मंगरूळपीर (जि. वाशिम) – खेळत असताना विहिरीत पडून तीन वर्षांच्या चिमुकलीचा दुर्दैवी मृत्यू झाल्याची हृदयद्रावक घटना आज (2 फेब्रुवारी 2026) सकाळी सुमारे 11 वाजण्याच्या सुमारास मंगरूळपीर–वाशिम रोडवरील विद्युत केंद्राजवळील एका वीटभट्टी परिसरात घडली. या घटनेमुळे परिसरात शोककळा पसरली आहे.
मिळालेल्या माहितीनुसार, वीटभट्टीवर मजुरी करणाऱ्या कामगाराची मुलगी कु. सुंदरी धनसिंग सीसोदिया (वय 3, रा. झीर पांजरीया, ता. नेपानगर, जि. बुरहानपूर) ही इतर मुलांसोबत खेळत असताना अचानक जवळच असलेल्या विहिरीत पडली. घटनेची माहिती मिळताच स्थानिक नागरिकांनी तात्काळ मंगरूळपीर पोलीस ठाण्याशी संपर्क साधला.
मंगरूळपीर पोलीस ठाण्याचे ठाणेदार किशोर शेळके यांनी परिस्थितीचे गांभीर्य ओळखून मानव सेवा आपत्ती व्यवस्थापन फाऊंडेशन संचालित संत गाडगे बाबा आपात्कालीन शोध व बचाव पथक, पिंजर शाखा यांना तातडीने पाचारण केले. पथकाचे प्रमुख जीवन-रक्षक दिपक सदाफळे यांनी वेळ न दवडता आपल्या सहकाऱ्यांना घटनास्थळी रवाना केले.
Related News
Ajit Pawar Plane Crash Video : धक्कादायक दुर्घटना! 5 जणांचा मृत्यू, बारामतीत भावनिक VIDEO व्हायरल
Ajit Pawar Plane Crash Mystery : भुजबळांचा धक्कादायक दावा – अपघातामागे रहस्य? 10 Big Updates
Ajit Pawar Death Inside Story: धक्कादायक खुलासा! “पक्ष मी चालवतोय…” अजितदादांच्या त्या बैठकीतील स्फोटक इनसाईड स्टोरी
Buldhana News : 5 वर्षांच्या चिमुकलीवर धक्कादायक अत्याचार; ‘भयंकर’ गुन्ह्यात आरोपी अटकेत – पोलिसांची सुपरफास्ट कारवाई
Sunetra Pawar : राष्ट्रवादीच्या अध्यक्षपदासाठी सुनेत्रा पवार आघाडीवर; अजित पवार यांच्या निधनानंतर पक्षात मोठी हालचाल
2026: अजित पवारांच्या निधनानंतर सुनेत्रा पवार उपमुख्यमंत्री; पक्षात घाई आणि राजकीय चर्चा
2026: अजित पवारांनंतर राष्ट्रवादीतील अंतर्गत संघर्ष उघड
अजितदादांवरील 70 हजार कोटींचे आरोप मागे घ्या, संजय राऊतांची भाजपाकडे थेट मागणी”
Ajit Pawar Baramati Plane Crash: 7 वेळा उपमुख्यमंत्री, पण मुख्यमंत्रीपदाचं स्वप्न अधुरंच! धक्कादायक राजकीय शेवट
Ajit Pawar Plane Crash 2026: भीषण अपघातात अजित पवार यांचा मृत्यू, जयपूरमध्ये चमत्कारिक बचाव – देश हादरवणारी धक्कादायक घटना
महाराष्ट्राचे उपमुख्यमंत्री अजित पवार यांचा बारामती येथे झालेल्या एका भीषण विमान अपघातात मृत्यू
वाशिमच्या रिसोड तालुक्यात चिखली गावात चोरीचा धुमाकूळ
गोपाल गिरे, गोपाल जयस्वाल, अपूर्व चेके, लखन खोडे, शुभम भोपळे, शिवा अडात आणि सिद्ध इंगोले या सदस्यांनी अत्यंत धाडस आणि तत्परता दाखवत बचावकार्य सुरू केले. कठीण परिस्थितीतही त्यांनी अवघ्या एका तासाच्या आत विहिरीत शोधमोहीम राबवून मुलीचा मृतदेह बाहेर काढला आणि पुढील कार्यवाहीसाठी पोलिसांच्या ताब्यात दिला.
घटनेची माहिती मिळताच वीटभट्टीवरील कामगार, नातेवाईक आणि परिसरातील नागरिकांनी घटनास्थळी गर्दी केली होती. आपल्या चिमुकलीला गमावल्यामुळे कुटुंबावर दुःखाचा डोंगर कोसळला असून उपस्थितांचे डोळे पाणावले.
या वेळी उपस्थित पोलिस अधिकारी आणि कर्मचाऱ्यांनी परिस्थिती नियंत्रणात ठेवत पंचनामा प्रक्रिया सुरू केली. पुढील तपास पोलीस करत आहेत.
दरम्यान, संत गाडगे बाबा आपात्कालीन शोध व बचाव पथकाने दाखवलेल्या साहसाचे आणि जलद प्रतिसादाचे स्थानिक नागरिकांनी कौतुक केले. वेळेवर मदत मिळाल्याने शोधमोहीम लवकर पूर्ण झाली, असेही नागरिकांनी सांगितले.
ही घटना पुन्हा एकदा उघड्या विहिरी आणि सुरक्षेअभावी लहान मुलांसाठी निर्माण होणाऱ्या धोक्यांकडे लक्ष वेधणारी ठरली आहे. अशा ठिकाणी संरक्षक उपाययोजना करणे गरजेचे असल्याची मागणी नागरिकांकडून होत आहे.
