घरगुती वादातून थरारक हत्या; पत्नीवर खलाने केला हल्ला
राज्याला हादरविणारी धक्कादायक घटना अमरावती शहरातील राजापेठ ठाण्याच्या हद्दीत घडली. गणपतीनगर परिसरात दोन दिवसांपूर्वी एका विवाहित महिलेचा घरात रक्तबंबाळ अवस्थेत मृतदेह आढळून आला होता. घटनेनंतर परिसरात मोठी खळबळ उडाली होती. पोलिसांकडून मारेकऱ्याचा कसून शोध सुरू होता. अखेर मंगळवारी (२ डिसेंबर) गुन्हे शाखेच्या पथकाने या प्रकरणाचा उलगडा करत मृत महिलेचा पती नितीन सुरेशराव इंगोले (३२, रा. अशोक कॉलनी, अर्जुनगर, अमरावती) याला अटक केली.
मृत महिलेचे नाव पिंकी इंगोले असून तिच्यासोबत नितीनचे अवघ्या तीन महिन्यांपूर्वीच लग्न झाले होते. विवाहानंतर दोघांमध्ये वारंवार वाद होत असल्याची माहिती पोलिस तपासात समोर आली आहे. घरगुती वाद, संशय आणि सततचे भांडण यामुळे नितीन प्रचंड मानसिक तणावात असल्याचे पोलिसांना सांगण्यात आले आहे. याच रागातून आणि कंटाळ्यातून आपण खून केल्याची कबुली आरोपी पतीने दिली आहे.
रविवारी (३० नोव्हेंबर) पहाटे पिंकी झोपेत असताना नितीनने घरातील खल उचलून तिच्या डोक्यावर वार केले. त्यानंतर तिला भिंतीवर व पिल्लरवर आपटल्याने ती गंभीर जखमी झाली आणि जागीच तिचा मृत्यू झाला. घटनेनंतर नितीनने प्रकार लपवण्याचा प्रयत्न केला; मात्र संशयास्पद हालचाली आणि प्राथमिक तपासातून पोलिसांना पुरावे मिळाले. अखेर गुन्हे शाखेच्या पथकाने आरोपीचा शोध घेऊन त्याला ताब्यात घेतले.
Related News
काळीज पिळवटणारी घटना 2 वर्षांची कोर्ट लढाई संपली, पण मुलानेच वडिलांचा जीव घेतला
बीडमधील हृदयद्रावक हुंडाबळी हत्या प्रकरणाने महाराष्ट्र हादरला ; धक्कादायक 5 खुलासे
भिवंडीत 1 तोतया FDA अधिकाऱ्यांचा धक्कादायक प्रकार, लाखोंची वसूली करणारी टोळी उघडी पडली!
अकोला : अधिक मासातील धार्मिक स्नानादरम्यान 2 जणांचा दुर्दैवी मृत्यू, मुलाला वाचवताना आईचाही अंत
बदलापूर स्टेशन परिसरात महिला नेत्या चा आक्रमक हल्लाबोल | वाईन शॉपवर 1 मोठी कारवाईची मागणी
धक्कादायक उलगडा! पत्नीच्या हत्येसाठी 2 लाखांची सुपारी; 12 दिवसांत पोलिसांनी फोडला भयावह कट
धक्कादायक! 7 वीतील विद्यार्थिनीला नशेचे औषध पाजून अत्याचार; व्हिडिओच्या आधारे खंडणी, 2 आरोपी अटकेत
पुण्यात गोळीबाराची धक्कादायक घटना: सहकारनगरमध्ये 1 जण गंभीर जखमी
अवैध गुटखा विक्रीवर छापा; 1आरोपीची MSF जवानाची कॉलर पकडत संतापजनक दादागिरी
7 वर्षांच्या बालकासोबत मशिदीत अश्लील चाळे; CCTV पुराव्यानंतर आरोपीला अटक
सोनोरीजवळ महामार्गावर भीषण अपघात: टिप्परच्या धडकेत कारचे मोठे नुकसान, 1 चालक जखमी
24 तासांत धक्कादायक उलगडा! विकृत इच्छेला नकार देताच महिलेची निर्घृण हत्या, मोबाईलमुळे आरोपी जेरबंद
नितीन इंगोले हा राज्य शासनाच्या पाणीपुरवठा व स्वच्छता विभागांतर्गत भुजल सर्वेक्षण व विकास यंत्रणेच्या कार्यालयात ‘प्रयोगशाळा सहायक’ पदावर कार्यरत आहे. सरकारी कर्मचारी असूनही त्याने केलेल्या निर्घृण कृत्यामुळे नागरिकांमध्ये संतापाची लाट उसळली आहे.
या प्रकरणी राजापेठ पोलिस ठाण्यात हत्या कलमान्वये गुन्हा दाखल करण्यात आला असून अधिक तपास सुरू आहे. आरोपीला न्यायालयात हजर केले असता त्याला पोलिस कोठडी सुनावण्यात आली असून घटनेतील नेमके कारण व इतर बाबींचा शोध पोलिस घेत आहेत.
read also : https://ajinkyabharat.com/malegaon-taluk-of-nashik-district-asaleya-dongarale/
