Chief Minister Devendra Fadnavis ऑक्टोबरच्या दुसऱ्या आठवड्यात अकोला दौऱ्यावर; १ हजार कोटींच्या विकासकामांचे लोकार्पण व भूमिपूजन
विविध विकास प्रकल्पांचा शुभारंभ; कर्जमाफी लाभार्थी शेतकऱ्यांकडून मुख्यमंत्र्यांचा जाहीर सत्कार, भव्य सभेचीही तयारी
राज्याचे Chief Minister Devendra Fadnavis हे ऑक्टोबर महिन्याच्या दुसऱ्या आठवड्यात अकोला जिल्ह्याच्या दौऱ्यावर येणार असल्याची माहिती भारतीय जनता पक्षाच्या सूत्रांकडून देण्यात आली आहे. मुख्यमंत्री फडणवीस यांच्या या दौऱ्यादरम्यान अकोला जिल्ह्यात तब्बल १ हजार कोटी रुपयांच्या विविध विकासकामांचे लोकार्पण, भूमिपूजन आणि शुभारंभ करण्यात येणार असल्याची माहिती समोर आली आहे. त्यामुळे मुख्यमंत्र्यांच्या अकोला दौऱ्याकडे जिल्ह्याचे लक्ष लागले आहे.
Chief Minister Devendra Fadnavis यांच्या प्रस्तावित दौऱ्याच्या पार्श्वभूमीवर भारतीय जनता पक्षाच्या स्थानिक पदाधिकाऱ्यांकडून तयारीला वेग आला असून, त्यांच्या भव्य स्वागतासाठी विविध समित्यांची स्थापना करण्यात आली आहे. दौऱ्यादरम्यान मुख्यमंत्र्यांच्या हस्ते शहरासह जिल्ह्यातील अनेक महत्त्वपूर्ण विकास प्रकल्पांना चालना मिळणार आहे.
१ हजार कोटींच्या विकासकामांचा समावेश
Chief Minister Devendra Fadnavis यांच्या हस्ते होणाऱ्या विविध विकासकामांमध्ये सिटी बस सेवा, तलाव सुशोभीकरण, सांस्कृतिक भवन, क्रीडा भवन, मेन हॉस्पिटल, बोरगाव मंजू येथील रुग्णालय यांसह विविध सामाजिक आणि पायाभूत सुविधांशी संबंधित प्रकल्पांचा समावेश असल्याचे सांगण्यात येत आहे.
Related News
“संगीताला बंदी नाही, ढोल-ताशालाही बंदी नाही!” विश्वास नागरे पाटील यांचा मोठा खुलासा
Nepal : 9 दिवसांनंतर बोगद्यातून आवाज! ‘आम्ही जिवंत आहोत’ म्हणत कामगारांचा प्रतिसाद
गणपतीच्या आरतीला जाणार का? Vidyanand Bapat यांनी दिलं स्पष्ट उत्तर!
पायऱ्या चढताच लागतोय दम? फिटनेसची कमी की गंभीर आजाराचा संकेत?
PayPal मध्ये कर्मचारी कपातीचा भूकंप! 600 जणांवर कुऱ्हाड?
SIP की RD? 5 हजारांच्या मासिक बचतीतून १ लाख रुपये कसे जमवायचे, जाणून घ्या संपूर्ण गणित
DJ बंदीवरून संजय राऊतांचं फडणवीसांना थेट आव्हान; म्हणाले, “निर्णय घेण्याची हिंमत आहे का?”
EPF की NPS? महिन्याला ₹10,000 गुंतवल्यास निवृत्तीनंतर कुठे मिळणार जास्त पैसा?
अखेर भाजप नेत्याविरोधात गुन्हा दाखल; चाळीसगावातील अपघातानंतर ग्रामस्थांचा संताप
राष्ट्रीय कुस्तीपटू अश्विनी पौळ यांचा 3 लेकरांसह किल्ल्यावरून उडीचा धक्कादायक प्रकार
दिशा सालियन प्रकरणात CBI चौकशीचे आदेश; आदित्य ठाकरेंची पहिली प्रतिक्रिया, म्हणाले…
India’s External Affairs Minister S. Jaishankar :रशियन तेल खरेदीवर युक्रेनी पत्रकाराचा सवाल; जयशंकरांचं सडेतोड उत्तर!
अकोला शहराच्या विकासाच्या दृष्टीने सिटी बस सेवा हा महत्त्वाचा प्रकल्प मानला जात आहे. शहरातील नागरिकांना अधिक चांगली सार्वजनिक वाहतूक व्यवस्था उपलब्ध करून देण्याच्या दृष्टीने या सेवेचा फायदा होणार आहे. त्याचबरोबर तलाव सुशोभीकरणामुळे शहरातील जलस्रोतांचे संवर्धन तसेच नागरिकांसाठी मनोरंजन व पर्यटनाच्या दृष्टीने सुविधा निर्माण होण्याची अपेक्षा व्यक्त केली जात आहे.
सांस्कृतिक आणि क्रीडा क्षेत्रासाठी प्रस्तावित भवनांमुळे स्थानिक कलाकार, खेळाडू आणि विविध सामाजिक संस्थांना व्यासपीठ उपलब्ध होण्यास मदत होणार आहे. आरोग्य क्षेत्रातील मेन हॉस्पिटल तसेच बोरगाव मंजू येथील रुग्णालयाच्या कामांमुळे नागरिकांना आरोग्य सुविधा अधिक सक्षमपणे उपलब्ध करून देण्याचा प्रयत्न असल्याचे सांगण्यात येत आहे.
कर्जमाफी लाभार्थी शेतकऱ्यांकडून मुख्यमंत्र्यांचा सत्कार
मुख्यमंत्री देवेंद्र फडणवीस यांच्या दौऱ्याचे आणखी एक महत्त्वाचे वैशिष्ट्य म्हणजे महात्मा ज्योतिबा फुले कर्जमाफी योजनेत समाविष्ट झालेल्या शेतकऱ्यांकडून मुख्यमंत्र्यांचा जाहीर सत्कार करण्यात येणार असल्याची माहिती आहे.
अकोला जिल्ह्यातील कर्जमाफीचा लाभ मिळालेल्या शेतकऱ्यांच्या वतीने तसेच विविध शेतकरी संघटनांकडून हा सत्कार आयोजित केला जाणार असल्याचे सांगण्यात आले आहे. शेतकऱ्यांना कर्जमाफीच्या योजनेत समाविष्ट करण्यासाठी आमदार रणधीर सावरकर यांच्या नेतृत्वाखाली आमदारांकडून मागणी करण्यात आली होती. या मागणीला मुख्यमंत्री देवेंद्र फडणवीस यांनी पाठबळ दिल्याचे पक्षाच्या सूत्रांकडून सांगण्यात आले.
त्यामुळे या दौऱ्यात शेतकरी आणि मुख्यमंत्री यांच्यातील संवादालाही महत्त्व प्राप्त होणार आहे.
Chief Minister Devendra Fadnavis : मुख्यमंत्र्यांची जाहीर सभा
अकोला दौऱ्याच्या निमित्ताने मुख्यमंत्री देवेंद्र फडणवीस हे जाहीर सभेलाही संबोधित करणार असल्याची माहिती देण्यात आली आहे. या सभेत मुख्यमंत्री जिल्ह्यातील विविध विकासकामांची माहिती देण्यासोबतच शासनाच्या विविध योजना आणि आगामी विकास आराखड्याबाबत भूमिका मांडण्याची शक्यता आहे.
मुख्यमंत्र्यांच्या सभेला मोठ्या संख्येने नागरिक, शेतकरी, भाजप पदाधिकारी आणि कार्यकर्ते उपस्थित राहावेत, यासाठी पक्षाच्या स्थानिक पातळीवर नियोजन सुरू करण्यात आले आहे.
भाजपकडून तयारीला वेग
Chief Minister Devendra Fadnavis यांना अकोला दौऱ्यासाठी भारतीय जनता पक्षाच्या वतीने अधिकृत निमंत्रण देण्यात आल्याची माहिती पक्ष सूत्रांनी दिली आहे. मुख्यमंत्र्यांच्या दौऱ्याच्या पार्श्वभूमीवर त्यांच्या स्वागतासाठी मोठ्या प्रमाणात तयारी केली जात आहे.
या नियोजनासाठी आमदार रणधीर सावरकर, खासदार अनुप धोत्रे, पालकमंत्री अॅड. आकाश फुंडकर, आमदार हरीश पिंपळे, आमदार प्रकाश भारसाकळे, आमदार वसंत खंडेलवाल, जिल्हाध्यक्ष संतोष शिवरकर, महानगराध्यक्ष जयंत मसने यांच्यासह भाजपचे विविध पदाधिकारी आणि कार्यकर्ते सक्रिय झाले आहेत.
दौऱ्याच्या नियोजनासाठी विविध समित्यांची स्थापना करण्यात आली असून, स्वागत, सभा, प्रसिद्धी, नियोजन, नागरिकांची उपस्थिती आणि इतर व्यवस्थांसाठी पदाधिकाऱ्यांवर जबाबदाऱ्या सोपविण्यात आल्याचे सांगण्यात आले आहे.
माजी महापौर शारदाताई खेडकर, वैशालीताई शेळके, अॅड. जयश्रीताई फुंडकर, वैशालीताई पालीवाल, मायाताई घुले, सुलभाताई दुतोंडे, डॉ. अमित कावरे, हर्षद साबळे, पवन महल्ले, योगेश गोतमारे, अंबादास उमाळे, माधव मानकर, राजेश नागमते, अॅड. रूपाली काकडे, अॅड. देवाशिष काकड, विद्याधर काकड, संजय गोटफोडे, गिरीश जोशी, निकेश गुप्ता, वसंत बाचुका, शंकरराव वाकोडे, किशोर पाटील यांच्यासह विविध मंडल अध्यक्ष व पदाधिकारी या तयारीत सहभागी असल्याची माहिती आहे.
अकोल्याच्या विकासाला मिळणार चालना?
मुख्यमंत्री देवेंद्र फडणवीस यांच्या प्रस्तावित अकोला दौऱ्यात सुमारे १ हजार कोटी रुपयांच्या विकासकामांचे लोकार्पण आणि भूमिपूजन होणार असल्याने जिल्ह्यातील पायाभूत सुविधा आणि आरोग्य, वाहतूक, क्रीडा व सांस्कृतिक क्षेत्रातील विकासाला चालना मिळण्याची अपेक्षा व्यक्त केली जात आहे.
दरम्यान, मुख्यमंत्र्यांच्या दौऱ्याची अधिकृत तारीख, कार्यक्रमाचे ठिकाण आणि वेळापत्रक याबाबत अधिकृत घोषणा होणे अद्याप बाकी आहे. मात्र, भाजपकडून दौऱ्याच्या तयारीला सुरुवात झाल्याने अकोल्यातील राजकीय आणि सामाजिक वर्तुळात या दौऱ्याची चर्चा रंगली आहे.
Chief Minister Devendra Fadnavis यांच्या अकोला दौऱ्यात कोणते प्रकल्प प्रत्यक्ष मार्गी लागणार, किती विकासकामांचे लोकार्पण आणि भूमिपूजन होणार आणि जाहीर सभेत मुख्यमंत्री कोणती भूमिका मांडणार, याकडे आता अकोलेकरांचे लक्ष लागले आहे.
Read Also : https://ajinkyabharat.com/dharashiv-news/
