नाशिक महापालिकेत राजकीय समीकरणे बदलली; मनसेची मोठी खेळी, शिंदे गटाला पाठिंबा
नाशिक महानगरपालिकेत (NMC) राजकीय घडामोडींना वेग आला असून महाराष्ट्र नवनिर्माण सेनेने (मनसे) मोठी खेळी करत उद्धव ठाकरे यांच्या शिवसेनेची (Shiv Sena UBT) साथ सोडून मुख्यमंत्री एकनाथ शिंदे यांच्या शिवसेनेला पाठिंबा दिला आहे. मनसेच्या एकमेव नगरसेविका मयुरी पवार यांनी शिंदे गटाला पाठिंबा दिल्याने राजकीय वर्तुळात चर्चांना उधाण आले आहे.
नाशिक महापालिकेत मनसेची मयुरी पवार या एकमेव नगरसेविका आहेत. याउलट शिवसेना शिंदे गटाचे 26 नगरसेवक विजयी झाले आहेत. मनसेचा पाठिंबा मिळाल्याने स्थायी समितीत शिवसेना शिंदे गटाचे संख्याबळ वाढणार असून, प्रभाग समित्या, स्वीकृत नगरसेवक आणि पालिकेतील विविध समित्यांवरील राजकीय समीकरणांमध्ये बदल होणार आहेत. विशेष म्हणजे, मनसेने याआधी उद्धव ठाकरे यांच्या शिवसेनेसह निवडणूक लढवली होती.
या निर्णयाबाबत मयुरी पवार यांचे पती आणि मनसेचे नेते अंकुश पवार यांनी माहिती दिली. “नाशिकमध्ये आगामी काळात कुंभमेळा होणार आहे. कुंभमेळ्याचे आयोजन आमच्याच प्रभागात होत असल्याने मोठ्या प्रमाणावर विकासकामे होणे आवश्यक आहे. शहराच्या विकासाच्या दृष्टीने आणि कुंभमेळ्याच्या तयारीसाठी आम्ही एकनाथ शिंदे यांच्या शिवसेनेसोबत जाण्याचा निर्णय घेतला,” असे त्यांनी स्पष्ट केले.
Related News
22 वर्षांनंतरही लोकनेते अरुणजी दिवेकर यांच्या कार्याचा तेजस्वी वारसा कायम; अकोल्यात भावपूर्ण अभिवादन!
सातारा जिल्हा बँक निकालाचा मोठा राजकीय धमाका! भाजपला 9 , राष्ट्रवादीला 8 तर शिंदेसेनेला 4 जागा; सत्तेचे नवे समीकरण!
ओमर अब्दुल्ला सरकार संकटात? नॅशनल कॉन्फरन्समधील 25 आमदार नाराज, भाजपाच्या हालचाली वाढल्या!
अकोला तील दुष्काळावर आमदार रणधीर सावरकरांचा ‘मास्टर प्लॅन’! पाणीटंचाईवर उपायांसाठी 5 महत्त्वाच्या मुद्द्यांवर आढावा बैठक
दिया मिर्झाच्या दिवाळी व्हिडीओवरून राजकीय वाद पेटला! महापौर रितू तावडेंचा संताप; म्हणाल्या, ‘दिवाळी हिंदूंचा सण!’
सीजेपी फिनिश! पीस बॉन्डवर सही केल्याने नेत्यांचे राजकीय करिअर संपल्याचा मार्कंडेय काटजूंचा दावा
मनोज जरांगे पाटलांचा नवा बॉम्ब! ‘माझ्याविरोधात महिलांची टोळी तयार’; थेट फडणवीसांवर आरोप!
मुर्तिजापूरच्या शिरपेचात मानाचा तुरा! दीपक पाटील दांदळे यांना पुण्यात ‘हिंदूरत्न’ पुरस्काराने सन्मानित!
राष्ट्रवादीच्या दिल्ली भेटीमागचं कारण समोर; अर्थखात्यासाठी अमित शाहांकडे साकडं?
जम्मू-काश्मीरच्या राजकारणात भूकंप! 24 आमदारांची गुप्त बैठक; उमर अब्दुल्ला सरकार अडचणीत
ठाकरे बंधू अन् CM फडणवीस यांच्यात बंद दाराआड काय शिजलं? गुलाबराव पाटलांनी एका वाक्यात सांगितलं!
नवनाथ बन यांचा रविंद्र धंगेकरांवर संतापजनक हल्लाबोल ; 12 पक्ष फिरलेला माकडछाप!
दरम्यान, नाशिक महापालिकेत अखेर भाजप आणि शिवसेना शिंदे गटाने सत्ता स्थापन केली आहे. भाजपच्या हिमगौरी आडके यांची महापौरपदी, तर शिवसेना शिंदे गटाचे विलास शिंदे यांची उपमहापौरपदी बिनविरोध निवड झाली आहे. निवडणुकीत भाजपला स्पष्ट बहुमत मिळाले असतानाही वरिष्ठ पातळीवरील चर्चेनंतर भाजप–शिवसेना शिंदे गट युतीचा निर्णय घेण्यात आला. या सत्तास्थापनेमुळे नाशिकच्या राजकारणात नवे समीकरण उभे राहिले असून, आगामी काळात विकासकामांवर त्याचा परिणाम दिसून येणार आहे.
