‘Bigg Boss Marathi Season 6’च्या घरातील सदस्यावर कोसळला दुःखाचा डोंगर; दिपाली सय्यदच्या सासूबाईंचं निधन, कुटुंबीयांनी दिली नाही माहिती
मराठी मनोरंजनविश्वात सध्या Bigg Boss Marathi च्या सहाव्या पर्वाची जोरदार चर्चा सुरू आहे. घरातील स्पर्धकांचे वाद, मैत्री, रणनीती आणि टास्कमधील रंगत यामुळे प्रेक्षकांचं लक्ष या शोवर खिळलेलं आहे. मात्र, या सगळ्या गदारोळात Bigg Boss Marathi घरातील एका सदस्यावर दुःखाचा डोंगर कोसळल्याची बातमी समोर आली आहे. अभिनेत्री आणि राजकारणी Deepali Sayyad हिच्या सासूबाईंचं निधन झालं असून ही घटना घडूनही तिच्यापर्यंत ती माहिती पोहोचवण्यात आलेली नाही.
‘Bigg Boss’च्या घरात एकदा प्रवेश केल्यानंतर स्पर्धकांचा बाहेरील जगाशी पूर्णपणे संपर्क तुटतो. मोबाईल, सोशल मीडिया, बातम्या यापासून ते पूर्णपणे दूर असतात. अशा परिस्थितीत बाहेर घडणाऱ्या कोणत्याही घटनांची माहिती त्यांना दिली जात नाही, जोपर्यंत ती अत्यावश्यक किंवा अत्यंत गंभीर स्वरूपाची नसते. मात्र, दिपालीच्या बाबतीत तिच्या कुटुंबीयांनी जाणीवपूर्वक एक कठोर निर्णय घेतला.
Related News
SBIचा मोठा निर्णय! 12 हजार कर्मचाऱ्यांची होणार भरती; 250 नव्या शाखाही उभारणार
इंडोनेशियात ज्वालामुखीचा कहर! 50 हजार फुटांवर राख, विमानसेवा विस्कळीत
पाकिस्तानला मोठा झटका? बेल्जियमने भारताला दिले महत्त्वाचे आश्वासन!
मुंबईत दहीहंडीला गालबोट! दुपारी 12 वाजेपर्यंत 22 गोविंदा जखमी
एकनाथ शिंदे उद्धव ठाकरेंना आणखी एक धक्का देणार? नरेश म्हस्केंचा मोठा दावा
Vidyanand Bapat Dance Video : दहीहंडीत DJच्या तालावर ‘बापट’ थिरकले; पुणेकरांची भन्नाट कल्पकता चर्चेत!
Prime Minister Modi झाले विद्यार्थी! राष्ट्रीय पुरस्कार विजेत्या शिक्षकांकडून घेतला वक्तृत्वाचा सल्ला
Manoj Jarange Patil उपोषणावर, सरकारचा मोठा निर्णय! 62 महसूल मंडळांत कुणबी नोंदींचा शोध
Vinod Tawde चा मोठा डाव! उत्तर प्रदेशात 2027 च्या निवडणुकीसाठी ‘गेमचेंजर’ प्लॅन
कृष्ण बनून सजला, पण गळ्यातील माळच ठरली जीवघेणी; 6 वर्षीय आर्यनचा दुर्दैवी मृत्यू
IMD Alert : महाराष्ट्रासह 17 राज्यांना वादळी पावसाचा महाअलर्ट! ताशी 60 किमी वेगाने वारे
वजन कमी करण्यासाठी कढीपत्ता ठरू शकतो फायदेशीर; जाणून घ्या सेवनाची योग्य पद्धत
११ जानेवारी रोजी ‘Bigg Boss Marathi’चा सहावा सीझन सुरू झाला. Bigg Boss Marathi शो रंगात येत असतानाच २ फेब्रुवारी रोजी दिपाली सय्यद यांच्या सासूबाईंचं निधन झालं. ही घटना अचानक घडली. दिपाली तिच्या सासूबाईंच्या अत्यंत जवळ होती. सासू-सुनेचं नातं नसून आई-मुलीचं नातं असल्यासारखं त्यांचं जिव्हाळ्याचं संबंध होतं. त्यामुळे ही दुःखद बातमी तिच्यापर्यंत पोहोचल्यास ती पूर्णपणे खचून जाईल आणि स्पर्धेतून बाहेर पडण्याचा निर्णय घेईल, अशी भीती कुटुंबीयांना वाटली.
या संदर्भात दिपाली सय्यद यांचे पती आणि प्रसिद्ध नृत्यदिग्दर्शक Bobby Khan यांनी दिलेल्या मुलाखतीत सविस्तर माहिती दिली. त्यांनी सांगितलं की, “माझी आई हल्लीच वारली. ती दीपालीच्या खूप जवळची होती. ती तिला मुलगीच मानायची. दीपाली बिग बॉस जिंकल्यावर मी नक्की येईन, असं ती नेहमी म्हणायची. पण आई गेल्यानंतर आम्ही दीपालीला काहीच सांगितलं नाही.”
बॉबी खान पुढे म्हणाले, “दीपाली सध्या खूप चांगला खेळ खेळते आहे. तिचं स्वप्न पूर्ण व्हावं, ती शेवटपर्यंत लढावी, अशी आमची आणि आईचीही इच्छा होती. जर तिला ही बातमी कळली असती, तर ती मानसिकदृष्ट्या खचली असती. कदाचित ती शो सोडून बाहेर आली असती. त्यामुळे आम्ही तिला न सांगण्याचा निर्णय घेतला.”
त्यांनी आई आणि दीपालीच्या नात्याबद्दल बोलताना सांगितलं की, “माझ्या आईला डॉक्टरांकडे जायचं असलं, हॉस्पिटलमध्ये अॅडमिट व्हायचं असलं तरी ती दीपालीलाच सोबत घेऊन जायची. तिच्याशिवाय ती कुठेच जायची नाही. दोन वेळा आईला याआधीही हॉस्पिटलमध्ये दाखल केलं होतं आणि ती बरी होऊन परत आली होती. यावेळीही तसं होईल असंच आम्हाला वाटलं. त्यामुळे मी दीपालीला काही सांगितलं नाही.”
भावुक होत बॉबी खान म्हणाले, “आई शेवटच्या काळात फारसं बोलत नव्हती. तेव्हा मी तिला दीपालीचा आवाज ऐकवायचो. तिच्या आवाजाने आईला बरं वाटायचं. आता सगळे निर्णय मलाच घ्यावे लागतात, त्यामुळे तिची खूप आठवण येते. पण आईची एकच इच्छा होती की दीपालीने नेहमी पुढे जावं, तिचं स्वप्न पूर्ण करावं.”
या घटनेमुळे सोशल मीडियावरही चर्चा रंगली आहे. अनेकांनी कुटुंबीयांच्या निर्णयाचं समर्थन केलं असून, काहींनी मात्र अशा प्रसंगी स्पर्धकाला माहिती देणं आवश्यक असल्याचं मत व्यक्त केलं आहे. मात्र, कुटुंबीयांनी घेतलेला निर्णय हा दीपालीच्या भावनिक स्थैर्याचा आणि तिच्या स्वप्नांचा विचार करून घेतलेला असल्याचं स्पष्ट होतं.
