BTS Jungkook First Love Story : सध्या सोशल मीडियावर जगभरातील ARMY मध्ये BTS सदस्य जंगकूकच्या पहिल्या प्रेमाची कहाणी जोरदार चर्चेत आहे. ‘Are You Sure?!’ या ट्रॅव्हल रिअॅलिटी शोच्या दुसऱ्या सीझनमध्ये जंगकूक आणि जिमिनमधील हा संवाद पाहून चाहते अक्षरशः वेडे झाले आहेत. डिस्ने+ (जिओहॉटस्टार) वर 3 डिसेंबरला रिलीज झालेल्या या शोच्या तिसऱ्या एपिसोडमध्ये जंगकूकने पहिल्यांदा त्याच्या ‘फर्स्ट लव्ह’बद्दल केलेले खुलासे खास चर्चा बनत आहेत.
ARMY जंगकूक आणि जिमिनला एकत्र ‘जिकूक’ म्हणून संबोधते. शोमध्ये दोघेही प्रवासादरम्यान त्यांच्या आयुष्याबद्दल मनमोकळेपणाने बोलत होते. त्यावेळी जंगकूकने आयुष्यातील एक गुपित जिमिनसमोर उघड केले— त्याच्या बालपणातील प्रेमाची आठवण.
अमेरिकेतील एका डान्स क्लासमध्ये पहिल्यांदा ‘स्पार्क’
जंगकूकने सांगितले की, जेव्हा तो आपल्या करिअरच्या सुरुवातीच्या काळात एका महिन्यासाठी अमेरिकेत प्रशिक्षणासाठी गेला होता, तेव्हाच त्याने पहिल्यांदा एखाद्या मुलीकडे आकर्षित झाल्याचे अनुभवले. तो केवळ 13 वर्षांचा, म्हणजेच आठव्या वर्गात होता.
तो म्हणाला—“त्या एका महिन्याच्या प्रशिक्षणादरम्यान मला एक मुलगी आवडली. ती कोरियन नव्हती. तीही माझ्यासारखीच डान्स क्लासला येणारी विद्यार्थीनी होती. ती खूप सुंदर होती. मी तिला अनेकदा पाहत बसायचो.”ही मुलगी त्याच्यासाठी पहिल्यांदाच ‘क्रश’ बनली होती. त्याच्या मते, ती खूप निरागस, साधी आणि त्याच्याच वयाची होती.
“जाऊन बोलून ये” — शिक्षकांनी दिलेली हिंमत, पण…
जंगकूक म्हणाला की, त्याच्या डान्स शिक्षकाने त्याला स्पष्ट सांगितले—“जंगकूक, जा आणि तिला बोल! निदान एकदा तरी प्रयत्न कर.”पण त्या 13 वर्षीय जंगकूकला एकच प्रश्न छळत होता—
“कसं बोलू? मला इंग्रजी बोलता येत नाही…”तो तिला काही बोलू शकतच नाही. त्यामुळे त्या मुलीकडून त्याचे संभाषण कधी सुरूच झाले नाही… पण जंगकूकच्या मनात तिने कायमची जागा घेतली. जंगकूक हा अनुभव सांगत असताना त्याच्या चेहऱ्यावर अजूनही हलकीशी लाज, तर जिमिनच्या चेहऱ्यावर खोडकर हसू दिसत होते. जिमिन हा संवाद एंजॉय करत होता.
“आज असे झाले असते तर?” — जिमिनचा सवाल, जंगकूकचा मजेशीर उत्तर
या चर्चेदरम्यान जिमिनने एक गंमतीशीर प्रश्न विचारला—“जर आजच्या जंगकूकसमोर अशी परिस्थिती आली असती, तर तू काय केलं असतंस?”यावर जंगकूकने हसत उत्तर दिलं—“कदाचित मी प्रयत्न केला असता. मी म्हणालो असतो… ‘हॅलो, तू मला आवडतेस!’”हे ऐकून जिमिन पुन्हा मोठ्याने हसू लागला. या दोघांची केमिस्ट्री आणि हा गोड संवाद पाहून ARMY वर अक्षरशः फिदा झाली आहे.
BTS ARMY ची उत्सुकता आणि शोचा वाढलेला क्रेझ
हा व्हिडिओ सोशल मीडियावर व्हायरल होताच ARMY चा ओघ सुरु झाला. जंगकूकच्या पहिल्या प्रेमाची ही आठवण चाहत्यांसाठी भावूक आणि विशेष होती. कारण:
जंगकूक नेहमीच खासगी आयुष्याबद्दल शांत राहतो
अशा मनमोकळ्या कबुल्या क्वचितच करतो
जिमिनसोबत त्याचे बंध जास्त स्पष्ट दिसले
ARMY ला ‘जिकूक मोमेंट्स’ आवडतातच, पण हा क्षण त्यांच्यासाठी सोन्यात सुगंध ठरला आहे.
वर्तमानातील डेटिंग अफवा, पण जंगकूक शांत
याचदरम्यान जंगकूक आणि Aespa ग्रुपमधील Winter यांच्यातील डेटिंग अफवांमुळे सगळीकडे चर्चा सुरू आहे. तथापि, जंगकूक या चर्चा पूर्णपणे दुर्लक्ष करून चिल मूडमध्ये दिसत आहे. त्याच्या या जुन्या आठवणीमुळे चाहत्यांना त्याच्या भावनात्मक बाजूची झलक पाहायला मिळाली.BTS जंगकूकने सांगितलेली ही ‘पहिली प्रेमकहाणी’ चाहत्यांसाठी खूप गोड आणि भावूक ठरली आहे. 13 वर्षांच्या त्या निरागस वयातील पहिली क्रश, तिच्याशी बोलण्याची इच्छा पण भाषेचा अडथळा, आणि आजच्या सुपरस्टार जंगकूकचे त्यावर दिलेले मजेशीर उत्तर… आर्मी यावर पूर्णपणे मोहित झाली आहे.
या व्हिडिओने जिकूकची दोस्ती, जंगकूकची निरागसता आणि त्याची जुन्याच्या आठवणींना दिलेली साथ— सर्व काही जगासमोर आणले आहे.
