सूरज यादवची संघर्षमय यशाची कहाणी

गिरिडीह, झारखंड: झारखंडमधील गिरिडीह येथील सूरज यादवने तरुणांसमोर प्रेरणादायी आदर्श उभा केला आहे.

सूरजने झारखंड लोकसेवा आयोगाची (JPSC) परीक्षा उत्तीर्ण करून उपजिल्हाधिकारीपद प्राप्त केले आहे.

हे यश फक्त परीक्षेतील गुणांमुळे नाही, तर त्याच्या अपार मेहनत आणि इच्छाशक्तीमुळे मिळाले आहे.

सुरज यादव सुरुवातीला स्विगीमध्ये डिलिव्हरी बॉय म्हणून काम करत होता आणि रॅपिडो बाईक चालवून अभ्यास करायचा.

झारखंड लोकसेवा आयोगाने नुकतीच 2023 ची संयुक्त नागरी सेवा मुख्य परीक्षा निकाल जाहीर केला, ज्यात सूरजने 110 वा क्रमांक मिळवला.

सुरज एका साध्या कुटुंबात जन्मला, जिथे वडील गवंडी काम करतात. आर्थिक परिस्थिती खूप मजबूत नसली तरी,

सूरजने अधिकारी होण्याचे स्वप्न पाहिले आणि रांचीमध्ये राहून परीक्षेची तयारी सुरू केली.

घरातून आर्थिक मदत न मिळाल्याने तो स्वतःचे अभ्यास खर्च भागवण्यासाठी डिलिव्हरी बॉय म्हणून काम करू लागला.

सुरजकडे स्वतः बाईक नव्हती, त्यामुळे त्याचे मित्र राजेश नायक आणि संदीप मंडल यांनी शिष्यवृत्तीच्या पैशातून त्याला जुनी बाईक खरेदी करून दिली.

त्याने रोज ५ तास डिलिव्हरीचे काम केले आणि उर्वरित वेळ अभ्यासासाठी वापरला.

सूरजच्या यशामागे कुटुंबाचा मोठा हात आहे. पालकांनी नेहमी त्याला प्रेरित केले, बहिणीने घराची कामे सांभाळली, तर पत्नीने त्याला पूर्ण सहकार्य दिले.

या सामूहिक प्रयत्नांमुळेच सूरजने ही स्पर्धात्मक परीक्षा यशस्वीरित्या पार केली.

सूरज यादव हा जेपीएससी परीक्षेसाठी दुसऱ्या प्रयत्नात बसला होता. गेल्या काही वर्षांपासून सुरू असलेल्या त्याच्या मेहनतीला अखेर फळ मिळाले

आणि तो उपजिल्हाधिकारीपदावर नियुक्त झाला.सूरजची कहाणी तरुणांसाठी प्रेरणादायी उदाहरण आहे, जी दाखवते की कठोर मेहनत, इच्छाशक्ती आणि

कुटुंबाचा पाठबळ मिळाल्यास कोणतीही अडचण पार करता येऊ शकते.

Live TV