Sachin Pilgaonkar Work: सचिन पिळगांवकर हे मराठीसोबतच बॉलिवूडमधलेसुद्धा लोकप्रिय व्यक्तीमत्व आहेत.
पण आता त्यांनी कोणीच आपल्याला काम देत नसल्याची खंत व्यक्त केली आहे.
मुंबई- सचिन पिळगावकर यांनी वयाच्या अवघ्या चौथ्या वर्षी अभिनय क्षेत्रात पदार्पण केले होते.
आजवर सचिन पिळगावकर यांनी त्यांच्या कारकिर्दीमध्ये अनेक उत्कृष्ट कलाकृती सादर केल्या आहेत.
केवळ अभिनेताच नव्हे तर दिग्दर्शक निर्माता लेखक आणि गायक म्हणून सुद्धा ते लोकप्रिय आहेत.
मराठी सोबतच हिंदी सिनेमांमध्ये सुद्धा त्यांनी आपली छाप पाडली होती.
१९८० च्या दशकाच्या उत्तरार्धात त्यांनी अनेक मराठी सिनेमांचे दिग्दर्शन केले
आणि त्यात अभिनय सुद्धा केलासचिन पिळगावकर यांचा जन्म
१७ ऑगस्ट १९५७ रोजी गोव्यातील पिलागाव येथील सारस्वत ब्राह्मण कुटुंबात मुंबईत झाला.
त्यांचे वडील शरद पिळगावकर हे चित्रपट निर्माते होते आणि मुंबईत प्रिंटिंग व्यवसायही चालवत होते.
बालकलाकार म्हणून आपल्या कारकिर्दीला सुरुवात करणाऱ्या सचिन यांनी
आपल्या मेहनतीच्या आणि क्षमतेच्या जोरावर केवळ मराठी चित्रपटसृष्टीसोबतच
बॉलिवूडमध्येही खूप नाव कमावले आहे. ‘हा माझा मार्ग एकला’ या मराठी
चित्रपटात बालकलाकार म्हणून काम करायला त्यांनी सुरुवात केली.
या चित्रपटातील त्यांच्या अभिनयाचे खूप कौतुक झाले. इतकेच नाही तर या चित्रपटासाठी त्यांना वयाच्या
५ व्या वर्षी देशाचे राष्ट्रपती सर्वपल्ली डॉ. राधाकृष्णन यांच्या हस्ते राष्ट्रीय पुरस्काराने सन्मानित करण्यात आले.
काही दिवसांपूर्वी सचिन पिळगावकर नवरा माझा नवसाचा २ या सिनेमात दिसलेले.
बऱ्याच काळाने त्यांनी मोठ्या पडद्यावर काम केले. इतकी वर्ष मराठी फिल्म इंडस्ट्री मध्ये
ते का दिसले नाहीत याबद्दल त्यांनी एका मुलाखतीत उत्तर दिले.देवाचे घर या सिनेमाच्या प्रीमियरला
लोकमत फिल्मी ला दिलेल्या मुलाखतीत सचिन पिळगावकर म्हणाले होते की, मोठ्या पडद्यावर
दिसण्यासाठी माझ्याकडे सध्या कोणतेही काम नाही. आणि मला कोणी कामही देत नाही.
आमच्या सिनेमात काम करा असे म्हणायला माझ्याकडे कोणी येतही नाही.
ते का येत नाही हे मला माहित नाही त्यांना कदाचित वाटत असेल की मी
अभिनय सोडला आहे पण ती त्यांची चुकीची समजूत आहे.
सचिन पिळगावकर यांनी आजवर अनेक उत्तम उत्तम कलाकृती सादर केले आहेत.
पण आज एवढ्या मोठ्या कलाकाराला कामाची संधी मिळत नाही हे थोड्या आश्चर्यकारक आहे.
More news update: https://ajinkyabharat.com/rcbne-bhakri-firwali-naveen-karnadharachi-declaration-young-khedukde-sopwali/
