भारतीय वंशाचे उद्योगपती पंकज ओसवाल यांची 26 वर्षांची मुलगी वसुंधरा ओसवाल मागील काही दिवसांपासून चांगल्याच चर्चेत आहे. वसुंधरा ओसवाल हिला युगांडा पोलिसांनी अटक केली असुन ती सध्या युगांडाच्या तुरुंगात बंदिस्त आहे. मुलीच्या अटकेनंतर पंकज यांनी युगांडाच्या राष्ट्रपतींना पत्र लिहिलं, संयुक्त राष्ट्राकडेही यांनी मुलीच्या सुटकेची विनंती केली मात्र अद्यापही वसुंधराची तुरुंगातून सुटका करण्यात आलेली नाही.
वसुंधरा ओसवाल ही प्रसिद्ध बिसनेसमॅन पंकज आणि राधिका ओसवाल यांची मुलगी आहे. वसुंधरा वडिलांच्या कंपनीत काम करत असून ती कंपनीचा युगांडातील संपूर्ण कारभार पाहतेमाहितीनुसार, 1 ऑक्टोबर रोजी वसुंधरा युगांडाच्या एक्स्ट्रा न्यूट्रल अल्कहोल प्लांटच्या दौऱ्यावर होती. त्यावेळी काही शस्त्रधारी लोकांनी तिला अटक केली. पंकज ओसवाल यांच्या दाव्यानुसार, हे शस्त्रधारी स्वतःचा पोलीस अधिकारी सांगतात मात्र यावेळी त्यांच्याकडे अटकेचं कोणतंही वॉरंट नव्हतं
Related News
एक्सची भारतात मोठी कारवाई; 1.9 लाखांहून अधिक खात्यांवर घातली बंदी
वसुंधरा यांना भेटण्याची कुटुंबियांना परवानगी नाही. वसुंधराच्या अटकेनंतर तिचा फोटो सोशल मीडियावर व्हायरल झाला. युगांडाच्या तुरुंगात वसुंधराला टॉर्चर केले जात असल्याचा आरोप पंकज ओसवाल यांनी केला आहे. 90 तासाहून अधिक काळ वसुंधरा हिला एका कोंदट खोलीत ठेवण्यात आलं. तिथे तिला खाण्या-पिण्यास दिले जात नाही. तसेच बाथरूमची अवस्थाही अतिशय घाण आहे. वसुंधराला खोट्या आरोपाखाली अटक केल्याचा दावा पंकज यांच्याकडून करण्यात आला आहे
ओसवाल यांच्या युगांडातील घरातून एका कर्मचाऱ्याने किमती सामानाची चोरी केली. त्याने ओसवाल कुटुंबाच्या नावावर 2,00,000 डॉलर्सचे कर्जदेखील घेतले होते. हे प्रकार उघडकीस आल्यावर या कर्मचाऱ्याने वसुंधरावर खोटे आरोप लावले असे पंकज ओसवाल यांनी सांगितले.
