धर्मेंद्र प्रधान एवढे निर्लज्ज कसे? ‘लाच कोळून प्यायलेत’ म्हणत मनसे नेते संदीप देशपांडे यांचा सरकारवर जोरदार हल्लाबोल
मुंबई : नीट पेपरफुटीच्या मुद्द्यावरून देशभरात विद्यार्थी आणि विविध संघटनांकडून आंदोलन सुरू असताना आता या आंदोलनाचे पडसाद महाराष्ट्रातही उमटताना दिसत आहेत. दिल्लीतील जंतर-मंतरपासून सुरू झालेल्या आंदोलनाला राज्यातील विविध भागांतून पाठिंबा मिळत आहे. मुंबईतही विद्यार्थ्यांकडून आणि आंदोलकांकडून आंदोलन करण्यात येत असून, काही ठिकाणी पोलिसांकडून आंदोलकांची धरपकड करण्यात आल्याचा दावा केला जात आहे. या पार्श्वभूमीवर महाराष्ट्र नवनिर्माण सेनेचे नेते संदीप देशपांडे यांनी राज्य सरकार आणि केंद्र सरकारवर जोरदार टीका केली आहे.
मुंबईतील दादर परिसरातील शिवाजी पार्क येथे आंदोलन करणाऱ्या काही आंदोलकांना पोलिसांनी ताब्यात घेतल्याची माहिती समोर आल्यानंतर राजकीय वातावरण तापले आहे. पोलिसांच्या या कारवाईवरून मनसे नेते संदीप देशपांडे यांनी अनेक प्रश्न उपस्थित केले आहेत. विद्यार्थ्यांना आपल्या मागण्यांसाठी शांततापूर्ण पद्धतीने आंदोलन करण्याचा अधिकार आहे. त्यामुळे त्यांच्यावर कारवाई करण्याऐवजी त्यांच्या मागण्यांवर सरकारने चर्चा करावी, अशी भूमिका त्यांनी मांडली.
माध्यमांशी संवाद साधताना संदीप देशपांडे यांनी केंद्र सरकार आणि राज्य सरकारवर निशाणा साधला. यावेळी त्यांनी केंद्रीय शिक्षणमंत्री धर्मेंद्र प्रधान यांच्या राजीनाम्याची मागणी करत अत्यंत आक्रमक शब्दांत टीका केली.
Related News
PM मोदींचा Gen Z स्टाईल VIDEO का व्हायरल? 5 मोठी कारणं आली समोर; ‘मित्रों’ ऐवजी ‘Friends’ म्हणण्यामागचं गुपित
Parth Pawar Wedding: पार्थ पवारांच्या लग्नाची तारीख ठरली! 29 जुलैला साखरपुडा, ‘या’ दिवशी बारामतीत विवाहसोहळा
राहुल गांधी आणि अभिजीत दिपके राजीनाम्यावर ठाम; विरोधक आक्रमक, संसदेची कोंडी कशी फुटणार?
कच्ची हळद म्हणजे आरोग्याचा खजिना! रोगप्रतिकारशक्तीपासून पचनक्रियेपर्यंत जाणून घ्या फायदे
उन्हामुळे चेहरा काळवंडला? मुलतानी माती आणि टोमॅटोचा फेस पॅक लावा, घरच्या घरी टॅनिंग कमी करण्याचा सोपा उपाय
मोठी बातमी! अभिजीत दिपकेसह CJPच्या सर्व सदस्यांना अटक होणार? चर्चेपूर्वीच मोठा दावा, दिल्लीत खळबळ
Paper Leak : पेपर फोडणाऱ्यांची आता खैर नाही! 10 वर्षांचा तुरुंगवास, 1 कोटींचा दंड; सरकारचा मोठा निर्णय
CJP Protest : सरकारने मान्य केली मोठी मागणी; आता नड्डांच्या घरी बैठक नाही, ‘या’ तटस्थ ठिकाणी होणार चर्चा
मध्यरात्री नेमकं काय घडलं? 4 तासांची बैठक अन् वांगचुकांच्या पत्नीला फोन; उपोषण सोडण्याची इनसाइड स्टोरी
दादरच्या आंदोलनात पोलिसाचं महिलेसोबत गैरवर्तन? व्हिडीओ व्हायरल, कारवाईच्या मागणीने खळबळ
‘धर्मेंद्र प्रधान एवढे निर्लज्ज कसे?’
संदीप देशपांडे म्हणाले की, “धर्मेंद्र प्रधान एवढे निर्लज्ज कसे आहेत, हेच कळत नाही. विद्यार्थ्यांच्या मागण्यांकडे सरकारने गांभीर्याने पाहण्याची गरज आहे. धर्मेंद्र प्रधान देशाच्या अंगाशी आले आहेत. त्यांच्यावर जबाबदारी निश्चित झाली पाहिजे.”
यावेळी त्यांनी अत्यंत तीव्र शब्दांचा वापर करत सरकारवर आरोप केला. “लाच कोळून प्यायले आहेत, याचा अर्थ आता कळला,” अशी टीका त्यांनी केली. त्यांच्या या वक्तव्यामुळे राजकीय वर्तुळात चर्चांना उधाण आले आहे. विद्यार्थ्यांच्या आंदोलनावरून सरकारविरोधात विरोधकांकडून सातत्याने आक्रमक भूमिका घेतली जात असताना आता मनसे नेत्यानेही सरकारला लक्ष्य केले आहे.
‘लोकशाही आहे की नाही, हे सरकारने स्पष्ट करावे’
पोलिसांकडून आंदोलकांची धरपकड होत असल्याच्या मुद्द्यावर बोलताना देशपांडे यांनी लोकशाहीच्या अधिकाराचा प्रश्न उपस्थित केला. “केंद्रातील शासनाने ठरवावे की देशात लोकशाही आहे की नाही. जर लोकशाही संपली असेल तर त्यांनी तसे स्पष्ट सांगावे. मग आमचे पर्याय उघडे होतील,” असे ते म्हणाले.
सर्वोच्च न्यायालयातही काही मुद्द्यांवर अपेक्षित प्रतिसाद मिळत नसल्याची टीका त्यांनी केली. सरकारने विद्यार्थ्यांच्या आंदोलनाकडे केवळ कायदा-सुव्यवस्थेचा प्रश्न म्हणून न पाहता त्यांच्या भवितव्याशी संबंधित विषय म्हणून पाहावे, अशी मागणी त्यांनी केली.
मुंबई पोलिसांबाबतही उपस्थित केले सवाल
मुंबई पोलिसांच्या कारवाईवरही संदीप देशपांडे यांनी प्रश्न उपस्थित केले. “देवेंद्र फडणवीस यांना मी ओळखतो. ते अमित शहा यांच्यासारखे असंवेदनशील नाहीत. मुंबई पोलीस संवेदनशील आहेत. मात्र, सध्या ते अशा प्रकारे का वागत आहेत, हे समजत नाही,” असे देशपांडे म्हणाले.
विद्यार्थ्यांना आंदोलन करण्यापासून रोखण्यासाठी मोठ्या प्रमाणावर पोलिस बंदोबस्त तैनात करण्यापेक्षा सरकारने विद्यार्थ्यांशी संवाद साधावा, असेही त्यांनी म्हटले. विद्यार्थ्यांच्या मागण्यांवर चर्चा करून त्यावर तोडगा काढणे हा लोकशाहीचा मार्ग असल्याचे त्यांनी स्पष्ट केले.
‘मोदींनी रस्त्यावर येऊन परिस्थिती पाहावी’
पंतप्रधान नरेंद्र मोदी यांनी विद्यार्थ्यांच्या आंदोलनाची प्रत्यक्ष दखल घ्यावी, अशी मागणीही संदीप देशपांडे यांनी केली. “नरेंद्र मोदी यांनी एकदा रस्त्यावर येऊन परिस्थिती पाहावी. मोबाईलवरूनही आज देशात काय सुरू आहे, हे त्यांनी पाहावे,” असे ते म्हणाले.
विद्यार्थ्यांच्या आंदोलनाला सोशल मीडियावर मोठ्या प्रमाणात समर्थन मिळत असल्याचा दावा करत त्यांनी तरुण पिढीच्या विचारांकडे सरकारने गांभीर्याने पाहण्याची गरज व्यक्त केली. आजची तरुण पिढी अत्यंत जागरूक असून, सोशल मीडिया आणि तंत्रज्ञानाच्या माध्यमातून देशभरातील घडामोडींवर लक्ष ठेवते. त्यामुळे आंदोलन दडपण्यापेक्षा संवाद साधणे महत्त्वाचे असल्याचे त्यांनी सांगितले.
‘ही झेन-जीची मुलं आहेत, त्यांची चूक काय?’
संदीप देशपांडे यांनी सध्याच्या तरुण पिढीचा उल्लेख करत सरकारवर मिश्कील शैलीतही टीका केली. “ही झेन-जीची मुलं खूप हुशार आहेत. ही मुलं आयफोन 17 प्रो मॅक्स आहेत आणि पोलीस नोकिया आहेत,” अशी उपमा देत त्यांनी प्रशासनाच्या कार्यपद्धतीवर निशाणा साधला.
“महाराष्ट्र पुरोगामी राज्य आहे. जगाच्या विविध भागांत आंदोलनं होतात, त्यावर आपण सोशल मीडियावर प्रतिक्रिया देतो. मग आपल्या देशातील विद्यार्थी आपल्या हक्कांसाठी आंदोलन करत असतील तर त्यांची काय चूक आहे?” असा सवालही त्यांनी उपस्थित केला.
दरम्यान, नीट पेपरफुटीच्या मुद्द्यावरून सुरू असलेल्या आंदोलनामुळे देशातील राजकीय वातावरण चांगलेच तापले आहे. विद्यार्थ्यांकडून केंद्रीय शिक्षणमंत्री धर्मेंद्र प्रधान यांच्या राजीनाम्याची मागणी केली जात आहे. दुसरीकडे सरकारकडून पेपरफुटीप्रकरणी कठोर कारवाई करण्याचे आश्वासन दिले जात आहे. मात्र, आंदोलक आणि सरकार यांच्यातील संघर्ष अद्याप कायम आहे.
महाराष्ट्रातही आंदोलनाला वाढता प्रतिसाद मिळत असल्याने आगामी काळात या आंदोलनाची दिशा काय असेल, याकडे सर्वांचे लक्ष लागले आहे. दरम्यान, संदीप देशपांडे यांच्या आक्रमक वक्तव्यामुळे महाराष्ट्रातील राजकीय वातावरण आणखी तापण्याची शक्यता आहे.
