वर्धा – १२ जानेवारी : राष्ट्रीय युवा दिनानिमित्त विद्यार्थ्यांमध्ये भारतीय संविधानाबाबत जागृती निर्माण करण्याच्या उद्देशाने “संविधान जनजागृती प्रश्नमंजुषा २०२५–२६” या राज्यस्तरीय उपक्रमाचे आयोजन करण्यात आले आहे. महाराष्ट्र राज्य अनुसूचित जाती व जमाती आयोगाच्या वतीने राबविण्यात येणाऱ्या या उपक्रमात सहभागी होण्यासाठी विद्यार्थ्यांना ऑनलाईन स्वरूपात १५ दिवसांचे प्रशिक्षण दिले जाणार आहे. या प्रशिक्षणादरम्यान भारतीय संविधानातील मूल्ये, मूलभूत अधिकार, कर्तव्ये आणि लोकशाही मूल्यांवर आधारित नागरिक कसे घडतात, याबाबत सखोल माहिती व मार्गदर्शन मिळेल.
उपाध्यक्ष धर्मपाल मेश्राम यांनी इच्छुक विद्यार्थ्यांनी १० जानेवारी २०२६ पर्यंत नोंदणी करण्याचे आवाहन केले आहे. “घर घर संविधान” या संकल्पनेतून राज्यातील प्रत्येक घर आणि विद्यार्थ्यांपर्यंत ही जनजागृती पोहोचविण्याचा प्रयत्न केला जात आहे. प्रश्नमंजुषा इयत्ता ८ वी पासून पदव्युत्तर शिक्षण घेणाऱ्या विद्यार्थ्यांसाठी खुली असून संपूर्णपणे ऑनलाईन पद्धतीने राबविण्यात येणार आहे. प्रशिक्षण १२ जानेवारी २०२६ रोजी राष्ट्रीय युवा दिनानिमित्त प्रारंभ होईल.
प्रशिक्षणासाठी महाराष्ट्र नॅशनल लॉ युनिव्हर्सिटी, नागपूर येथील तज्ज्ञ प्राध्यापक मार्गदर्शन करतील व आवश्यक अध्ययन साहित्य ऑनलाईन उपलब्ध करून दिले जाईल. ही स्पर्धा मराठी, हिंदी व इंग्रजी या तीन भाषांमध्ये आयोजित केली जाईल. प्रशिक्षण पूर्ण झाल्यानंतर ऑनलाईन प्रॉक्टरिंगसह परीक्षा घेतली जाईल. सहभागी होण्यासाठी केवळ ९९ रुपये नाममात्र शुल्क आकारण्यात येणार आहे.
Related News
रामरक्षा आंदोलनापूर्वी मोठी राजकीय घडामोड! बावनकुळे थेट फडणवीसांच्या भेटीला
सोनम वांगचूक प्रकरणावरून संजय राऊतांचा केंद्रावर हल्लाबोल; ‘रामरक्षा आंदोलनावरून लक्ष हटवण्यासाठीच कारवाई’
Nagpur Crime: 3 मित्रांचा ड्रग्ज पार्टीचा धक्कादायक प्लॅन फसला; नामांकित हॉटेलवर पोलिसांची धाड, एमडीसह रंगेहात अटक
Agri Admission 2026: मोठी संधी! २५ जुलैपर्यंत अर्ज करा; कृषीच्या ९ पदवी अभ्यासक्रमांसाठी प्रवेश सुरू
थरारक ऑपरेशन! 4 महिन्यांपासून दहशत माजवणारी वाघीण अखेर जेरबंद; पिंजऱ्यात बसून महिला डॉक्टरांनी साधला अचूक डार्ट, पाहा 7 खास फोटो
5 लाख डाउनलोड्स असलेले Mast Money Loan App पोलिसांच्या रडारवर; लाखो युजर्सचा डेटा धोक्यात
भारताच्या राष्ट्रपतींचे १५ शक्तिशाली GK प्रश्न: पगार, अधिकार, कलमे आणि स्पर्धा परीक्षेसाठी संपूर्ण माहिती
Nagpur News: धक्कादायक! एका घरातून 40 कोब्राची पिल्ले जिवंत सापडली; सर्पमित्रांच्या धाडसी रेस्क्यूने टळला मोठा अनर्थ
₹22 च्या रॅपिडो राईडमुळे मोठा भंडाफोड! नागपूर RTO ची 1 गुप्त कारवाई, Rapido च्या 3 संस्थापकांवर गुन्हा
एकाच कुटुंबातील 5 जण अचानक बेपत्ता ; शेवटचे लोकेशन पुण्यात; नागपूरमध्ये मोठी खळबळ!
स्पर्धेत यशस्वी विद्यार्थ्यांसाठी आकर्षक पारितोषिक ठरवण्यात आले असून प्रथम पुरस्कार १ लाख रुपये, द्वितीय ५१ हजार रुपये, तृतीय ११ हजार रुपये आणि सर्व यशस्वी विद्यार्थ्यांना रोख पारितोषिकासह प्रमाणपत्र दिले जाणार आहे. तसेच, सहभागी सर्व विद्यार्थ्यांना डॉ. बाबासाहेब आंबेडकर संशोधन व प्रशिक्षण संस्था (बार्टी), पुणे यांच्या वतीने सहभाग प्रमाणपत्र प्रदान केले जाईल.
नोंदणी आणि अधिकृत माहिती www.yuvacareer.com या संकेतस्थळावर उपलब्ध असून, नागरिकांनी कोणत्याही बनावट संकेतस्थळाला बळी न पडता फक्त अधिकृत संकेतस्थळावरून नोंदणी करण्याचे आवाहन करण्यात आले आहे.
