पातूर घाटात ट्रक कोसळून दोन ठार; एक गंभीर जखमी
पातूर (जि. अकोला) : पातूर घाटात आज (13 ऑगस्ट) पहाटे साडेचारच्या सुमारास झालेल्या भीषण अपघातात दोन जणांचा जागीच मृत्यू झाला असून एक जण गंभीर जखमी झाला आहे.
मिळालेल्या माहितीनुसार, ट्रक (क्रमांक TS-15-UA-1107) अनियंत्रित होऊन घाटात पलटला.
या अपघातात ट्रक चालक संजय विशंभर कदम आणि त्याचा साथीदार नामदेव दादाराव शिंदे (दोघेही रा. सोमठाणा, ता. नायगाव, जि. नांदेड) यांचा जागीच मृत्यू झाला.
तर आणखी एक व्यक्ती गंभीर जखमी असून त्याला उपचारासाठी रुग्णालयात दाखल करण्यात आले आहे.
घटनेची माहिती मिळताच पातूर पोलिस ठाण्याचे ठाणेदार हनुमंत डोपेवार यांच्यासह पोलिस कर्मचारी वसीम शेख, आकाश जाधव, नामदेव शिंदे आणि सत्यजीत ठाकुर
यांनी घटनास्थळी धाव घेऊन पंचनामा केला व पुढील तपास सुरू केला आहे.
READ ALSO :https://ajinkyabharat.com/cctvit-imprisoned-kirko-vadatun-sarpanchawar-halla/
