Sonam Wangchuk : अखेर 26 दिवसांनी सोनम वांगचूक यांनी उपोषण सोडलं; पंतप्रधान मोदींचा मोठा शब्द, नेमकं काय म्हणाले?
Sonam Wangchuk : दिल्लीतील जंतर-मंतरवर सुरू असलेल्या विद्यार्थी आंदोलनाच्या पार्श्वभूमीवर मोठी घडामोड समोर आली आहे. गेल्या २६ दिवसांपासून आमरण उपोषण करणारे सामाजिक कार्यकर्ते सोनम वांगचूक यांनी अखेर आपले उपोषण मागे घेतले आहे. केंद्रीय मंत्री जे.पी. नड्डा आणि केंद्रीय मंत्री जितेंद्र सिंह यांनी गुरुग्राम येथील मेदांता रुग्णालयात जाऊन सोनम वांगचूक यांची भेट घेतली. या भेटीनंतर वांगचूक यांनी नड्डा यांच्या हस्ते ज्यूस घेऊन आपले उपोषण सोडले.
Sonam Wangchuk यांच्या उपोषणामुळे गेल्या काही दिवसांपासून दिल्लीतील आंदोलनाकडे संपूर्ण देशाचे लक्ष लागले होते. NEET पेपरफुटी आणि परीक्षेतील कथित गैरव्यवहाराच्या मुद्द्यावरून देशभरात विद्यार्थी आणि तरुणांकडून आंदोलन सुरू आहे. दिल्लीतील जंतर-मंतरवर कॉकरोच जनता पार्टीच्या नेतृत्वाखाली मोठ्या संख्येने विद्यार्थी आंदोलन करत आहेत. या आंदोलनाला देशातील विविध भागांतूनही पाठिंबा मिळत आहे.
आंदोलनादरम्यान अनेक ठिकाणी आंदोलक आणि पोलिसांमध्ये संघर्ष झाल्याचेही समोर आले. विद्यार्थ्यांवर करण्यात आलेल्या लाठीचार्ज आणि पोलिसांच्या कारवाईवरूनही राजकीय वर्तुळात मोठी चर्चा सुरू आहे. अशा परिस्थितीत सोनम वांगचूक यांनी २६ दिवसांनंतर उपोषण सोडल्याने आंदोलनाला आता नवे वळण मिळण्याची शक्यता व्यक्त केली जात आहे.
Related News
‘धर्मेंद्र प्रधान एवढे निर्लज्ज कसे?’ संदीप देशपांडेंचा सरकारवर घणाघाती हल्लाबोल
दादरच्या आंदोलनात पोलिसाचं महिलेसोबत गैरवर्तन? व्हिडीओ व्हायरल, कारवाईच्या मागणीने खळबळ
Sonam Wangchuk : वांगचुकांनी 26 दिवसांनी उपोषण सोडलं, पण संजय राऊतांचा सरकारला इशारा; म्हणाले, ‘आंदोलन थांबणार नाही’
CJP च्या देशव्यापी आंदोलनाचा पुण्याला फटका; ‘या’ रस्त्यांवर वाहतूक बदल, पर्यायी मार्ग जाणून घ्या
मोठी बातमी! सरकारसोबत चर्चेसाठी CJP तयार; दुपारी 12.30 वाजता बैठकीत 4 मागण्यांवर होणार चर्चा
‘मला अनफॉलो करा पण…’; CJP आंदोलनावर Ankita Walawalkar ची थेट पोस्ट, म्हणाली- ‘त्यावेळी तुम्ही कुठे होता?’
Ghevar Recipe : राजस्थानचा प्रसिद्ध घेवर आता घरीच बनवा; सोपी रेसिपी जाणून घ्या
CJP Delhi Protest : मेट्रो बंद, इंटरनेट ठप्प; दिल्लीतील आंदोलनाच्या आजच्या 5 मोठ्या अपडेट्सने खळबळ!
CJP Protest : सरकारशी चर्चा नाहीच! आधी ‘ही’ मागणी पूर्ण करा, CJPची नवी भूमिका; जंतर-मंतरवर काय घडतंय?
AC पांढऱ्या रंगाचाच का असतो? 4 कारणं जाणून घ्या, तुम्हीही आजपर्यंत केला असेल हा विचार
जे.पी. नड्डा आणि जितेंद्र सिंह यांची रुग्णालयात भेट
Sonam Wangchuk यांची प्रकृती गेल्या काही दिवसांपासून चिंताजनक असल्याचे सांगण्यात येत होते. दीर्घकाळ उपोषण केल्यामुळे त्यांना रुग्णालयात दाखल करण्यात आले होते. दरम्यान, केंद्र सरकारच्या वतीने केंद्रीय मंत्री जे.पी. नड्डा आणि जितेंद्र सिंह यांनी रात्री उशिरा मेदांता रुग्णालयात जाऊन वांगचूक यांची भेट घेतली.
या भेटीदरम्यान दोन्ही मंत्र्यांनी सोनम वांगचूक यांच्याशी चर्चा केली. तसेच आंदोलन आणि विद्यार्थ्यांच्या मागण्यांबाबतही चर्चा झाल्याची माहिती आहे. या भेटीनंतर सोनम वांगचूक यांनी उपोषण सोडण्याचा निर्णय घेतला. जे.पी. नड्डा यांच्या हस्ते ज्यूस पिऊन त्यांनी आपले २६ दिवसांचे आमरण उपोषण संपवले.
या निर्णयानंतर केंद्र सरकारकडूनही महत्त्वाची आश्वासने देण्यात आल्याचे सांगण्यात येत आहे.
पंतप्रधान नरेंद्र मोदींचा मोठा शब्द
दरम्यान, पंतप्रधान नरेंद्र मोदी यांनी NEET पेपरफुटीच्या मुद्द्यावर मोठी भूमिका मांडली आहे. पेपरफुटी प्रकरणातील दोषींवर कठोर कारवाई केली जात असल्याचे मोदी यांनी म्हटले आहे. गुन्हेगारांना पकडण्यात आले असून ते सध्या तुरुंगात आहेत, असेही त्यांनी सांगितले.
गेल्या अडीच महिन्यांत या प्रकरणात कठोर कारवाई करण्यात आल्याचा दावा पंतप्रधानांनी केला. तसेच भविष्यात पेपरफुटीसारख्या घटना रोखण्यासाठी कठोर कायदा तयार करण्याचे आश्वासनही देण्यात आले आहे.
NEET पेपरफुटीच्या प्रकरणावरून देशभरात संतापाचे वातावरण आहे. विद्यार्थ्यांच्या भवितव्याशी संबंधित हा गंभीर विषय असल्याने या प्रकरणात दोषींवर कठोर कारवाई व्हावी, अशी मागणी होत आहे. संसदेच्या दोन्ही सभागृहांमध्येही विरोधकांनी हा मुद्दा जोरदारपणे उपस्थित केला आहे.
Sonam Wangchuk यांनी उपोषण सोडल्यानंतर काय म्हटलं?
उपोषण सोडल्यानंतर सोनम वांगचूक यांनी सोशल मीडिया प्लॅटफॉर्म ‘एक्स’वर एक पोस्ट शेअर करून आपली भूमिका स्पष्ट केली. २६ दिवसांपासून सुरू असलेले आपले उपोषण केंद्रीय मंत्री जे.पी. नड्डा, डॉ. जितेंद्र सिंह आणि लेह-लडाखमधील प्रमुख संस्थांच्या वरिष्ठ नेत्यांच्या उपस्थितीत सोडल्याचे त्यांनी सांगितले.
तसेच, यापूर्वी विविध राजकीय पक्षांमधील ६५ खासदारांनी प्रत्यक्ष भेटून किंवा पत्र लिहून उपोषण सोडण्याचे आवाहन केले होते, अशी माहितीही त्यांनी दिली.
आपले उपोषण सोडण्याचा निर्णय अनेक अटी, दीर्घ चर्चेनंतर आणि देशातील संभाव्य हिंसाचाराचा विचार करून घेतल्याचे वांगचूक यांनी स्पष्ट केले. या चर्चेदरम्यान नेमक्या कोणत्या अटी ठेवण्यात आल्या आणि त्यावर सरकारकडून काय आश्वासन मिळाले, याची सविस्तर माहिती आपण लवकरच व्हिडिओच्या माध्यमातून देणार असल्याचे त्यांनी सांगितले.
‘हिंसाचार होऊ देऊ नका’, Sonam Wangchuk यांचं आवाहन
उपोषण सोडल्यानंतरSonam Wangchuk यांनी आपल्या समर्थकांना आणि आंदोलकांना महत्त्वाचे आवाहन केले आहे. सर्वांनी सतर्क राहावे आणि कोणत्याही परिस्थितीत हिंसाचार होणार नाही, याची काळजी घ्यावी, असे त्यांनी म्हटले आहे.
गेल्या काही दिवसांत जंतर-मंतर परिसरात आंदोलनादरम्यान तणावपूर्ण परिस्थिती निर्माण झाली होती. पोलिस आणि आंदोलकांमध्ये संघर्ष झाल्याचेही समोर आले होते. त्यामुळे पुढील काळात आंदोलन शांततापूर्ण पद्धतीने सुरू ठेवण्याचे आवाहन वांगचूक यांनी केले आहे.
CJP आंदोलनावर काय परिणाम होणार?
Sonam Wangchuk यांनी उपोषण सोडले असले तरी जंतर-मंतरवरील आंदोलन संपलेले नाही. कॉकरोच जनता पार्टीच्या नेतृत्वाखाली विद्यार्थी आणि तरुण अजूनही आंदोलन करत आहेत. केंद्रीय शिक्षणमंत्री धर्मेंद्र प्रधान यांच्या राजीनाम्याची मागणी आंदोलनकर्त्यांकडून केली जात आहे.
त्यामुळे सोनम वांगचूक यांच्या उपोषणाच्या समाप्तीनंतर आंदोलनाची पुढील दिशा काय असेल, याकडे सर्वांचे लक्ष लागले आहे. केंद्र सरकारकडून पेपरफुटीविरोधात कायदा करण्याचे आश्वासन देण्यात आले असले तरी आंदोलकांच्या प्रमुख मागण्यांवर तोडगा निघतो का, हे पाहणे महत्त्वाचे ठरणार आहे.
दरम्यान, सोनम वांगचूक यांनी उपोषण सोडल्याने केंद्र सरकारला काहीसा दिलासा मिळाला असला तरी विद्यार्थ्यांचे आंदोलन अद्याप सुरूच आहे. त्यामुळे सरकार आणि आंदोलकांमध्ये होणाऱ्या पुढील चर्चेतून काही ठोस तोडगा निघतो का, याकडे आता देशाचे लक्ष लागले आहे.
