अकोला, दि. ३० : बार्शीटाकळी नजिकच्या एका गावात बनावट आधारकार्डावर एका अल्पवयीन मुलीचा विवाह करण्याचा प्रयत्न चाईल्डलाईन व काही स्वयंसेवी संस्थांच्या सतर्कता व जलद कार्यवाहीमुळे फसला.
बार्शीटाकळी पोलीस ठाण्याअंतर्गत येणाऱ्या एका गावात १७ वर्षीय मुलीचा विवाह २४ वर्षीय तरुणासोबत होणार असल्याची माहिती चाईल्ड लाईन, ‘ॲसेस टू जस्टीस’, आय. एस. डब्ल्यू. एस. यांना मिळाली. त्यांच्या टीमने धाडसी कारवाई करत हा विवाह तत्काळ थांबवला.
या घटनेत मुलीचे आधीच्या आधारकार्ड वय १७ वर्ष असताना ते वाढवून बनावट कार्ड तयार केल्याचे आढळले. टीमने तत्काळ पोहोचून पालकांना ग्रामपंचायत कार्यालयात आणले. संबंधितांना बालविवाह प्रतिबंधक अधिनियम २००६ बद्दल माहिती देऊन बाल विवाहाचे दुष्परिणाम समजावून सांगितले. त्यानंतर प्रकरण अकोला येथील बाल कल्याण समितीसमोर मांडण्यात आले. समुपदेशन आणि कडक इशारा देऊन बाल कल्याण समितीसमोर दोन्ही पक्षांची बैठक घेण्यात आली. यावेळी बालविवाह प्रतिबंधक अधिनियमाबद्दल उपस्थितांना सविस्तर माहिती देण्यात आली.
अल्पवयीन वयात लग्न झाल्यास मुलीच्या शारीरिक, मानसिक आणि शैक्षणिक आयुष्यावर होणाऱ्या दुष्परिणामांची जाणीव करून देण्यात आली. मुलीचे वय १८ वर्षे पूर्ण झाल्याशिवाय तिचे लग्न करणे हा कायदेशीर गुन्हा असल्याचे स्पष्ट करण्यात आले.
दोन्ही बाजूंच्या पालकांकडून “मुलीचे वय १८ वर्षे पूर्ण झाल्याशिवाय तिचे लग्न लावणार नाही” अशा आशयाचे कायदेशीर हमीपत्र लिहून घेण्यात आले.
ही यशस्वी कारवाई बाल कल्याण समितीच्या अध्यक्षा ॲड.अनिता गुरव, सदस्य राजेश देशमुख, डॉ.विनय दांदळे, ॲड.शीला तोष्णीवाल, प्रांजली जयस्वाल, बाल संरक्षण अधिकारी राजू लाडुलकर, चाईल्ड लाईन समन्वयक हर्षाली गजभिये, जिल्हा प्रकल्प समन्वयक शंकर वाघमारे, कम्युनिटी सोशल पूजा मनवर आदींनी केली.
Related News
SpiceJet Employee Ends Life: WhatsApp Status पाहून घरमालक धावला; गूढ कायम
वंदे मातरम गीताला दीडशे वर्षे पूर्ण नियोजनभवनात सामूहिक गायन; शहिदांना अभिवादन
अचूक नियोजन व काटेकोर अंमलबजावणी आवश्यक
IMD Weather Alert : महाराष्ट्रात अवकाळी पाऊस आणि विजांचा धोका, 9 जिल्ह्यांवर विशेष खबरदारी
राष्ट्रीय विद्यापीठ बॉक्सींग स्पर्धा: कुरुक्षेत्रात कोणत्या बॉक्सरांचा दबदबा ,रजत की कांस्य ? निर्णय वाचकांना थक्क करेल!
इराणच्या सर्वोच्च नेते अयातुल्ला अली खामेनेई यांचे निधन; भारताने व्यक्त केले दु:ख
अकोला परिमंडळात महावितरणची थकबाकी शुन्य करण्यासाठी सामुहिक कार
College Student Missing : 18 वर्षांचा विद्यार्थी बेपत्ता – आईच्या भावनिक पत्रामुळे चिंता वाढली
गावातील वडिलोपार्जित जमिनीवर आता मिळवा कायदेशीर हक्क – पीएम स्वामित्व योजना सुरु!
मूर्तिजापूरमध्ये बेपत्ता इसमाचा कुजलेल्या अवस्थेतील मृतदेह सापडला
Gold Price Update : 1 ग्रॅम सोन्याची अंगठी – फायदेशीर की तोट्याची ?
read also : https://ajinkyabharat.com/new-shocking-truth-revealed-in-rahul-banerjee-death-case/
