कारंजा (लाड) : कारंज्यातील २३ वर्षीय अयान खानचा पार्थिवदेह शनिवारी सकाळी एडिनबर्गहून भारतासाठी रवाना होणार असून रविवारी (७ सप्टेंबर) तो कारंज्यात पोहोचणार आहे. डाफनीपुरा येथील निवासस्थानी सकाळी आठ वाजता अंतिम दर्शनासाठी पार्थिव ठेवण्यात येईल. दहा वाजता दारव्हा रोडवरील मुस्लिम कब्रस्तानासमोर नमाज-ए-जनाजा अदा केली जाईल.ब्रिटनमधील एडिनबर्ग येथील हॅरियट वॉट विद्यापीठात रोबोटिक्स टेक्नॉलॉजी आणि आर्टिफिशियल इंटेलिजन्स या विषयात शिक्षण घेत असलेला अयान खान (वय २३) याचा २५ ऑगस्ट रोजी हारलौ जलाशयात बुडून दुर्दैवी मृत्यू झाला होता.अयानच्या मृतदेहाच्या भारतात हस्तांतरणासाठी गेल्या दहा दिवसांपासून सातत्याने पाठपुरावा सुरू होता. यात परराष्ट्र मंत्रालय, भारतीय दूतावास, स्थानिक लोकप्रतिनिधी आणि नातेवाईकांनी केलेल्या प्रयत्नांना अखेर यश आले आहे.या घटनेने कारंजा शहरात शोककळा पसरली असून अंतिम दर्शनासाठी मोठ्या संख्येने नागरिक उपस्थित राहण्याची शक्यता आहे.
READ ALSO : https://ajinkyabharat.com/teacher-di-parashuram-naik-vidyalayacha-abhinav-undertaking/
