तयारी टी-20 वर्ल्ड कपची!
स्टोइनिसची पुनरागमन एन्ट्री
ऑस्ट्रेलियाचा संघ या महिन्याच्या अखेरीस न्यूझीलंडचा दौरा करणार असून,
दोन्ही संघांमध्ये तीन सामन्यांची रोमांचक टी-20 मालिका खेळवली जाणार आहे.
या मालिकेसाठी क्रिकेट ऑस्ट्रेलियाने 14 सदस्यीय संघ जाहीर केला असून,
अष्टपैलू मार्कस स्टोइनिसचे संघात पुनरागमन झाले आहे.
त्याचबरोबर मॅथ्यू शॉर्ट, मिच ओवेन आणि झेवियर बार्टलेट यांना पहिल्यांदाच संधी देण्यात आली आहे.
महत्त्वाचे बदल
वेगवान गोलंदाज मिचेल स्टार्कने टी-20 आंतरराष्ट्रीय क्रिकेटला अलविदा केल्याने तो या मालिकेत दिसणार नाही.
कसोटी-वनडे कर्णधार पॅट कमिन्स पाठीच्या दुखापतीमुळे आणि नॅथन एलिस वैयक्तिक कारणांमुळे मालिकेतून बाहेर पडले आहेत.
स्टोइनिसची आकडेवारी
मार्कस स्टोइनिसने आतापर्यंत 74 टी-20 आंतरराष्ट्रीय सामन्यांत 1245 धावा आणि 45 बळी घेतले आहेत.
तर एकूण टी-20 करिअरमध्ये त्याच्या नावावर तब्बल 6843 धावा आणि 179 बळी आहेत.
ऑस्ट्रेलिया-न्यूझीलंड टी-20 मालिकेचे वेळापत्रक
1 ऑक्टोबर – पहिला सामना
3 ऑक्टोबर – दुसरा सामना
4 ऑक्टोबर – तिसरा सामना
सर्व सामने माउंट मौंगानुई येथे खेळवले जाणार आहेत.
ऑस्ट्रेलियाचा 14 सदस्यीय संघ:
मिचेल मार्श (कर्णधार), शॉन अ‍ॅबॉट, टिम डेव्हिड, झेवियर बार्टलेट, बेन द्वारशुइस,
जोश हेझलवुड, ट्रॅव्हिस हेड, जोश इंग्लिस, मॅथ्यू कुनहेमन, ग्लेन मॅक्सवेल,
मिचेल ओवेन, मॅथ्यू शॉर्ट, मार्कस स्टोइनिस, अ‍ॅडम झांपा
Read also : https://ajinkyabharat.com/manoj-jarange-aurnavar-hyikartachi-kadak-role-dupari-3/
