भुवनेश्वर : ओडिशातील लोकसभेच्या चौथ्या टप्प्यात मतदान होणाऱ्या चार जागांसाठी १३ मे रोजी होणाऱ्या निवडणूक रिंगणातील ३७ पैकी १७ उमेदवार कोट्यधीश आहेत, असे असोसिएशन फॉर डेमोक्रॅटिक रिफॉर्म्स (एडीआर)च्या अहवालात नमूद करण्यात आले आहे. नबरंगपूर, बेरहामपूर, कोरापुट आणि कालाहंडी लोकसभा मतदारसंघांसाठी रिंगणात एकूण ३७ उमेदवार असून, त्यापैकी १७ (४६ टक्के) उमेदवारांनी एक कोटी रुपयांपेक्षा अधिक संपत्ती असल्याचे जाहीर केले आहे, असे ‘एडीआर’च्या अहवालात म्हटले आहे.
सर्वात श्रीमंत उमेदवार
कालाहंडी मतदारसंघातील भाजप उमेदवार मालविका देवी यांची ४१.८९ कोटींची संपत्ती असून, त्या सर्वात श्रीमंत उमेदवार आहेत. बेरहामपूर मतदारसंघातील अपक्ष उमेदवार व्ही. चंद्रशेखर यांची २८.७० कोटी आणि भारतीय विकास परिषदेचे बेरहामपूरचे उमेदवार राजेंद्र दलाबेहरा यांची १०.३० कोटींची संपत्ती आहे.
Related News
अजित पवार यांच्या शेवटच्या सभेतील उमेदवार विजयी ; राष्ट्रवादीला खेड तालुक्यात मोठं यश
नैऋत्य दिशेचा ‘दुर्भाग्याचा’ दरवाजा; शिंदे गटाने कार्यालय नाकारले
अजित पवार यांच्या निधनानंतर राष्ट्रवादीत 7 जबरदस्त राजकीय घडामोडी
2026 सुनेत्रा पवार उपमुख्यमंत्री: अजित पवारांच्या अकाली निधनानंतर धैर्याने घेतली शपथ
Economic Survey 2026 आज संसदेत सादर, देशाच्या अर्थव्यवस्थेचा संपूर्ण अहवाल समोर येणार
2026: सहर शेखच्या ‘हिरवा मुंब्रा’ विधानावर जितेंद्र आव्हाडांची पहिली थेट प्रतिक्रिया
2026: बारामतीत अपघात; अजित पवार यांच्या योगदानाची आठवण कायम राहील
शिंदे गटाशी युती नाहीच; भाजपवर जहरी टीका करत संजय राऊतांचा ठाम इन्कार
Chhatrapati संभाजीनगर महापौरपदासाठी भाजपमध्ये जोरदार स्पर्धा, 12 दावेदारांची यादी चर्चेत
KDMC Election 2026: मनसेचा शिंदे गटाला ऐतिहासिक पाठिंबा, भाजपची सत्ता स्थापन योजना अडचणीत
अकोट नगरपालिका मध्ये सभापती पदाची निवड
सर्वात गरीब उमेदवार
कोरापुट येथील एसयूसीआय (सी) पक्षाच्या उमेदवार प्रमिला पुजारी या सर्वात गरीब उमेदवार आहेत. त्यांच्याकडे केवळ २० हजार ६२५ रुपयांची संपत्ती आहे. बेरहामपूर येथील भाजप उमेदवार प्रदीप कुमार पाणिग्रही यांच्याकडे सर्वाधिक ३.८२ कोटींची संपत्ती आहे.
उमेदवारांपैकी दहा म्हणजे २७ टक्के जणांचे वय २५ ते ४० वर्षादरम्यान
– २३ जण म्हणजे ६२ टक्के उमेदवार ४१ ते ६० वयोगटातील
– चार जणांचे (११ टक्के) वय ६१ ते ७० वर्षादरम्यान
– सात (१९ टक्के) उमेदवारांचे त्यांच्याविरुद्ध फौजदारी खटले प्रलंबित
– उमेदवारांपैकी १४ म्हणजे ३८ टक्के जणांची शैक्षणिक पात्रता पाचवी ते बारावी उत्तीर्ण
– २२ म्हणजे ५९ टक्के उमेदवार पदवीधर, तर एका उमेदवाराने स्वतःला केवळ साक्षर असल्याचे जाहीर
– चौथ्या टप्प्यातील एकूण ३७ पैकी सात उमेदवार महिला
