अमेरिकेचे माजी राष्ट्राध्यक्ष डोनाल्ड ट्रम्प यांचे जवळचे सहकारी आणि रूढीवादी कार्यकर्ते चार्ली कर्क यांच्या अचानक गोळीबाराने हत्या झाल्याने अमेरिकेत खळबळ उडाली आहे. ही घटना युटा व्हॅली युनिव्हर्सिटीमध्ये अमेरिकन कमबॅक टूर दरम्यान घडली. चार्ली कर्क व्याख्यानादरम्यान माइक हातात धरून बोलत असताना अचानक त्यांच्या मानेजवळ गोळी लागली आणि ते जागीच ठार झाले.एफबीआयच्या तपासात संशयित आरोपीला अटक करण्यात आली आहे. एफबीआयने घटनास्थळाजवळील जंगलातून उच्च-शक्तीची बोल्ट-अ‍ॅक्शन रायफल जप्त केली आहे. रायफल आणि सीसीटीव्ही फुटेजचा अभ्यास केल्यानंतर असा निष्कर्ष निघाला आहे की, हत्या अगोदरून नियोजित होती. संशयित आरोपी गोळीबारानंतर जंगलात रायफल लपवत पळून जाताना दिसला आहे.डोनाल्ड ट्रम्प यांनी फॉक्स न्यूजला दिलेल्या मुलाखतीत सांगितले की, “माझ्या माहितीनुसार, संशयित आरोपी ओळखण्यात आले असून, त्याला अटक करण्यात आली आहे. मला आशा आहे की त्याला मृत्युदंडाची शिक्षा मिळेल.” त्यांनी आणखी माहिती दिली की, आरोपी एखाद्या मोठ्या नेटवर्कशी संबंधित आहे का याचा तपास सुरू आहे.या घटनेमुळे संपूर्ण अमेरिका आणि जागतिक माध्यमांमध्ये मोठा खळबळ माजली आहे. पुढील तपास आणि न्यायालयीन कारवाईवर सर्वांचे लक्ष लागले आहे.

read also : https://ajinkyabharat.com/district-council-president-padasathi-reservation-jaheer/