अकोला जिल्हा अधीक्षक भूमी अभिलेख कार्यालयात कार्यरत असताना विविध महसुली प्रकरणांमध्ये गंभीर अनियमितता केल्याच्या आरोपावरून तत्कालीन उपअधीक्षक तथा सध्या निलंबित असलेले पंकज पवार यांच्याविरुद्ध सिटी कोतवाली पोलिस ठाण्यात फौजदारी गुन्हा दाखल करण्यात आला आहे. या कारवाईमुळे महसूल व भूमी अभिलेख विभागात खळबळ उडाली आहे.
मिळालेल्या माहितीनुसार, पंकज पवार हे जून २०२३ ते जून २०२५ या कालावधीत उपअधीक्षक पदावर कार्यरत होते. या काळात त्यांनी आपल्या अधिकाराचा गैरवापर करून विविध महसुली प्रकरणांमध्ये नियमबाह्य निर्णय घेतल्याचा आरोप आहे. जिल्हा अधीक्षक भूमी अभिलेख कार्यालयाने केलेल्या तक्रारीनंतर या प्रकरणाची चौकशी करण्यात आली.
चौकशीदरम्यान अनेक गंभीर बाबी उघड झाल्याचे सांगण्यात येत आहे. जमीन मालकी हक्काशी संबंधित सातबारा नोंदींमध्ये फेरफार करणे, मृत व्यक्तींच्या नावाने अर्ज स्वीकारणे, भाडे तत्त्वावरील मालमत्तांची पत्रके तयार करणे, सार्वजनिक सुविधांसाठी राखीव असलेली जमीन खासगी व्यक्तींच्या नावावर दाखविणे तसेच अधिकार क्षेत्राबाहेर जाऊन विविध प्रमाणपत्रे देणे यांसारख्या अनियमितता झाल्याचे निष्पन्न झाल्याची माहिती आहे.
Related News
लग्नाच्या हळदीत घडला 1 भीषण अपघात; भेसळयुक्त हळदीचा धक्कादायक प्रकार! नवरीचा मृत्यू, नवरदेव गंभीर
पुण्यात मद्यधुंद स्कूल बस चालकाचा भीषण थरार—50 विद्यार्थ्यांचा जीव थोडक्यात वाचला!
FDA-ANC ची धडाकेबाज कारवाई: पुण्यात 10,492 ट्रामाडोल कॅप्सूल जप्त; 2 जण गजाआड, मोठा ड्रग्ज रॅकेट उघड
24 व्या वाढदिवशी लोहगडावर सेलिब्रेशन; एका चुकीने तरुणाचा दुर्दैवी मृत्यू
KDMC चा अजब कारभार! रेकॉर्डमध्ये घर 18 वर्षांपूर्वी पाडलं, पण 15 वर्षे घेत राहिले कर
9वीतच प्रेमाची कबुली! वैशाली सामंतच्या Amazing लव्हस्टोरीतील 7 खास गोष्टी; घरच्यांसमोरच जाहीर केला लग्नाचा निर्णय
35 मिनिटांच्या कॉलनंतर उद्धव ठाकरेंना मोठा धक्का; शिंदेंची मास्टरस्ट्रोक चाल
Shiv Sena UBT Split: धक्कादायक! ठाकरेंच्या शिवसेनेत 6 व्यांदा फूट; 60 वर्षांच्या इतिहासातील 6 मोठ्या बंडाची संपूर्ण कहाणी
Pune Crime: 17 वर्षे उच्चशिक्षित महिलेवर कथित अत्याचार ? पुण्यातील ढोंगी बाबासह 8 जण अटकेत
मुंबई-बंगळुरू वंदे भारत स्लीपरच्या 10 दमदार सुविधा; अवघ्या 14 तासांत प्रवास, प्रवाशांसाठी मोठी आनंदाची बातमी
5 धक्कादायक अत्याचार! नवऱ्याचे विवाहबाह्य संबंध उघड होताच पत्नीचा अमानुष छळ; सासूकडून साप सोडण्याची भीषण धमकी
संजय देशमुखांच्या शिंदे गट प्रवेश चर्चेला उधाण : 6 खासदारांच्या अनुपस्थितीमुळे ठाकरे सेनेत प्रचंड संताप उसळला!
या प्रकरणात शासनाचा विश्वासघात, महसुली नोंदींमध्ये फेरफार आणि शासकीय कामकाजातील नियमांचे उल्लंघन केल्याचा ठपका पवार यांच्यावर ठेवण्यात आला आहे. तक्रारीच्या आधारे सिटी कोतवाली पोलिसांनी प्राथमिक चौकशी पूर्ण करून संबंधित कलमान्वये गुन्हा दाखल केला आहे.
दरम्यान, या प्रकरणाचा पुढील तपास सुरू असून गैरव्यवहाराच्या व्याप्तीचा शोध घेतला जात आहे. भूमी अभिलेख विभागातील कामकाजाच्या पारदर्शकतेबाबत प्रश्नचिन्ह निर्माण करणाऱ्या या प्रकरणाकडे महसूल विभागासह सर्वसामान्य नागरिकांचेही लक्ष लागले आहे. पोलिस तपासातून आणखी काही धक्कादायक माहिती समोर येण्याची शक्यता व्यक्त केली जात आहे.
