सय्यद मुश्ताक अली ट्रॉफी 2025 मधील मुंबई (बडोदा) विरुद्ध पंजाब सामन्यात मैदानावर एक अविस्मरणीय क्षण पाहायला मिळाला. झंझावाती फलंदाजीसाठी चर्चेत असलेला हार्दिक पांड्या यावेळी आपल्या खेळासोबतच एका खास कृतीमुळेही चाहत्यांच्या मनात घर करून गेला. थेट खेळपट्टीवर धाव घेतलेल्या चाहत्याबाबत हार्दिकने दाखवलेल्या सौजन्यामुळे हा प्रसंग सध्या सोशल मीडियावर व्हायरल ठरत आहे.
नाणेफेक जिंकून पंजाबने प्रथम फलंदाजी स्वीकारली. अभिषेक शर्माच्या तुफानी खेळीमुळे पंजाबने अवघ्या 20 षटकात 8 बाद 222 धावांचा डोंगर उभा केला. अभिषेकने केवळ 18 चेंडूत अर्धशतक झळकावत सामन्याला रंगत आणली. या डावात हार्दिक पांड्याचा गोलंदाजीतील स्पेल मात्र महागडा ठरला. चार षटकांत 52 धावा देत त्याने फक्त एकच गडी बाद केला.
मात्र दुसऱ्या डावात हार्दिकने आपल्या बॅटने सगळी कसूर भरून काढली. अवघ्या 42 चेंडूंमध्ये 7 चौकार आणि 4 षटकारांच्या जोरावर त्याने नाबाद 77 धावांची झंझावाती खेळी केली आणि बडोद्याला अवघ्या 19.1 षटकांत थरारक विजय मिळवून दिला.
Related News
IND vs ENG Playing 11 : भारताच्या 3 स्टार खेळाडूंचे दमदार कमबॅक, इंग्लंडचा टॉस जिंकून प्रथम फलंदाजी
3 मोठे आरोप! गौतम गंभीरवर हनुमा विहारीचा खळबळजनक हल्ला, ‘आवडत्या खेळाडूंनाच संधी’
IND W vs ENG W : ऐतिहासिक क्षण! लॉर्ड्सवर यास्तिका भाटियाचं दमदार शतक; भारत विजयापासून फक्त 4 विकेट दूर
IND vs ENG 1st ODI: बर्मिंगहॅममध्ये रोहित शर्माला चाहत्यांनी घेरले! पाहा 7 भन्नाट क्षण; वनडेपूर्वी टीम इंडियाचा खास मूड
3 महिने नैराश्यात होत्या सविता मालपेकर; अमोल कोल्हेंनी दिलेल्या मोठ्या आधाराचा भावनिक खुलासा
18 वर्षांनंतर Stephen Flemingचा CSKला निरोप; 5 IPL ट्रॉफी जिंकणाऱ्या मास्टरमाइंडचा ऐतिहासिक निर्णय
राहुल द्रविड सर्वात प्रबळ ? ब्रेंडन मॅकलमनंतर इंग्लंडच्या कोचपदासाठी 5 दावेदार,
IND vs ENG 1st ODI: रोहित शर्मासमोर 3 ऐतिहासिक विक्रमांची सुवर्णसंधी, इंग्लंडविरुद्ध हिटमॅन ठरणार नंबर 1?
IND vs ENG: BCCIचा मोठा निर्णय! 2 खेळाडूंना संघाबाहेर, इंग्लंडविरुद्ध वनडे मालिकेआधी टीम इंडियाला मोठा धक्का
IND vs ENG ODI Series 2026 : 3 वनडे सामन्यांची निर्णायक मालिका; रोहित-विराटची दमदार एन्ट्री, भारतासाठी ‘करा किंवा मरा’ची लढाई
5 कारणांमुळे व्हायरल झाला शुभमन गिल, सचिन-अंजली तेंडुलकरांचा फोटो; ‘सारा कुठे आहे?’ म्हणत सोशल मीडियावर मीम्सचा जबरदस्त पाऊस
Vaibhav Sooryavanshi Video: 15 वर्षीय वैभव सूर्यवंशीला प्लेइंग 11 मधून डच्चू; अश्रू अनावर, सूर्यांश शेडगेचा भावनिक आधार
याच खेळीदरम्यान एक विचित्र पण मजेशीर घटना घडली. हार्दिक फलंदाजी करत असताना एक चाहता सुरक्षारक्षकांना चुकवून थेट मैदानात घुसला. उद्देश एकच – हार्दिकसोबत सेल्फी! त्याला पकडण्यासाठी पोलिसही खेळपट्टीपर्यंत धावले. पोलिसांनी चाहत्याला ताब्यात घेत बाहेर नेत असतानाही तो सतत सेल्फीसाठी आग्रह धरत होता.
तेव्हा हार्दिकने आपल्या चाहत्याला थांबवलं, पोलिसांना विनंती केली आणि स्वतः पुढे येत चाहत्यासोबत सेल्फी काढून घेतला. हा क्षण पाहून मैदानात उपस्थित चाहत्यांनी जोरदार टाळ्यांच्या गजरात हार्दिकच्या कृतीचं स्वागत केलं. हा संपूर्ण किस्सा कॅमेऱ्यात कैद झाला असून त्याचा व्हिडीओ सध्या सोशल मीडियावर वेगाने व्हायरल होत आहे.
या सामन्यातील दमदार कामगिरीमुळे हार्दिक पांड्याला ‘सामनावीर’ पुरस्काराने गौरवण्यात आलं. दक्षिण आफ्रिकेविरुद्धच्या आगामी टी-20 मालिकेआधी त्याची ही खेळी भारतीय चाहत्यांसाठी उत्साहवर्धक ठरली आहे. बीसीसीआयच्या ‘सेंटर ऑफ एक्सलन्स’कडून त्याला नुकतीच गोलंदाजीसाठी परवानगी मिळाली असली, तरी अद्याप पूर्ण लय मिळवण्यासाठी त्याला वेळ लागणार असल्याचं तज्ज्ञांचं मत आहे.
हवी असलेली झंझावाती कामगिरी आणि चाहत्यांप्रती दाखवलेली आपुलकी – या दोन्ही गोष्टींमुळे हार्दिक पांड्या पुन्हा एकदा चर्चेच्या केंद्रस्थानी आहे.
