दहिगाव गावंडे (प्रतिनिधी): आई-वडील हे कुटुंबाचे आधारस्तंभ असतात, परंतु यामध्ये वडील हे मुख्य आधार मानले जातात. वडिलांचे छत्र हरवल्यास कुटुंबाला दु:खाचा डोंगर बसतो. या भावनेतून जयस्वाल परिवाराने त्यांच्या वडिलांच्या स्मृतीसाठी अन्वी मिर्झापूर येथे भव्य प्रवेशद्वार आणि स्मशानभूमीचे सुशोभिकरण केले आहे.
स्वर्गीय बाबूलाल जी जयस्वाल आणि स्वर्गीय नवलकिशोर जयस्वाल यांच्या स्मृतीसाठी लाखो रुपये खर्च करून ही वास्तू बांधण्यात आली आहे, जेणेकरून त्यांच्या आठवणी कधीही ताज्या राहतील.
Related News
TET पेपरफुटीचा धक्कादायक सोलापूर कनेक्शन; 16वा आरोपी अटकेत, पोलीस प्रशिक्षण संस्था चालकावर कारवाई
‘5 मिनिटांत बॉडी गायब होते’; संजय राऊतांचा धक्कादायक दावा, गडचिरोलीत नेमकं काय घडतंय?
गडचिरोलीत आश्रमशाळेत मण्यार सापाने 4 विद्यार्थिनींना दंश, 3 मुलींचा दुर्दैवी मृत्यू
मनोज जरांगे पाटील यांच्या ताफ्यातील 2-3 वाहनांचा अपघात ; सुदैवाने मोठं संकट टळलं
पिंपरीत 7 भटक्या कुत्र्यांचा 5 वर्षीय चिमुरडीवर भीषण हल्ला; 46 सेकंद लचके तोडले, शरीरावर 90 टाके
तुकाराम मुंढेंनी मित्रांसाठी स्वतः बनवला चहा, देशभरातून होतंय कौतुक! 1 व्हिडीओने जिंकली मनं!
Baramati विमानतळ हादरलं! प्रशिक्षण विमानाचा अपघात, धक्कादायक VIDEO समोर
नाशिक-पुणे रेल्वेसाठी समृद्धी महामार्ग रोखला; सत्यजित तांबे ताब्यात, आंदोलन मात्र सुरूच!
या भव्य प्रवेशद्वाराचे आणि मोक्षधाम लोकार्पणाचे सोहळा दिनांक 15 नोव्हेंबर रोजी अकोला पूर्वचे आमदार रणधीर सावरकर यांच्या उपस्थितीत संपन्न झाले.
सोहळ्याचे अध्यक्ष होते माजी सरपंच हिरालाल जयस्वाल, तर प्रमुख अतिथींमध्ये ग्रामपंचायत सरपंच प्रदीप नवलकर, कृषी अधीक्षक प्रमोद लहाळे, पोलीस उपनिरीक्षक मनोज उघडे, भाजपाचे युवानेते पंकज वाडेवाले, तसेच राजू गावंडे, केशवराव लहाळे, उपसरपंच इरफान पटेल आदी मान्यवर उपस्थित होते.
सोहळ्याची सुरुवात छत्रपती शिवरायांचे पूजन करून करण्यात आली. कार्यक्रमाचे प्रास्ताविक ज्ञानेश्वर गावंडे यांनी केले, तर पाहुण्यांचे स्वागत विनोद जयस्वाल आणि शशीलाल जयस्वाल यांनी केले.
कार्यक्रमाचे सूत्रसंचालन विकास पल्हाडे यांनी केले, तर यशस्वीतेसाठी पवन जयस्वाल, संतोष जयस्वाल, मंगेश जयस्वाल, प्रकाश जयस्वाल, संजू वसु, संतोष गावंडे, रवींद्र जयस्वाल यांनी विशेष मेहनत घेतली.
जयस्वाल परिवाराच्या या उपक्रमामुळे गावातील लोकांना वडिलांच्या स्मृतींना उजाळा देणाऱ्या या वास्तूचा अनुभव घेता आला, तसेच सामाजिक आणि पारंपरिक संस्कृतीच्या जपणुकीसाठी हा एक महत्त्वाचा ठसा ठरला आहे.
