मुंबईतील 24 वर्षीय दंतचिकित्सा पदव्युत्तर विद्यार्थिनी डॉ. स्तुती सोनवणे हिच्या आत्महत्या प्रकरणाने संपूर्ण राज्य हादरलं असताना आता या प्रकरणात मोठा ट्विस्ट समोर आला आहे. महापालिका रुग्णालयातील 60 वर्षीय डेंटल सर्जन डॉ. कुलविंदरसिंग बंगा यांच्यावर आत्महत्येस प्रवृत्त केल्याचा आरोप करण्यात आला होता. मात्र विशेष SC/ST न्यायालयाने त्यांना अटकपूर्व जामीन मंजूर करताना महत्त्वपूर्ण निरीक्षण नोंदवलं आहे.न्यायालयाने स्पष्टपणे म्हटलं की, डॉ. बंगा हे स्तुतीसाठी ‘पितृतुल्य’ व्यक्ती होते. त्यामुळे या प्रकरणाने आता नवं वळण घेतलं आहे.
कोर्टाचं महत्त्वपूर्ण निरीक्षण
अतिरिक्त सत्र न्यायाधीश जी. जी. भन्साळी यांनी दिलेल्या आदेशात म्हटलं की, “अखेरच्या काही दिवसांत स्तुती सोनवणे हिने आपल्या आई-वडील, बहीण आणि डॉ. कुलविंदरसिंग बंगा यांच्याकडे क्षमायाचना केली होती. यावरून हे दिसून येतं की ती डॉ. बंगांना पालकांसमान मानत होती.”
या निरीक्षणामुळे डॉ. बंगांवरील आरोप कमकुवत झाल्याचं मानलं जात आहे. सरकारी पक्षाने त्यांना या प्रकरणात गोवण्याचा प्रयत्न केला असला, तरी न्यायालयाने प्राथमिक पुराव्यांच्या आधारे त्यांना दिलासा दिला.
Related News
“रडलास तर आणखी चोपेन!” इन्फ्लुएंझरचा संताप अनावर; मॉलमध्ये तरुणाला बेदम मारहाण, Viral Video पाहून नेटकरी हादरले
Navi Mumbai News : वाहतूककोंडीवर मोठा दिलासा, ऐरोली-काटई नाका मार्गामुळे ठाणे-नवी मुंबई प्रवास होणार सुपरफास्ट
“5 सेकंदांचा थरार! महिलेच्या अंगावरून धावली मालगाडी; तिच्या धाडसाने सर्वजण स्तब्ध”
97.2% गुण मिळवणाऱ्या जुळ्या भावंडांची कमाल; नागपुरातील यशोगाथा व्हायरल
Solapur News : 4 महिने शेतात राबले अन् हाती आले फक्त 400 रुपये; सोलापुरातील कांदा उत्पादक शेतकऱ्याची हृदयद्रावक व्यथा
निदा खान प्रकरणात धक्कादायक ट्विस्ट: मंत्री संजय शिरसाट यांची SIT चौकशीची मागणी
2026 मध्ये धक्कादायक खगोलीय योग! अवघ्या 15 दिवसांत दोन ग्रहणं, तारीख आणि वेळ लगेच लिहून ठेवा
साताऱ्यात भीषण अपघात: 4 ठार, 2 गंभीर जखमी
दोन महिन्यांपूर्वी घडलेली धक्कादायक घटना
९ मार्च रोजी मुंबईतील अँटॉप हिल परिसरातील राहत्या घरी डॉ. स्तुती सोनवणे मृत अवस्थेत आढळली होती. ती मास्टर्स इन डेंटल सर्जरीचे शिक्षण घेत होती. तिच्या अचानक मृत्यूने कुटुंबासह वैद्यकीय क्षेत्रात मोठी खळबळ उडाली होती.
सुरुवातीला पोलिसांनी आत्महत्येस प्रवृत्त केल्याचा गुन्हा दाखल केला. नंतर या प्रकरणात अनुसूचित जाती आणि अनुसूचित जमाती अत्याचार प्रतिबंधक कायद्यांतर्गत कलमांचाही समावेश करण्यात आला.
आदल्या रात्री नेमकं काय घडलं?
घटनेच्या आदल्या दिवशी संध्याकाळी सातच्या सुमारास स्तुतीचे आई-वडील जेवणासाठी बाहेर गेले होते. त्यावेळी स्तुती घरी एकटी होती. “तुझ्यासाठी काही आणू का?” असा प्रश्न आई-वडिलांनी विचारला असता तिने नकार दिला होता.
रात्री उशिरा आई-वडील घरी परतले तेव्हा स्तुतीच्या खोलीतील लाईट सुरू होता. ती अभ्यास करत असेल, असा समज करून त्यांनी तिच्या खोलीत जाणं टाळलं.दुसऱ्या दिवशी सकाळी १० वाजून गेले तरी स्तुती खोलीबाहेर आली नाही. त्यामुळे आई-वडिलांना संशय आला. त्यांनी दरवाजा तोडला असता स्तुती नायलॉनच्या स्कार्फच्या साहाय्याने गळफास घेतलेल्या अवस्थेत आढळली. हे दृश्य पाहून कुटुंबीयांना जबर धक्का बसला.
सहापानी चिठ्ठीत धक्कादायक खुलासे
घटनास्थळी पोलिसांना स्तुतीने लिहिलेली सहापानी चिठ्ठी सापडली. या पत्रात तिने आपल्या बॉयफ्रेंड फैझुल मोहम्मद खानवर गंभीर आरोप केले होते.फैझुल हा 21 वर्षीय कायद्याचा पदवीधर असून इन्शुरन्स ब्रोकर म्हणून काम करत होता. डेटिंग अॅपच्या माध्यमातून दोघांची ओळख झाली होती आणि त्यानंतर त्यांच्यात प्रेमसंबंध निर्माण झाले.स्तुतीने पत्रात लिहिलं की, “आम्ही वर्षभर एकत्र होतो. अनेक आनंदाचे क्षण घालवले, पण तो सतत माझा अपमान करायचा. तुझे शब्द माझं आयुष्य संपवण्यासाठी पुरेसे ठरले.”
या शब्दांतून तिच्या मानसिक अवस्थेचा अंदाज येत असल्याचं तपास अधिकाऱ्यांचं म्हणणं आहे.
मुख्य आरोप फैझुलवरच केंद्रित
न्यायालयाने आपल्या निरीक्षणात स्पष्ट केलं की, या प्रकरणातील मुख्य आरोप फैझुल खान याच्यावर केंद्रित आहेत. स्तुतीने लिहिलेल्या पत्रात मानसिक छळ, अपमान आणि भावनिक त्रास यांचा उल्लेख करण्यात आला आहे.विशेष म्हणजे, डॉ. बंगा यांच्याविरोधात तिने कोणतीही तक्रार केलेली नाही. उलट तिने त्यांच्याकडे क्षमायाचना केली होती. त्यामुळे न्यायालयाने त्यांच्याविषयी सहानुभूतीपूर्ण दृष्टिकोन घेतल्याचं दिसून आलं.
सोशल मीडियावर संताप
हे प्रकरण समोर आल्यानंतर सोशल मीडियावर मोठ्या प्रमाणात प्रतिक्रिया उमटत आहेत. काही जणांनी मानसिक छळाला जबाबदार धरत कठोर कारवाईची मागणी केली आहे, तर काहींनी वैद्यकीय विद्यार्थ्यांवरील ताणतणाव आणि मानसिक आरोग्याच्या समस्यांवर गंभीर चर्चा सुरू केली आहे.विशेषतः रिलेशनशिपमधील मानसिक अत्याचार हा आजच्या तरुणाईसमोर मोठा प्रश्न बनत असल्याचं मत अनेकांनी व्यक्त केलं.
तपासाकडे सर्वांचं लक्ष
सध्या पोलिसांकडून या प्रकरणाचा सखोल तपास सुरू आहे. स्तुतीच्या मोबाईलमधील चॅट्स, कॉल रेकॉर्ड्स आणि डिजिटल पुरावे तपासले जात आहेत. आगामी काळात या प्रकरणात आणखी काही धक्कादायक खुलासे होण्याची शक्यता व्यक्त केली जात आहे.दरम्यान, कोर्टाच्या निर्णयामुळे डॉ. कुलविंदरसिंग बंगा यांना मोठा दिलासा मिळाला असला, तरी स्तुती सोनवणे मृत्यू प्रकरणातील रहस्य अजूनही कायम आहे.
