Exclusive
विठ्ठल महल्ले
अकोला — शहरातील वखरे लेआउट परिसरात अज्ञात चोरट्याने चक्क न्यायाधीशाच्या घरातच डल्ला मारल्याची धक्कादायक घटना उजेडात आली आहे सोन्या-चांदीचे दागिने आणि रोख रक्कम असा एकूण ३७ हजार ५०० रुपयांचा मुद्देमाल चोरल्याची घटना रविवारी उघडकीस आली.सदर घटनेबाबत सिव्हिल लाईन पोलीस ठाण्यात गुन्हा क्र. ३६३/२०२५, कलम ३३(४), ३०५ भा.दं.सं. नुसार दाखल करण्यात आला.
अकोल्यात जिल्हा व सत्र न्यायाधीश म्हणून कार्यरत असलेले मात्र दिवाळीच्या सुट्टीमुळे त्यांच्या मूळ गावी परतवाडा येथे गेले होते. दरम्यान, २६ ऑक्टोबर रोजी सकाळी सहा वाजताच्या सुमारास शेजारी रुपेश झाडे यांनी फोन करून घराचा दरवाजा उघडा असल्याची माहिती दिली. न्यायाधीश महोदयांनी घरी येऊन पाहणी केली असता, बेडरूममधील दोन्ही कपाटे उघडी पडलेली दिसली आणि घरातील कपडे तसेच इतर साहित्य अस्ताव्यस्त पडलेले आढळले. कपाटातील सोन्या-चांदीचे दागिने व रोख रक्कम गायब असल्याचे त्यांनी लक्षात घेतले.
चोरी गेलेल्या मुद्देमालात ३.५ ग्रॅम सोन्याची अंगठी (किंमत ५,००० रुपये), १.५ ग्रॅम सोन्याची लहान अंगठी (किंमत ३,००० रुपये), चांदीचे २० ग्रॅमचे लॉकेट (किंमत २,००० रुपये), ३० ग्रॅमची चांदीची चैन (किंमत ५,००० रुपये) आणि प्लास्टिकच्या बॅगमध्ये ठेवलेले रोख २२ हजार ५०० रुपये असा एकूण ३७ हजार ५०० रुपयांचा मुद्देमाल चोरट्याने चोरून नेल्याचे फिर्यादीने तक्रारीत नमूद केले आहे.
सदर घटना रात्री एक वाजल्यापासून चार वाजेपर्यंतच्या वेळेत घडल्याचा अंदाज पोलिसांनी व्यक्त केला आहे. घटनास्थळी सिव्हिल लाईन पोलीस ठाण्याचे अधिकारी दाखल होऊन पंचनामा केला असून, अज्ञात आरोपीचा शोध सुरू आहे. परिसरातील सीसीटीव्ही फुटेज तपासले जात असून लवकरच आरोपीचा मागोवा लागेल, असा विश्वास पोलिसांनी व्यक्त केला आहे.
Related News
Lucknow Murder: दीड कोटी पोटगी मागितली अन् संतापला! बँकेबाहेर पत्नीवर गोळ्या झाडल्या, नंतर बहिणीलाही संपवलं
‘माज, दादागिरी तुमच्या राज्यात’; मराठीला विरोध करणाऱ्यांवर पुष्कर जोग भडकला
Lucknow News : 3 पिस्तुल, 3 मृत्यू आणि डोक्यात गोळी; लखनऊ हत्याकांडाची Inside Story
लखनऊ हादरलं! ICICI बँकेबाहेर पत्नी आणि बहिणीवर गोळीबार; दोघींचा मृत्यू
थरारक! महिला मुख्याध्यापिकेवर 27 वेळा चाकूने वार; दहावीच्या दोन विद्यार्थ्यांना अटक
ChatGPT ला मुलीबद्दल विचारला धक्कादायक प्रश्न; काही मिनिटांतच पोलीस तरुणाच्या घरी धडकले!
पुणे हादरलं! जुन्नरमध्ये 10 वर्षीय चिमुकलीवर अत्याचारानंतर हत्या; संशयित पोलिसांच्या ताब्यात
Junnar Crime : जुन्नरच्या चिमुकलीच्या हत्येने महाराष्ट्र हादरला; रोहित पवारांचा सरकारवर थेट हल्लाबोल
कोलकात्यात हॉटेलला मध्यरात्री भीषण आग; झोपेतच 9 जणांचा मृत्यू, अनेकजण गंभीर
नागपुरात 12 शाळांना धमकीचा ई-मेल; पालकांमध्ये खळबळ, पोलिसांचा तगडा बंदोबस्त
नशेत चोरी करायला गेला, सोनं लुटलं अन् झोपून गेला! सकाळी चोर सापडला घराच्या फरशीवर
वेबसिरीज पाहून पत्नीच्या हत्येचा धक्कादायक कट; 62 वर्षीय सॉफ्टवेअर कन्सल्टंटला अटक
read also : https://ajinkyabharat.com/nanded-diwali-went-still-no-help-1-unhappy-farmer-vandalized-tehsildars-vehicle/
