पुणे : सात जन्म एकत्र राहण्याच्या शपथा घेतलेल्या जोडप्याचा संसार अवघ्या ११ महिन्यांत कोलमडल्याची धक्कादायक घटना पुण्यात समोर आली आहे. विशेष म्हणजे, परदेशात नोकरी करणाऱ्या या दाम्पत्याने परस्पर संमतीने घटस्फोट घेण्याचा निर्णय घेतला आणि त्यांच्या लग्नाची जुळवाजुळव करणाऱ्या आईंनीच ‘मुखत्यारपत्र’ घेऊन संपूर्ण घटस्फोट प्रक्रिया पूर्ण केली.
नीरज आणि प्रियांका (नावे बदलली आहेत) यांचा विवाह २८ जून २०२३ रोजी पुण्यातील कोरेगाव पार्क परिसरातील एका पंचतारांकित हॉटेलमध्ये मोठ्या थाटामाटात पार पडला होता. दोघेही परदेशात आयटी क्षेत्रात उच्च पदांवर कार्यरत होते. लग्नानंतर त्यांनी एकत्र आयुष्याची सुरुवात केली; मात्र केवळ ११ महिन्यांतच त्यांच्या नात्यात गंभीर मतभेद निर्माण झाले.
विचारांमधील तफावत, जीवनशैलीतील फरक आणि सतत वाढत जाणारे वाद यामुळे त्यांनी वेगळे राहण्याचा निर्णय घेतला. लग्नाला एक वर्ष पूर्ण होण्याच्या आतच त्यांनी विभक्त होण्याचा मार्ग स्वीकारला. अपत्य नसल्याने त्यांनी परस्पर संमतीने घटस्फोटासाठी न्यायालयात अर्ज दाखल करण्याचे ठरवले.हिंदू विवाह कायद्याच्या कलम १३ (ब) नुसार परस्पर संमतीने घटस्फोटासाठी अर्ज करताना पती-पत्नीने एक वर्ष स्वतंत्र राहणे आवश्यक असते. त्यानंतर सहा महिन्यांचा ‘कूलिंग ऑफ पीरियड’ दिला जातो, ज्यामध्ये दोघांना पुन्हा एकत्र येण्याचा विचार करण्याची संधी दिली जाते. साधारणपणे ही प्रक्रिया १८ महिन्यांची असते.
Related News
No UPI Day Today 2 October : व्यापाऱ्यांचा डिजिटल व्यवहारांना विरोध, बाजारात जाताना कॅश ठेवा
पुण्यात 150 गणेश मंडळांना लक्ष्मी रस्त्यावर मिरवणुकीची परवानगी नाकारली; रवींद्र धंगेकर आक्रमक
अजितदादांच्या आठवणीने सुनेत्रा पवार भावूक; भरसभेत डोळ्यांत अश्रू
पुणे पदवीधर मतदारसंघाच्या उमेदवारीवरून महायुतीत संघर्ष; राष्ट्रवादीच्या मागणीने नवा ट्विस्ट
पार्थ पवारांच्या अडचणी वाढणार? मुंढवा जमीन प्रकरणात थेट आरोपी करण्याची मागणी
40 विद्यार्थ्यांना घेऊन जाणारी एसटी बस सुपे घाटात उलटली; 4 ते 5 विद्यार्थी जखमी
बारामतीत 19 वर्षीय तरुणाने डोक्यात गोळी झाडून घेतली; उपचारादरम्यान मृत्यू
गणेशोत्सवातील 10 दिवसांच्या दारूबंदीवर कोर्ट संतापले; पुणे प्रशासनाला फटकारले!
DJ विरोधी भूमिका विद्यानंद बापटांना पडली महागात; हिंदू सेवा संघाची थेट हद्दपारीची मागणी!
MPSC प्रकरणावरून अभिजीत दिपके आक्रमक; राज्य सरकारला दिला मोठा इशारा!
Vidyanand Bapat Dance Video : दहीहंडीत DJच्या तालावर ‘बापट’ थिरकले; पुणेकरांची भन्नाट कल्पकता चर्चेत!
गणपतीच्या आरतीला जाणार का? Vidyanand Bapat यांनी दिलं स्पष्ट उत्तर!
मात्र, या प्रकरणात पती-पत्नी जवळपास दोन वर्षांपासून वेगळे राहत असल्याचे न्यायालयाच्या निदर्शनास आले. तसेच, दोघांमध्ये कोणत्याही प्रकारचे आर्थिक किंवा इतर वाद नसल्याचे स्पष्ट झाले. समुपदेशकाच्या अहवालातही हे नाते पुन्हा जुळण्याची शक्यता नसल्याचे नमूद करण्यात आले होते.या सर्व बाबींचा विचार करून न्यायालयाने सहा महिन्यांचा ‘कूलिंग ऑफ पीरियड’ रद्द करण्याचा निर्णय घेतला आणि घटस्फोटाच्या अर्जाला मंजुरी दिली. यामुळे या जोडप्याला आपल्या आयुष्याची नव्याने सुरुवात करण्याचा मार्ग मोकळा झाला.
या प्रकरणातील आणखी एक वैशिष्ट्यपूर्ण बाब म्हणजे, पती-पत्नी परदेशात वास्तव्यास असल्याने त्यांना प्रत्येक सुनावणीसाठी भारतात येणे शक्य नव्हते. त्यामुळे त्यांनी आपल्या आईंना ‘पॉवर ऑफ ॲटर्नी’ दिले. त्यांच्या आईंनीच न्यायालयीन प्रक्रिया पार पाडली. लग्न जुळविणाऱ्या आयांनीच घटस्फोटाची प्रक्रिया पूर्ण केल्याने या प्रकरणाची सर्वत्र चर्चा सुरू आहे.
न्यायालयाने व्हिडिओ कॉन्फरन्सिंगद्वारे पती-पत्नीशी संवाद साधला आणि त्यांचा निर्णय स्वेच्छेने घेतलेला असल्याची खातरजमा केली. त्यानंतरच अंतिम निर्णय देण्यात आला.
आजच्या बदलत्या जीवनशैलीत, विशेषतः परदेशात नोकरी करणाऱ्या जोडप्यांमध्ये अशा प्रकारचे मतभेद वाढताना दिसत आहेत. करिअर, वेळेचा अभाव, सांस्कृतिक फरक आणि वैयक्तिक अपेक्षा यामुळे नात्यांमध्ये दुरावा निर्माण होतो. या घटनेतून आधुनिक नातेसंबंधांमधील गुंतागुंत आणि वास्तव स्पष्टपणे समोर येते.
