महान : २७ सप्टेंबर रोजी महान धरणाच्या पाणलोट क्षेत्रात आणि धरण परिसरात झालेल्या मुसळधार पावसामुळे धरणाची पाणी पातळी झपाट्याने वाढली. परिणामी, प्रशासनाने टप्प्याटप्प्याने धरणाचे दरवाजे उघडून नदीत पाण्याचा विसर्ग वाढवला आहे.पाण्याच्या वाढत्या पातळीमुळे आज दुपारी ३:३० वाजल्यापासून विसर्ग वाढवण्यास सुरुवात झाली. महान धरणात आजपर्यंत एकूण ५७६ मिमी पावसाची नोंद झाली आहे. आज सकाळपासून आकाश ढगाळ असून पाऊस सुरू असल्याने संध्याकाळ आणि रात्री मुसळधार पावसाचे संकेत आहेत. वारंवार लोकांना नदीत प्रवेश करणे किंवा सोडणे टाळण्याचे आवाहन करत आहे, कारण पाण्याचा विसर्ग वाढलेला आहे.कार्यकारी अभियंता चिन्मय वाकोडे आणि उपविभागीय अधिकारी आदित्य कासार धरणाच्या पाणीसाठ्यावर लक्ष ठेवून आहेत. शाखा अभियंता संदीप नेमाडे आणि कर्मचारी मनोज पाठक यांच्या मार्गदर्शनाखाली वाढत्या पाणीसाठ्याची माहिती संबंधित सर्वांना वेळोवेळी दिली जात आहे. धरणातील पाण्याचा प्रवाह आणि हवामान खात्याचा अंदाज लक्षात घेऊन पाणी वाढवण्याचा किंवा कमी करण्याचा निर्णय वेळेवर घेतला जाईल, असे सूत्रांनी सांगितले.
read also : https://ajinkyabharat.com/andaman-sagar-sapadla-nasargik-vayucha-motha-sathha/
