मोठी बातमी! हवालदारापासून कमिश्नरपर्यंत दिल्ली पोलिसांच्या सुट्ट्या रद्द; पुढील आदेशापर्यंत रजा नाही, फक्त ‘या’ परिस्थितीत मिळणार परवानगी
दिल्लीतील जंतर-मंतरवर सुरू असलेल्या विद्यार्थी आंदोलनाच्या पार्श्वभूमीवर राजधानीतील कायदा आणि सुव्यवस्थेचा प्रश्न पुन्हा एकदा ऐरणीवर आला आहे. गेल्या काही दिवसांपासून सुरू असलेल्या या आंदोलनाला सोमवारी आणि मंगळवारी हिंसक वळण लागल्याचे वृत्त आहे. आंदोलक आणि पोलिसांमध्ये झालेल्या संघर्षानंतर परिस्थिती अधिकच तणावपूर्ण बनली. पोलिसांकडून आंदोलकांवर लाठीचार्ज करण्यात आल्याचा आरोप करण्यात आला, तर दुसरीकडे आंदोलकांकडून दगडफेक झाल्याचेही सांगितले जात आहे. या घटनांमध्ये विद्यार्थी आणि आंदोलकांसह अनेक पोलीस कर्मचारी जखमी झाल्याची माहिती समोर आली आहे.
या पार्श्वभूमीवर दिल्ली पोलीस दलाने मोठा निर्णय घेतला आहे. दिल्ली पोलिसांच्या कॉन्स्टेबलपासून ते वरिष्ठ अधिकाऱ्यांपर्यंत सर्वांच्या नियमित सुट्ट्या पुढील आदेश येईपर्यंत रद्द करण्यात आल्या आहेत. कायदा आणि सुव्यवस्थेची सध्याची परिस्थिती लक्षात घेता हा निर्णय घेण्यात आल्याचे सांगण्यात येत आहे. दिल्ली पोलिसांच्या वरिष्ठ अधिकाऱ्यांनी यासंदर्भात आदेश जारी केले असून, या आदेशानुसार अत्यंत आपत्कालीन परिस्थिती वगळता कोणत्याही कर्मचाऱ्याला नियमित रजा मंजूर केली जाणार नाही.
हवालदारापासून वरिष्ठ अधिकाऱ्यांपर्यंत आदेश लागू
दिल्ली पोलिसांनी जारी केलेल्या आदेशानुसार हा निर्णय पोलीस दलातील सर्व स्तरांवरील कर्मचाऱ्यांना लागू आहे. कॉन्स्टेबल, हवालदार, अधिकारी तसेच वरिष्ठ पोलीस अधिकाऱ्यांनाही या आदेशाचे पालन करावे लागणार आहे. पुढील आदेश मिळेपर्यंत सामान्य रजा, अर्जित रजा किंवा इतर प्रकारच्या नियमित सुट्ट्या मंजूर न करण्याचे निर्देश देण्यात आले आहेत.
Related News
PM मोदींचा Gen Z स्टाईल VIDEO का व्हायरल? 5 मोठी कारणं आली समोर; ‘मित्रों’ ऐवजी ‘Friends’ म्हणण्यामागचं गुपित
Parth Pawar Wedding: पार्थ पवारांच्या लग्नाची तारीख ठरली! 29 जुलैला साखरपुडा, ‘या’ दिवशी बारामतीत विवाहसोहळा
राहुल गांधी आणि अभिजीत दिपके राजीनाम्यावर ठाम; विरोधक आक्रमक, संसदेची कोंडी कशी फुटणार?
कच्ची हळद म्हणजे आरोग्याचा खजिना! रोगप्रतिकारशक्तीपासून पचनक्रियेपर्यंत जाणून घ्या फायदे
उन्हामुळे चेहरा काळवंडला? मुलतानी माती आणि टोमॅटोचा फेस पॅक लावा, घरच्या घरी टॅनिंग कमी करण्याचा सोपा उपाय
मोठी बातमी! अभिजीत दिपकेसह CJPच्या सर्व सदस्यांना अटक होणार? चर्चेपूर्वीच मोठा दावा, दिल्लीत खळबळ
Paper Leak : पेपर फोडणाऱ्यांची आता खैर नाही! 10 वर्षांचा तुरुंगवास, 1 कोटींचा दंड; सरकारचा मोठा निर्णय
CJP Protest : सरकारने मान्य केली मोठी मागणी; आता नड्डांच्या घरी बैठक नाही, ‘या’ तटस्थ ठिकाणी होणार चर्चा
मध्यरात्री नेमकं काय घडलं? 4 तासांची बैठक अन् वांगचुकांच्या पत्नीला फोन; उपोषण सोडण्याची इनसाइड स्टोरी
‘धर्मेंद्र प्रधान एवढे निर्लज्ज कसे?’ संदीप देशपांडेंचा सरकारवर घणाघाती हल्लाबोल
दादरच्या आंदोलनात पोलिसाचं महिलेसोबत गैरवर्तन? व्हिडीओ व्हायरल, कारवाईच्या मागणीने खळबळ
राजधानीतील सध्याची कायदा आणि सुव्यवस्थेची परिस्थिती लक्षात घेता पोलीस दलातील प्रत्येक कर्मचाऱ्याची उपस्थिती महत्त्वाची असल्याचे प्रशासनाकडून स्पष्ट करण्यात आले आहे. त्यामुळे आंदोलनाच्या पार्श्वभूमीवर बंदोबस्तासाठी मोठ्या प्रमाणात पोलीस कर्मचारी तैनात करण्यात येत आहेत.
फक्त आपत्कालीन परिस्थितीतच मिळणार सुट्टी
दिल्ली पोलिसांच्या आदेशानुसार केवळ वास्तविक आणि अत्यावश्यक आपत्कालीन परिस्थितीतच कर्मचाऱ्यांना सुट्टी मंजूर केली जाऊ शकते. मात्र, त्यासाठी संबंधित सक्षम अधिकाऱ्याची पूर्वपरवानगी घेणे आवश्यक असणार आहे. प्रत्येक प्रकरणाची परिस्थितीनुसार तपासणी केल्यानंतरच रजा देण्याचा निर्णय घेतला जाणार आहे.
सर्व पोलीस उपायुक्त आणि संबंधित वरिष्ठ अधिकाऱ्यांना या आदेशाची काटेकोरपणे अंमलबजावणी करण्याच्या सूचना देण्यात आल्या आहेत. त्यामुळे पुढील काही दिवस दिल्ली पोलीस दलातील मनुष्यबळ पूर्ण क्षमतेने बंदोबस्तासाठी उपलब्ध ठेवण्याचा प्रयत्न असल्याचे दिसून येत आहे.
प्रशिक्षण आणि कार्यक्रमांवरही निर्बंध
दरम्यान, दिल्ली पोलिसांनी आणखी एक महत्त्वपूर्ण आदेश जारी केला आहे. पुढील आदेश येईपर्यंत पोलीस आयुक्तांच्या परवानगीशिवाय कोणत्याही पोलीस कर्मचाऱ्याला प्रशिक्षण, कोर्स किंवा इतर अधिकृत कार्यक्रमांमध्ये सहभागी होता येणार नाही.
पोलीस दलातील कोणत्याही पदावरील कर्मचाऱ्याला हा नियम लागू असेल. सध्याच्या परिस्थितीत पोलिसांचे मनुष्यबळ आंदोलनस्थळी आणि संवेदनशील भागांमध्ये तैनात ठेवणे आवश्यक असल्याने प्रशिक्षण किंवा इतर कार्यक्रमांसाठी कर्मचारी उपलब्ध करून देण्यावर मर्यादा आणण्यात आल्या आहेत.
जंतर-मंतरवर आंदोलन सुरूच
दरम्यान, जंतर-मंतरवर सुरू असलेल्या आंदोलनाचा पाचवा दिवसही तणावपूर्ण वातावरणात पार पडत आहे. NEET पेपरफुटी प्रकरण आणि परीक्षा व्यवस्थेतील गैरप्रकारांच्या निषेधार्थ CJPच्या नेतृत्वाखाली विद्यार्थी आणि तरुण मोठ्या संख्येने आंदोलन करत आहेत. आंदोलकांकडून केंद्रीय शिक्षणमंत्री धर्मेंद्र प्रधान यांच्या राजीनाम्याची मागणी केली जात आहे.
सोमवारी आंदोलनकर्त्यांनी संसदेकडे मोर्चा काढण्याचा प्रयत्न केला होता. मात्र, पोलिसांनी आंदोलकांना पुढे जाण्यापासून रोखले. त्यानंतर परिस्थिती चिघळल्याचा दावा करण्यात आला. पोलिसांनी लाठीचार्ज केल्याचे आंदोलकांचे म्हणणे आहे, तर काही ठिकाणी आंदोलकांकडून पोलिसांवर दगडफेक झाल्याचेही वृत्त आहे.
या संघर्षात अनेक विद्यार्थी आणि आंदोलक जखमी झाले. काहींच्या डोक्याला दुखापत झाली असून, त्यांच्यावर रुग्णालयात उपचार सुरू असल्याचे सांगण्यात येत आहे. त्याचवेळी पोलिस दलातील काही कर्मचारीही जखमी झाल्याची माहिती समोर आली आहे.
पुन्हा हिंसाचाराची शक्यता?
जंतर-मंतरवर आंदोलन अद्याप सुरूच असल्याने आणि आंदोलक आपल्या मागण्यांवर ठाम असल्याने प्रशासनासमोर मोठे आव्हान निर्माण झाले आहे. आंदोलकांनी आंदोलन मागे घेण्यास नकार दिल्यास परिस्थिती आणखी तणावपूर्ण होण्याची शक्यता व्यक्त केली जात आहे.
याच पार्श्वभूमीवर दिल्ली पोलिसांनी बंदोबस्त वाढवण्याचा निर्णय घेतला आहे. यापूर्वी सुरक्षेच्या कारणास्तव दिल्लीतील काही भागांमध्ये निर्बंध लावण्यात आले होते. काही ठिकाणी इंटरनेट सेवांवरही परिणाम झाला होता. आता पोलीस दलातील सर्व कर्मचाऱ्यांच्या सुट्ट्या रद्द करण्याचा निर्णय घेण्यात आल्याने प्रशासन आंदोलनाकडे किती गांभीर्याने पाहत आहे, हे स्पष्ट होत आहे.
आता CJPचे आंदोलन पुढे कोणते वळण घेते आणि सरकार व आंदोलकांमध्ये चर्चेचा मार्ग मोकळा होतो का, याकडे सर्वांचे लक्ष लागले आहे. दरम्यान, दिल्ली पोलिसांच्या या निर्णयामुळे राजधानीतील सुरक्षाव्यवस्था आणखी कडक होण्याची शक्यता असून, पुढील काही दिवस दिल्लीतील घडामोडी अत्यंत महत्त्वाच्या ठरणार आहेत.
