलिसांनी या प्रकरणातील एक मोटरसायकल आणि दोन मोबाईल फोन जप्त केले आहेत. या संदर्भात गु.र. क्र. 191/2025, कलम 103(1), 311, 309(6) भारतीय न्याय संहिता अंतर्गत दोघांवर गुन्हे दाखल करण्यात आले असून पुढील तपास माहूर पोलीस स्टेशनचे पोलिस निरीक्षक देविदास चोपडे करत आहेत.
Related News
वाशिम सिव्हिल लाईन महावितरण कंपाऊंडमधील निकृष्ट डांबरीकरणाची दखल दुरुस्ती काम सुरू नागरिकांकडून कारवाईची मागणी
महापालिका निकालावर ठाकरे गटाची संतप्त प्रतिक्रिया : उद्धव ठाकरेंचे 7 मोठे आरोप
BMC Election Result 2026 : Mumbaiत ठाकरेंचा बुरूज ढासळताच भाजपची पहिली प्रतिक्रिया;
2026 Cricket World Shocked : रुग्णालयात जीवनमरणाची लढाई; शपूर जादरानसाठी क्रिकेटविश्वाची प्रार्थना
2026 एक्झिट पोलची निकालातून एक्झिट! Mumbai महापालिकेत धक्कादायक उलटफेर, सत्ता कुणाची?
2026 Mahapalika रणसंग्रामात भाजपचा विजयाकडे झुकाव; शिंदे गट दुसऱ्या क्रमांकावर
Mahapalika निवडणूक निकाल 2026: भाजपची डबल सेंच्युरी, मनसेपेक्षा AIMIM पुढे
‘मार्करची शाई निघून जाणार की लोकशाही…’; Tejaswini पंडितच्या 1 पोस्टची जोरदार चर्चा
मित्रांसोबत Party साठी आला अन् सकाळी बाल्कनीत मृतावस्थेत आढळला; ग्रेटर नोएडात 1 खळबळ
मांजाने युवकाचा गळा चिरला; दुचाकीस्वार गंभीर जखमी
Transgender पत्नीच निघाली खुनाची मास्टरमाइंड; पतीच्या हत्येसाठी दिली 1 लाखांची सुपारी
2026 Gwalior ब्लाइंड मर्डर प्रकरणात तंत्रज्ञानाची क्रांती
या धाडसी आणि वेगवान कारवाईसाठी नांदेड पोलिसांचे मोठ्या प्रमाणावर कौतुक होत आहे. विशेष म्हणजे, फक्त 12 तासांत आरोपींना जेरबंद करण्यात पोलिसांना यश आले. या संपूर्ण मोहिमेत पोलीस अधीक्षक नांदेड अविनाश कुमार, अप्पर पोलीस अधीक्षक भोकर अर्चना पाटील, आणि अप्पर पोलीस अधीक्षक नांदेड सुरज गुरव यांनी मार्गदर्शन केले.
अभियानात सहभागी पथकात स्थानिक गुन्हे शाखा नांदेडचे पोलीस निरीक्षक उदय खंडेराव,सहाय्यक पोलीस निरीक्षक रवी वागळे,पोलीस उपनिरीक्षक नागनाथ तुकडे,
पोलीस उपनिरीक्षक गुंडेराव करले,पोलीस हेडकॉन्स्टेबल दारासिंग राठोड,मोहन हाके,ज्ञानोबा कवठेकर,देविदास चव्हाण,मोतीराम पवार,सिद्धार्थ सोनसळे,रितेश कुलथे,धम्मा जाधव,
मारुती मुंडे,पोलीस हेडकॉन्स्टेबल दीपक कोठवणेयांचा समावेश होता.
पोलिसांच्या या तातडीच्या आणि प्रभावी कामगिरीमुळे परिसरात समाधान व्यक्त केले जात असून नांदेड पोलिसांचा दहशतवाद, गुन्हेगारीविरुद्धचा धडाकेबाज पवित्रा पुन्हा एकदा अधोरेखित झाला आहे.
