अंजनगाव-परतवाडा रोडवर अंजनगाव डीबी पोलिस पथकाने धडक कारवाई करत एक पिस्तूल, दोन जिवंत काडतुसे आणि दोन तलवारी जप्त केल्या. या प्रकरणी तीन आरोपींना अटक करण्यात आली असून परिसरात खळबळ उडाली आहे.
पोलिसांना संशयास्पद हालचालींबाबत माहिती मिळाल्यानंतर अंजनगाव-परतवाडा मार्गावर नाकाबंदी करण्यात आली. दरम्यान, संशयित वाहनाची तपासणी केली असता त्यामध्ये एक पिस्तूल, दोन जिवंत काडतुसे तसेच दोन धारदार तलवारी आढळून आल्या. तत्काळ कारवाई करत पोलिसांनी वाहनातील तिघांना ताब्यात घेतले.
अटक करण्यात आलेल्या आरोपींमध्ये वंश दीपक शाहू (रा. अंजनगाव सुर्जी), अनिल सोळंके (रा. अमरावती) आणि अल्केश दीपक पवार (रा. परतवाडा) यांचा समावेश आहे. जप्त करण्यात आलेली शस्त्रे कोणत्या उद्देशाने बाळगण्यात आली होती, तसेच आरोपींचा यापूर्वीच्या गुन्ह्यांशी काही संबंध आहे का, याचा तपास पोलिसांकडून केला जात आहे.
Related News
लेक लाडकी योजना आता अधिक सोपी; 15 ऑगस्ट 2027 पर्यंत जुन्या पात्र लाभार्थ्यांना अर्जाची संधी
7 ते 9 ऑगस्ट ‘वनरंग 2026’ची धूम! सुनेत्रा पवार यांच्या हस्ते उद्घाटन, आदिवासी कलेला मोठे व्यासपीठ
ॲनालॉग पनीर म्हणजे नेमकं काय? तुकाराम मुंढेंचा धाडसी निर्णय; 7 सोप्या मार्गांनी ओळखा अस्सल की बनावट पनीर
देशासाठी गोल्ड जिंकणारा मराठी खेळाडू राज ठाकरेंच्या दारात तब्बल 2 तास ताटकळला
रमेश म्हात्रे प्रकरणात हायकोर्टाचा कठोर संदेश; जामीनासह राज्याबाहेर राहण्याचे आदेश ! 1 मोठी अट
लाडकी बहिण योजनेबाबत मोठी बातमी! ई-केवायसीसाठी मिळणार 6 महिन्यांची मुदत
या कारवाईमुळे बेकायदेशीर शस्त्रसाठ्यावर पोलिसांनी मोठा आळा घातल्याची चर्चा असून नागरिकांनीही पोलिसांच्या तत्पर कारवाईचे स्वागत केले आहे. पुढील तपास अंजनगाव पोलिसांकडून सुरू आहे.
