यवतमाळ: केंद्रीय महामंडळांवर अध्यक्ष किंवा सदस्य पदाची नियुक्ती करून देण्याचे आमिष दाखवून भाजपचे जिल्हा समन्वयक नितीन भुतडा यांना तब्बल २० कोटी २५ लाख रुपयांना गंडा घालण्याचा एक खळबळजनक प्रकार यवतमाळमध्ये उघडकीस आला आहे. मात्र, भुतडा यांच्या चाणाक्षपणामुळे आणि ‘स्पाय कॅमेरा’च्या अचूक ट्रॅपमुळे या आंतरराज्यीय पातळीवर तार जोडलेल्या ठगबाजांचा डाव उलटला आहे. पोलिसांनी तात्काळ कारवाई करत या प्रकरणातील तिन्ही मुख्य आरोपींना बेड्या ठोकल्या आहेत. या घटनेमुळे राजकीय वर्तुळात प्रचंड खळबळ उडाली आहे. लौकिक जगन्नाथ फुलकर, विश्वजित सुरेश राठोड आणि गणेश लालसिंग राठोड (तिघेही रा. यवतमाळ) अशी अटक करण्यात आलेल्या भामट्यांची नावे आहेत.
या प्रकरणी नितीन भुतडा यांच्या तक्रारीवरून यवतमाळच्या अवधूतवाडी पोलिसांनी गुन्हा दाखल केला असून पुढील तपास सुरू केला आहे. या प्रकरणाची पाळेमुळे १६ मे रोजी रोवली गेली. संशयित आरोपी लौकिक फुलकर याने भाजप जिल्हा समन्वयक नितीन भुतडा यांच्या मोबाईलवर व्हॉट्सॲप मेसेजद्वारे संपर्क साधला. या मेसेजसोबत त्याने केंद्र सरकारच्या अखत्यारीत येणाऱ्या ४२ विविध महामंडळांची अधिकृत वाटणारी यादी पाठवली.
“दिल्लीतील मोठ्या नेत्यांशी आमचे थेट संबंध आहेत, तुम्हाला हव्या त्या महामंडळावर आम्ही तुमची नियुक्ती करून देऊ शकतो,” असा दावा भामट्यांनी केला. या कामासाठी मुख्य सूत्रधार म्हणून गणेश लालसिंग राठोड याचे नाव आणि मोबाईल क्रमांक भुतडा यांना देण्यात आला. “या यादीतील कोणतेही ३ महामंडळ निवडा, तुमचे काम शंभर टक्के करून देतो, पण त्यासाठी २० कोटी २५ लाख रुपये खर्च येईल,” अशी गळ या ठगांनी भुतडा यांना घातली. तसेच, व्यवहाराची खात्री म्हणून एकूण रकमेच्या ५ टक्के रक्कम ‘टोकन अमाऊंट’ म्हणून आधी द्यावी लागेल, अशी अटही त्यांनी ठेवली. हे टोकन दिल्लीत पोहोचताच मंगळवार किंवा बुधवारी थेट दिल्लीतूनच नियुक्ती संदर्भात कॉल येईल, अशी बतावणी या टोळीने केली होती.
Related News
Pune Nasrapur Case : 82 साक्षीदार, हृदयद्रावक साक्षी आणि धक्कादायक CCTV पुरावे; न्यायालयात भावनांचा उद्रेक
बुलढाणा जिल्ह्यातअजब प्रकरण; ‘मृत’ घोषित केलेली तरुणी 20 दिवसांनी प्रियकरासोबत हजर
पुणे पोर्शे कांडात नवा ट्विस्ट! जेलमधून बाहेर पडताच विशाल अग्रवाल कुटुंबाची 5 स्टार जंगी पार्टी
हारांच्या पिशवीतून बाहेर जात होती रोकड, पोलिसांच्या तपासात 3.75 लाख जप्त
भररस्त्यातील अपमानानंतर 24 वर्षीय हुशार तरुणाची धक्कादायक आत्महत्या
4 दिवसांत 200 व्यवहार, 52 कोटींची रोकड आणि विदेशात पलायनाचा कट!अशोक खरातच्या अडचणी वाढल्या
NEET Paper Leak 2026 : CBIचा मोठा स्फोटक खुलासा! अहिल्यानगरातून आणखी 1 संशयित ताब्यात
“धक्कादायक प्रकार! पंतप्रधानांविरोधात आक्षेपार्ह पोस्ट; उमरखेड पोलिसांत 1 गंभीर तक्रार दाखल
नाशिक आयटी कंपनी प्रकरण: वेषांतर, लैंगिक अत्याचार आणि धर्मांतराच्या आरोपांनी खळबळ; पोलिसांचा मोठा खुलासा
ठगबाजांचा आत्मविश्वास इतका दांडगा होता की त्यांनी थेट सत्ताधारी पक्षाच्या कार्यालयांनाच आपले केंद्र बनवले. २२ मे रोजी गणेश राठोड याने भुतडा यांच्याशी फोनवर सविस्तर चर्चा करून व्यवहाराची अंतिम बोलणी केली. त्यानंतर दुसऱ्याच दिवशी, म्हणजेच २३ मे रोजी विश्वजित राठोड हा थेट भाजपच्या अधिकृत कार्यालयात भुतडा यांना भेटायला पोहोचला. सत्ताधारी पक्षाच्या कार्यालयात बसूनच शासकीय पदांचा लिलाव मांडण्याचा हा धाडसी प्रयत्न पाहून भुतडा यांना संशय आला. केंद्रात पारदर्शक कारभार सुरू असताना, अशा प्रकारे कोट्यवधी रुपयांची मागणी करणारे हे नक्कीच कुणीतरी मोठे ठग आहेत, याची खात्री भुतडा यांना पटली. त्यांनी पोलिसांना न कळवता आधी स्वतःच्या पातळीवर या ठगांना रंगेहाथ पकडण्याचा प्लॅन आखला.
३० मे रोजी सकाळी ११ वाजता विश्वजित राठोड आणि लौकिक फुलकर हे दोघे पुढील व्यवहारासाठी माजी आमदार मदन येरावार यांच्या संपर्क कार्यालयात पोहोचले. मात्र, भुतडा यांनी आधीच या कार्यालयात गुप्त कॅमेरे लावून ठेवले होते, जेणेकरून या संपूर्ण फसवणुकीचे थेट चित्रीकरण कोर्टात पुरावा म्हणून सादर करता येईल.
भामट्यांनी ५ टक्के टोकन रकमेची मागणी केली. भुतडा यांनीही अत्यंत हुशारीने एक बॅग तयार केली. या बॅगमध्ये खाली संपूर्ण रद्दी कागद भरले होते आणि ठगबाजांना संशय येऊ नये म्हणून वरच्या भागात ५०० रुपयांच्या नोटांचे एकूण ५० हजार रुपये रचून ठेवले होते. आरोपींनी पैशांची बॅग उघडून वर-वर पाहिली आणि ५० हजारांच्या नोटा बघून त्यांचा डोळा दिपला. त्यांनी ती बॅग तात्काळ ताब्यात घेतली आणि काम फत्ते झाल्याच्या अविर्भावात कार्यालयातून बाहेर पडले.
आरोपींनी बॅग ताब्यात घेऊन पळ काढताच, दबा धरून बसलेल्या अवधूतवाडी पोलिसांनी आणि भुतडा यांच्या सहकाऱ्यांनी तिन्ही आरोपींना वेढा घालून जागीच अटक केली. त्यांच्या ताब्यातील ती रद्दीची आणि ५० हजारांची बॅग जप्त करण्यात आली आहे.पोलिसांनी दिलेल्या माहितीनुसार, या प्रकरणाचे धागेदोरे थेट दिल्लीपर्यंत असण्याची शक्यता नाकारता येत नाही. हे आरोपी केवळ स्थानिक पातळीवरच कार्यरत होते की यांच्यामागे एखादी मोठी आंतरराज्यीय टोळी सक्रिय आहे, ज्यांचा सुशिक्षित आणि राजकीय नेत्यांना फसवण्याचा धंदा आहे, याचा तपास आता पोलीस करत आहेत.
read also : https://ajinkyabharat.com/which-is-the-most-profitable-data-war-of-rs-349-in-jio-airtel-vi/
