अकोला महापालिकेत सत्ता स्थापनेपूर्वी राजकीय वातावरण चांगलेच तापले आहे. महापौर निवडणुकीच्या पार्श्वभूमीवर विविध पक्षांकडून दावे–प्रतिदावे सुरू असून शहरातील राजकारण निर्णायक वळणावर आले आहे. एकीकडे भाजपने बहुमतासाठी आवश्यक संख्याबळ जमवत 44 सदस्यांचा शहर सुधार आघाडी स्थापन केल्याचा दावा केला आहे. त्यामुळे भाजपचा सत्तास्थापनेचा मार्ग मोकळा झाल्याचे चित्र दिसत असतानाच, काँग्रेसनेही जोरदार प्रतिदावा केला आहे.
काँग्रेसचे आमदार साजिद खान पठाण यांनी पत्रकारांशी बोलताना आमच्याकडे बहुमतासाठी आवश्यक असलेला 41 चा जादुई आकडा पूर्ण असल्याचा ठाम दावा केला आहे. महाविकास आघाडीच्या माध्यमातूनच अकोल्यात सत्ता स्थापन होईल आणि महापौर हा आमचाच असेल, असा विश्वासही त्यांनी व्यक्त केला. भाजपच्या दाव्यांवर प्रश्नचिन्ह उपस्थित करत, अनेक नगरसेवक आमच्या संपर्कात असल्याचे सूचक वक्तव्यही त्यांनी केले.
या पार्श्वभूमीवर अकोला महापालिकेतील सत्तासंघर्ष अधिक चुरशीचा झाला आहे. उद्याच्या महापौर निवडणुकीत कोणत्या घडामोडी घडतात, कोणाचे संख्याबळ प्रत्यक्षात सिद्ध होते आणि सत्तेची चावी कुणाच्या हाती जाते, याकडे संपूर्ण शहराचे लक्ष लागले आहे. अकोल्याच्या राजकारणात उद्याचा दिवस निर्णायक ठरण्याची शक्यता आहे.
Related News
हुतात्म्यांचे विचार नव्या पिढीपर्यंत पोहोचवणे गरजेचे; अमित आझाद यांचे प्रतिपादन
शेतकऱ्यांच्या पाठीशी महाराष्ट्र शासन खंबीर; ओला दुष्काळासाठी केंद्राकडे प्रस्ताव पाठवणार – कृषिमंत्री भरणे
‘कर्नाटकात जे होऊ शकतं, ते महाराष्ट्रात का नाही?’ रोहित पवारांचा सरकारला सवाल
अजितदादांच्या आठवणीने सुनेत्रा पवार भावूक; भरसभेत डोळ्यांत अश्रू
दुष्काळात काजू-बादामावर ताव; व्हिडीओ व्हायरल झाल्यानंतर फडणवीस म्हणाले, “अशा गोष्टी टाळल्या पाहिजेत”
एपस्टीन फाइल्सवरून राऊतांचा खळबळजनक दावा; ‘अमेरिकेला प्रोटेक्शन मनी दिली जात आहे’
Disha Salian प्रकरणात सतीश सालियन यांचा मोठा निर्णय; आज थेट मातोश्रीवर जाणार
श्वेता महालेंचा संजय गायकवाडांना पुन्हा टोला; ‘बाप तो बाप रहेगा’वरून वाद पेटला
पुणे पदवीधर मतदारसंघाच्या उमेदवारीवरून महायुतीत संघर्ष; राष्ट्रवादीच्या मागणीने नवा ट्विस्ट
शेतकऱ्यांसाठी राज्य सरकार ॲक्शन मोडमध्ये; पालकमंत्र्यांना तातडीने जिल्ह्यात जाण्याच्या सूचना
read also : https://ajinkyabharat.com/fatawar-accident-on-bhatkuli-road-four-dead/
