अकोला : अकोला शहरातील नवीन तारफैल परिसरात भरदिवसा घडलेल्या निर्घृण हत्येच्या घटनेने परिसरात भीतीचे वातावरण निर्माण झाले आहे. जुन्या वादाच्या पार्श्वभूमीवर 24 वर्षीय अंकुश नंदागवळी याची धारदार शस्त्राने वार करून हत्या करण्यात आली. ही घटना शनिवारी सकाळी सुमारे 11 वाजण्याच्या सुमारास बागडे किराणा दुकानाजवळ घडली.
मिळालेल्या माहितीनुसार, अंकुश नंदागवळी हा परिसरात असताना तीन ते चार जणांनी त्याला अडवून अचानक हल्ला केला. हल्लेखोरांनी त्याच्या मानेवर, डोक्यावर, छातीवर आणि पोटावर धारदार शस्त्राने सपासप वार केले. हा हल्ला इतका भीषण होता की अंकुश गंभीर जखमी झाला आणि त्याचा घटनास्थळीच मृत्यू झाला. भरचौकात घडलेल्या या घटनेमुळे नागरिकांमध्ये एकच खळबळ उडाली.
हल्ल्यानंतर आरोपी घटनास्थळावरून पसार झाले. घटनेची माहिती मिळताच रामदास पेठ पोलीस ठाण्याचे पोलीस निरीक्षक शिरीष खंडारे यांनी सहकाऱ्यांसह घटनास्थळी धाव घेत पंचनामा केला. त्यानंतर मृतदेह शवविच्छेदनासाठी शासकीय वैद्यकीय महाविद्यालय व रुग्णालयात पाठविण्यात आला.
Related News
5 धक्कादायक खुलासे! बीडमध्ये अल्पवयीन विवाहितेचा नियमबाह्य गर्भपात? अतिरक्तस्रावानंतर तरुणी बेपत्ता, प्रशासनात खळबळ
Beed Crime: 54 वर्षीय तुकाराम मुंडेंचे अपहरण; 4 आरोपी अटकेत, थरारक प्रकरणात मोठा खुलासा
कौटुंबिक वादातून आईने स्वतःसह 4 मुलांना विष पाजले; रायगडमध्ये काळीज पिळवटणारी घटना!
धक्कादायक मोठी कारवाई: 1 सराईत ‘फटका गँग’ मोहरा अटक, रेल्वे प्रवाशांना दिलासा
अकोला LCB ची धडाकेबाज कारवाई! ७ जणांची आंतरजिल्हा टोळी जेरबंद; ४ गुन्हे उघड, ₹2.73 लाखांचा मुद्देमाल जप्त
14 वर्षीय वेदांतची निर्घृण हत्या; खंडणीच्या वादातून रक्तरंजित शेवट, कुटुंबाचा न्यायासाठी आक्रोश
बदलापूरमध्ये रक्तरंजित थरार! 48 वारांनी महिलेचा खून, नंतर आरोपीने स्वतःवर 8 वार
ZP शिक्षकाचा संशयास्पद मृत्यू; 10 ते 15 जणांच्या जमावावर गंभीर आरोप, नेमकं काय घडलं?
काळीज पिळवटणारी घटना 2 वर्षांची कोर्ट लढाई संपली, पण मुलानेच वडिलांचा जीव घेतला
भिवंडीत 1 तोतया FDA अधिकाऱ्यांचा धक्कादायक प्रकार, लाखोंची वसूली करणारी टोळी उघडी पडली!
अकोला : अधिक मासातील धार्मिक स्नानादरम्यान 2 जणांचा दुर्दैवी मृत्यू, मुलाला वाचवताना आईचाही अंत
प्राथमिक तपासात हा खून जुन्या वैमनस्यातून झाल्याचा संशय पोलिसांनी व्यक्त केला आहे. फरार आरोपींचा शोध घेण्यासाठी विशेष पथके रवाना करण्यात आली असून शहरातील विविध भागांतील सीसीटीव्ही फुटेजचीही तपासणी सुरू आहे. या घटनेमुळे परिसरात तणावाचे वातावरण निर्माण झाले असून नागरिकांनी कायदा व सुव्यवस्था अबाधित ठेवण्याचे आवाहन पोलिसांनी केले आहे.
या प्रकरणी रामदास पेठ पोलीस ठाण्यात गुन्हा दाखल करण्याची प्रक्रिया सुरू असून पुढील तपास पोलीस करत आहेत. आरोपींना लवकरात लवकर अटक करण्यासाठी पोलिसांकडून युद्धपातळीवर शोधमोहीम राबविण्यात येत आहे.
