खनिज संपत्तीने समृद्ध असलेल्या ओडिशामध्ये आता सोन्याचा मोठा खजिना सापडला आहे.
जिओलॉजिकल सर्व्हे ऑफ इंडिया (GSI) च्या ताज्या अहवालानुसार राज्यातील सहा जिल्ह्यांमध्ये सोन्याचे प्रचंड साठे असल्याचे स्पष्ट झाले आहे.
देवगड, सुंदरगड, नवरंगपूर, क्योंझर, अनुगुल आणि कोरापुट या जिल्ह्यांमध्ये सोने सापडले असून अंदाजे २० मेट्रिक टन सोन्याचा साठा असल्याचा दावा करण्यात आला आहे.
राज्य सरकारने संकेत दिला आहे की या खाणींची लवकरच नीलामी होणार आहे. खनन मंत्री विभूती भूषण जेना यांनी सांगितले की, “ही खाण अर्थव्यवस्थेसाठी तसेच
रोजगारनिर्मितीसाठी मोठी संधी ठरणार आहे.”
देवगड जिल्ह्यातील अड्स-रामपल्ली परिसरात शोधकार्य पूर्ण झाले असून ओडिशा माइनिंग कॉर्पोरेशन (OMC) व GSI मिळून
पहिल्या गोल्ड ब्लॉकच्या नीलामीची तयारी करत आहेत. येथे केवळ सोनेच नव्हे तर तांबे, निकेल, चांदी व ग्रेफाइटचेही प्रचंड साठे आढळले आहेत.
क्योंझर जिल्ह्यातील गोपुर-गाजीपूर, मनकडचुआन व दिमिरमुंडा भागांतही सोने सापडले असून, तेथेही सर्वेक्षण सुरू आहे.
विशेषज्ञांच्या मते, या भागात मोठ्या प्रमाणावर खनन शक्य आहे. मात्र पर्यावरणाचे रक्षण लक्षात घेऊनच आधुनिक तंत्रज्ञानाच्या सहाय्याने हे काम केले जाईल,
असे सरकारने स्पष्ट केले आहे.
भू-वैज्ञानिकांनी दिलेल्या माहितीनुसार, सोने शोधण्याची प्रक्रिया अत्यंत वैज्ञानिक आहे.
माती व पाण्याच्या नमुन्यांमधील सोन्याचे कण, जमिनीतील खडकांचे स्वरूप, चुंबकीय व गुरुत्वीय पद्धतींच्या चाचण्या, तसेच ड्रोन व सॅटेलाईट इमेजिंगचा वापर करून सोने सापडते.
या खाणींमुळे ओडिशाच्या अर्थव्यवस्थेला नवा बळ मिळणार असून रोजगाराच्या नव्या संधी निर्माण होतील. त्याचबरोबर भारताच्या सोन्याच्या मागणीचीही पूर्तता होईल.
देश दरवर्षी मोठ्या प्रमाणावर सोने आयात करतो. देशांतर्गत उत्पादन वाढल्यास आयातीवरील अवलंबित्व मोठ्या प्रमाणात कमी होणार आहे.
Read also : https://ajinkyabharat.com/jincanara-southamphun-aani-haranara-pan/
