महान परिसर हादरवणारी धक्कादायक घटना! एकाच झाडावर 2 व्यक्तींची गळफास घेऊन आत्महत्या
अकोला जिल्ह्यातील महान-पातूर मार्गावर घडलेल्या एका धक्कादायक घटनेने संपूर्ण परिसर हादरून गेला आहे. प्रादेशिक वन विभागाच्या C-67 जंगल परिसरात एकाच झाडाला दोन व्यक्तींनी गळफास घेत आत्महत्या केल्याची घटना मंगळवारी सकाळी उघडकीस आली. या घटनेमुळे महान परिसरात भीती आणि खळबळ निर्माण झाली असून पोलिसांनी तपासाला वेग दिला आहे.
मिळालेल्या माहितीनुसार, मृतकांमध्ये कानडी (घोटा) येथील किशोर बळीराम सोनटक्के (वय 40) आणि मंगरूळपीर तालुक्यातील वरूड बु. येथील किशोर मारुती बोडखे (वय 55) यांचा समावेश आहे. दोघेही मित्र असल्याची माहिती समोर आली आहे.
रविवारी घरातून निघाले, सोमवारी बेपत्ता
किशोर बळीराम सोनटक्के हा 10 मे रोजी अमरावतीला जात असल्याचे सांगून दुचाकीने घरातून बाहेर पडला होता. त्यानंतर तो महान येथे आला. त्याच्यासोबत त्याचा मित्र किशोर मारुती बोडखे हाही महानमध्ये आल्याची माहिती आहे.रविवारी रात्री सोनटक्के यांनी आपल्या कुटुंबीयांना फोन करून एक धक्कादायक माहिती दिली.
Related News
Heat Alert Maharashtra : पुढचे 3 दिवस धोकादायक! ‘या’ 12 जिल्ह्यांना उष्णतेच्या लाटेचा गंभीर इशारा
Kalyan Crime News 2026: 78 वर्षीय भोंदूबाबाने पूजेच्या नावाखाली 15 वर्षीय मुलीवर अत्याचार; कल्याणमध्ये खळबळ
सोने खरेदीचा बहाणा, हातात बंदूक अन् ७० लाखांचा दरोडा
4 दिवसांचा मानसिक छळ! SSC Result 2026 मध्ये मोठा गोंधळ; शेकडो विद्यार्थी तणावाखाली, बोर्डाकडे उत्तरच नाही
57 तोळे सोन्याची धक्कादायक लूट; मित्रच निघाला मास्टरमाइंड
Ahmedabad Family Kidnap Case: 1 कोटींच्या डंकी रूट डीलनंतर भारतीय कुटुंबाचं अपहरण, ‘बाबा खान’च्या धमकीने खळबळ
पत्नीचा भयानक कट उघड, झोपेत नवऱ्याला मारण्याचा प्रयत्न
मोठी बातमी! भोंदू खरात प्रकरणात रोहित पवारांचा सर्वात मोठा गौप्यस्फोट; “पैसे घेऊन अनेकांना बाहेर काढलं जातंय”
धक्कादायक! अशोक खरात प्रकरणी रुपाली चाकणकरांची 2 तास कसून चौकशी; शिवनिका ट्रस्टबाबत मोठे खुलासे शक्य
त्यांनी सांगितले की, “माझी दुचाकी महान येथील महावीर हॉटेलसमोर उभी आहे आणि तिची चावी तिथेच ठेवली आहे. आम्ही दोघे आत्महत्या करीत आहोत.”हा फोन आल्यानंतर कुटुंबीयांमध्ये एकच खळबळ उडाली. मृतकाचे काका गणेश सोनटक्के यांनी तातडीने पिंजर पोलीस ठाण्यात बेपत्ता असल्याची तक्रार दाखल केली.
दोन दिवस शोध सुरू, अखेर जंगलात लागला शोध
सोमवारपासून नातेवाईक आणि गावकऱ्यांनी महान परिसरातील जंगल, धरण परिसर आणि पर्यटनस्थळांमध्ये मोठ्या प्रमाणावर शोधमोहीम सुरू केली होती. मात्र, सुरुवातीला दोघांचाही काहीच ठावठिकाणा लागला नव्हता.मंगळवारी सकाळी पुन्हा शोधमोहीम सुरू असताना जलशुद्धीकरण केंद्राच्या वसाहतीजवळील प्रादेशिक वन विभाग C-67 च्या वनतळे परिसरात एका निंबाच्या झाडाला दोघांचे मृतदेह गळफास घेतलेल्या अवस्थेत आढळून आले.
दोन्ही मृतदेह पिवळ्या रंगाच्या दोरीच्या सहाय्याने झाडाला लटकलेल्या अवस्थेत होते. घटना दोन दिवसांपूर्वीची असल्याचा अंदाज व्यक्त करण्यात येत असून मृतदेहांमधून दुर्गंध येत होता. तसेच नाका आणि तोंडातून रक्तस्राव होत असल्याचेही सांगण्यात आले.
WhatsApp चिठ्ठीमुळे वाढले गूढ
या प्रकरणात आणखी एक धक्कादायक बाब समोर आली आहे. मृतक किशोर सोनटक्के यांनी आत्महत्येपूर्वी घरच्या मोबाईलवर WhatsApp द्वारे एक चिठ्ठी पाठवली होती. या चिठ्ठीत काही व्यक्तींची नावे लिहिलेली असून ते आपल्याला ब्लॅकमेल करत असल्याचा उल्लेख करण्यात आला आहे.
मृतकाचे काका गणेश सोनटक्के यांनी ही माहिती दिली असून त्यामुळे या आत्महत्येमागे मानसिक त्रास, दबाव किंवा ब्लॅकमेलिंगचा कोन असल्याची चर्चा सुरू झाली आहे. पोलिसांनी या WhatsApp संदेशाची गंभीर दखल घेत तपास सुरू केला आहे.
पोलिस आणि बचाव पथक घटनास्थळी दाखल
घटनेची माहिती मिळताच बार्शिटाकळी पोलीस स्टेशनचे ठाणेदार प्रवीण धुमाळ, पिंजर पोलीस स्टेशनचे ठाणेदार गंगाधर दराडे, पीएसआय नवघरे, कर्मचारी ईश्वर पातोंड, देशमुख, महान चौकीचे प्रभारी बाळू येवले तसेच एलसीबी पथक घटनास्थळी दाखल झाले.दोन्ही मृतदेहांचा पंचनामा करण्यात आला. त्यानंतर शवविच्छेदनासाठी मृतदेह जिल्हा सामान्य रुग्णालयात पाठविण्यात आले.दरम्यान, झाडावरून मृतदेह खाली उतरवण्यासाठी पिंजर येथील संत गाडगे बाबा बचाव पथकाच्या सदस्यांनी महत्त्वाचे सहकार्य केले.
पोलिस तपास सुरू
या प्रकरणी बार्शिटाकळी पोलीस ठाण्यात मर्ग दाखल करण्यात आला असून पुढील तपास पीएसआय वानखडे आणि त्यांचे सहकारी सिद्दिकी हे ठाणेदार प्रवीण धुमाळ यांच्या मार्गदर्शनाखाली करीत आहेत.WhatsApp वर पाठविण्यात आलेल्या संदेशातील व्यक्तींची चौकशी, कॉल रेकॉर्ड, मोबाईल डेटा आणि इतर तांत्रिक पुराव्यांच्या आधारे तपास सुरू असल्याची माहिती पोलिसांकडून देण्यात आली आहे.
परिसरात शोककळा
या दुहेरी आत्महत्येमुळे महान, कानडी (घोटा) आणि वरूड परिसरात हळहळ व्यक्त केली जात आहे. एकाच झाडावर दोन मित्रांनी आत्महत्या केल्याच्या घटनेने संपूर्ण परिसर सुन्न झाला असून अनेक प्रश्न अनुत्तरित राहिले आहेत.पोलिस तपासातून या घटनेमागचे खरे कारण समोर येण्याची अपेक्षा व्यक्त केली जात आहे.
