‘भूत शुद्धी’ विवाह पद्धतीचं महत्त्व काय ?
दाक्षिणात्य सिनेसृष्टीतील लोकप्रिय अभिनेत्री समांथा रुथ प्रभू हिनं दिग्दर्शक राज निदिमोरू यांच्यासोबत गुपचूप विवाह करत चाहत्यांना सुखद धक्का दिला आहे. विशेष म्हणजे या लग्नासाठी समांथानं कोणताही आलिशान रिसॉर्ट किंवा मोठा हॉल न निवडता, तामिळनाडूतील कोइम्बतूरजवळील लिंग भैरवी मंदिर हे अत्यंत पवित्र स्थळ निवडलं आहे. आणखी एक चर्चेचा विषय ठरतोय, तो म्हणजे या विवाहासाठी वापरलेली ‘भूत शुद्धी विवाह पद्धत’.
समांथानं इंस्टाग्रामवर शेअर केलेल्या लग्नाच्या फोटोंमुळे हा खासगी सोहळा सर्वांसमोर आला. या विवाहसोहळ्यात फक्त ३० अतिथींची उपस्थिती होती. समांथानं पारंपरिक लाल साडीमध्ये साधं, सौम्य आणि आध्यात्मिक तेज लाभलेलं रूप धारण केलं होतं. मात्र, हे लग्न नेमकं या मंदिरातच का आणि ही पद्धत नेमकी काय आहे, याबद्दल चाहत्यांची उत्सुकता शिगेला पोहोचली आहे.
भूत शुद्धी विवाह पद्धत काय आहे?
‘भूत शुद्धी’ ही एक प्राचीन योगिक पद्धत आहे. ‘भूत’ म्हणजे पाच महाभूतं —
पृथ्वी, पाणी, अग्नी, वायू आणि आकाश.
Related News
अर्जुन तेंडुलकर आणि सानिया चँधोकची पारंपरिक लाल रंगात चमकणारी लग्नसोहळा
मुंबईत दिग्गज हस्तींच्या उपस्थितीत अर्जुन तेंदुलकर – सानिया चांदोक यांचा भव्य विवाह
हैदराबाद रिसेप्शनमध्ये रश्मिका–विजयचा पारंपरिक लूक; सोन्याच्या दागिन्यांनी वेधले लक्ष
रश्मिका मंदाना आणि विजय देवरकोंडा: हैदराबादमध्ये भव्य रिसेप्शन, नवविवाहितांचे ‘नमस्ते’ स्वागत
रश्मिका–विजयचा ‘विरोश’ फॅन मीटमध्ये जल्लोष; रश्मिकाने भरवला विजयला घास
मेहेंदी आणि संगीत समारंभात अर्जुन–सानियाचा रॉयल अंदाज चर्चेत
Bigg Boss Marathi 6 : रोशन भजनकरच्या भावनिक घराबाहेरच्या प्रवासाने चाहत्यांना भावविले
Rashmika Mandanna – Vijay Deverakonda विवाहासाठी उदयपूरमध्ये दाखल; समोर आल्या आतल्या झलक
या विधीद्वारे विवाहबंधनात अडकण्याआधी जोडप्याच्या शरीर व मनातील या पाच तत्त्वांचे शुद्धीकरण केलं जातं. याचा उद्देश केवळ औपचारिक लग्नसोहळा न करता, विवाहाला आध्यात्मिक एकरूपता प्रदान करणं हा आहे.
या विधीमुळे—
जोडीदारांमध्ये मानसिक व भावनिक समानता निर्माण होते
एकमेकांशी आत्मिक नातं दृढ होतं
वैवाहिक आयुष्यासाठी सकारात्मक उर्जा प्राप्त होते
मनःशांती, स्थैर्य आणि अंतःकरणाची पवित्रता वाढते
ही विशेष विवाह पद्धत ईशा फाउंडेशनकडून मार्गदर्शनाखाली राबवली जाते आणि समाजात आता हळूहळू लोकप्रिय होत आहे.
लिंग भैरवी मंदिरच का निवडलं?
1) शांत, पवित्र आणि ऊर्जायुक्त वातावरण
कोइम्बतूरजवळील ईशा योग केंद्रातील लिंग भैरवी मंदिर हे आध्यात्मिक उर्जेचं एक अत्यंत प्रभावी केंद्र मानलं जातं. येथे बसताच ध्यान आणि शांतीची अनुभूती येते. विवाहसारख्या पवित्र संस्कारासाठी समांथानं हे ठिकाण निवडल्याचं बोललं जातं.
2) देवी लिंग भैरवी – स्त्री शक्तीचे सर्वोच्च रूप
ईशा फाउंडेशननुसार, लिंग भैरवी देवी या स्त्री शक्तीचं सर्वोच्च प्रतीक मानल्या जातात. भक्तांच्या जीवनात आनंद, समृद्धी, मानसिक बळ आणि संरक्षण प्रदान करतात, अशी श्रद्धा आहे.
3) मंदिराची अद्वितीय रचना
या मंदिराची वास्तुरचना देखील चर्चेचा विषय ठरली आहे.
मंदिराच्या भिंती उलट्या त्रिकोणाकारात बांधल्या आहेत
हा आकार सृष्टीच्या गर्भाचं प्रतीक मानला जातो
गर्भगृहात उभ्या त्रिकोणाची रचना
जी पुरुषी उर्जेचं प्रतीक आहे
ही दोन्ही प्रतीकं एकत्र येऊन स्त्री-पुरुष ऊर्जेचा संतुलित संगम दर्शवतात —विवाहबंधनासाठी ही अर्थपूर्ण आणि योगिक समरसता दर्शवणारी जागा असल्याचं मानलं जातं.
लिंग भैरवी मंदिरात कसं जायचं?
ठिकाण – ईशा योग केंद्र, कोइम्बतूर (तामिळनाडू)
अंतर – कोइम्बतूर शहरापासून सुमारे ३० किमी
प्रवासाचे पर्याय—
विमान:
चेन्नई, मुंबई, दिल्ली, बेंगळुरूहून कोइम्बतूरसाठी थेट उड्डाणेरेल्वे:
देशभरातून कोइम्बतूरला थेट गाड्याबस सेवा:
कोइम्बतूर बस स्थानकातून ईशा योग केंद्रासाठी थेट बसटॅक्सी:
विमानतळ किंवा रेल्वे स्थानकावरून सहज उपलब्ध ईशा योग केंद्राच्या ट्रॅव्हल डेस्कवरूनही टॅक्सी बुक करता येते
क्यों समांथाचा निर्णय ठरतो खास?
समांथानं लग्नासाठी अलिशान शोभेचे पर्याय बाजूला सारूनआध्यात्मिक शांती, साधेपणा आणि ऊर्जेचा संगम साधणारा मार्ग स्वीकारला.हे केवळ सेलिब्रिटी लग्न ठरलं नाही, तर — ध्यान, योग आणि अध्यात्माला दिलेला मान,
विवाहाला आत्मिक अर्थ देणारा निर्णय, आधुनिकतेसोबत परंपरेचा समतोल साधणारी भूमिका,अशा अनेक कारणांनी समांथाचा हा विवाह चर्चेचा विषय ठरतोय.
