ब्रह्मपुरीतील इथेनॉल प्रकल्पात भीषण स्फोट; दोन किलोमीटरपर्यंत धक्के, परिसरात दहशत
ब्रह्मपुरी शहरातील बोरगाव रोडवरील रामदेव बाबा साल वनटंस कंपनीच्या इथेनॉल प्रकल्पात आज, 19 नोव्हेंबर सायंकाळी प्रचंड स्फोट झाला आणि भीषण आग लागली. या स्फोटाचा आवाज आणि धक्के तब्बल दोन किलोमीटरपर्यंत जाणवल्याने परिसरात दहशत पसरली. तरीही या घटनेत कोणतीही जीवितहानी झाली नाही.
बोरगाव गावाजवळील रामदेव बाबा फॅक्टरीच्या समोरील इथेनॉल प्रकल्पात सुमारे सायंकाळी पाच वाजताच्या सुमारास आग लागली. आग लागल्यानंतर काही क्षणांतच प्रचंड स्फोट झाला, ज्यामुळे जनजीवन काही वेळासाठी स्थिरावले. या धक्क्याचा प्रभाव बोरगाव, इंदापूर, झिलबोडी, फुलेनगर, पेटवाड, धूमनखेळा, शिवाजी चौक आणि ब्रह्मपुरी शहरातील विविध भागांमध्ये स्पष्टपणे जाणवला. अनेकांनी घर हलल्याचा अनुभव सांगितला असून, काही घरांच्या काच फुटल्याच्या देखील बातम्या समोर आल्या आहेत.
कंपनी परिसरात तब्बल एक लाख लिटर इथेनॉलच्या साठा असल्याचे समोर आले असून, यामुळे आग अधिक भीषण स्वरूप धारण करण्याची भीती व्यक्त केली जात आहे. प्रकल्प नुकताच पुन्हा सुरू झाला होता, त्यामुळे या घटनेने आणखी चिंता वाढवली आहे.
Related News
नोएडातील 12 व्या मजल्यावरील फ्लॅटला भीषण आग, 6 अग्निशमन गाड्यांची धाव; रहिवाशांमध्ये प्रचंड भीती
Delhi Fire : 21 जणांचा दुर्दैवी मृत्यू, शेवटच्या क्षणापर्यंत एकमेकांच्या मिठीत राहिलेल्या जोडप्याची हृदयद्रावक कहाणी
धक्कादायक! 90 वर्षीय वृद्धाचा इलेक्ट्रिक थेरेपीदरम्यान मृत्यू; 5 मिनिटांत होत्याचं नव्हतं झालं
“चंद्रपूरमध्ये 4 जणांना अटक: धक्कादायक मानवी तस्करी प्रकरण उघड – आईच्या क्रूर कृत्याने हादरलं संपूर्ण महाराष्ट्र!”
“चंद्रपूरमध्ये 10 वर्षीय मुलाचा हृदयद्रावक मृत्यू! शाळेची तयारी करतानाच कोसळला – 1 भयानक घटना”
Iran-US युद्धविराम जाहीर; भारतीय दूतावासाने नागरिकांना तात्काळ देश सोडण्याचा सल्ला दिला
पालघर वायू गळती घडली: तारापूर औद्योगिक क्षेत्रातील 1 भीषण घटना, नागरिकांचे आरोग्य धोक्यात
रशियाचा युक्रेनवर महाभारतीय हल्ला: 200 ड्रोन, 50 क्षेपणास्त्रे फटकेबाजी
दारूच्या नशेत 36 वर्षीय मुलाने 65 वर्षीय आईचा प्राण घेतला – समाज हादरला
धुळ्यातील खूनाचा फरार आरोपी पकडला : 5 मिनिटांत पोलिसांच्या धाडसाची कहाणी
नवी मुंबई पोलीस 2025 अहवाल : सायबर गुन्ह्यांवर कडक कारवाई, नागरिक सुरक्षिततेत वाढ
घटना घडल्यावर ब्रह्मपुरी, नागभीड, शिंदेवाही तसेच गडचिरोली येथील फायर ब्रिगेडच्या पथकांना तातडीने घटनास्थळी रवाना करण्यात आले. आग मोठ्या प्रमाणात असल्याने चंद्रपूर महानगरपालिकेकडून फोर्म सोल्युशनसह दोन फायर टेंडर रवाना केले गेले. तसेच पोलीस दल आणि डॉक्टरांची टीमही तातडीने घटनास्थळी दाखल झाली. काही वेळाने आग आटोक्यात आली आणि परिस्थिती नियंत्रणाखाली आली.
या घटनेनंतर कंपनीतील सुरक्षा उपाययोजना आणि इथेनॉल साठा याबाबत अधिक चौकशी सुरू आहे. स्थानिक प्रशासनाने नागरिकांना घाबरू नये, तसेच परिसरात दूर राहण्याचे आदेश दिले आहेत.
या स्फोटामुळे नागरिकांमध्ये भीती असली तरी, वेळेवर केलेल्या प्रतिसादामुळे जीवितहानी टळली, आणि पुढील उपाययोजना करण्यासाठी प्रशासन सतत कार्यरत आहे.
read also:https://ajinkyabharat.com/%e0%a4%ae%e0%a4%be%e0%a4%b9%e0%a4%bf%e0%a4%95%e0%a4%be/
