मुंबई : सध्या बॉक्स ऑफिसवर धुमाकूळ घालणाऱ्या धुरंधर २ : द रिव्हेंज या चित्रपटाची सर्वत्र चर्चा रंगली आहे. दिग्दर्शक आदित्य धर यांचा हा स्पाय ॲक्शन सिक्वेल प्रेक्षकांच्या अपेक्षांवर खरा उतरत असल्याचं दिसत आहे. विशेषतः चित्रपटातील ‘बडे साहब’ या रहस्यमय पात्राबद्दल प्रेक्षकांमध्ये प्रचंड उत्सुकता होती आणि अखेर ती उकल झाली आहे.
‘धुरंधर’च्या पहिल्या भागात ‘बडे साहब’ या नावाचा फक्त उल्लेख करण्यात आला होता. मात्र त्यांची ओळख स्पष्ट करण्यात आली नव्हती. आता ‘धुरंधर २’मध्ये या पात्राचा मोठा खुलासा करण्यात आला असून ‘बडे साहब’ म्हणजे दुसरा कोणी नसून भारताचा मोस्ट वॉन्टेड अंडरवर्ल्ड डॉन दाऊद इब्राहिम असल्याचं दाखवण्यात आलं आहे. त्यामुळे चित्रपटाला एक वेगळंच थरारक वळण मिळालं आहे.
‘बडे साहब’ची भूमिका कोणी साकारली?
या चर्चेचा केंद्रबिंदू ठरलेला प्रश्न म्हणजे ‘बडे साहब’ची भूमिका कोण साकारतो? तर ‘धुरंधर २’मध्ये ही महत्त्वपूर्ण आणि प्रभावी भूमिका अभिनेता दानिश इक्बाल यांनी साकारली आहे. तब्बल ३ तास ४९ मिनिटांच्या या भव्य चित्रपटात दानिश इक्बाल यांनी दाऊद इब्राहिमच्या व्यक्तिरेखेला एक वेगळीच उंची दिली आहे.
Related News
अरिजीत सिंगच्या ‘फिर से’ गाण्याने धुरंधर 2 मध्ये चाहत्यांना भावूक केलं
कोकण हार्टेड गर्ल अंकिता वालावलकरची गुढीपाडव्याला मोठी गुडन्यूज! पनवेलमध्ये नव्या घराची स्वप्नपूर्ती
लिटील चॅम्प्स फेम गायिका शरयू दाते अडकणार विवाहबंधनात; केनियात गुडघ्यावर बसून प्रपोज करत विभास वाटवेने दिला सरप्राईज
1300 मुलींना मागे टाकत Sara Arjunची ‘धुरंधर’मध्ये दमदार एन्ट्री; कास्टिंग डायरेक्टरने सांगितला निवडीमागचा किस्सा
गुढीपाडव्याच्या मुहूर्तावर ‘महाराष्ट्राची हास्यजत्रा’ फेम अंशुमन विचारेची स्वप्नपूर्ती, नवीन घराची खरेदी
ना चंदनाचा टिळा, ना भगवी वस्त्र ! Mamta Kulkarni पुन्हा ग्लॅमरस अवतारात; सोशल मीडियावर ट्रोलिंगचा भडिमार
धक्कादायक कथा, जबरदस्त प्रतिसाद; ‘The Kerala Story 2’ची चर्चा रंगात
‘धुरंधर 2’ इतिहास रचणार; ‘शोले’ आणि ‘मुगल-ए-आजम’चा रेकॉर्ड मोडणार
11 वर्षांनी Lalit Prabhakar ची Zee Marathiवर घरवापसी! ‘तारिणी’च्या लग्नात एंट्रीने उडणार धुरळा
नव्या टॅलेंटसाठी Deepika Padukone ची खास पहल; ‘Create With Me – Onset Program’ बद्दल दिला मोठा अपडेट
“Mahanagar Gas Fraud Call चा पर्दाफाश! 1 व्हिडिओमध्ये सिद्धार्थ चांदेकरने स्कॅमरला लावलं गाणं – इंटरनेटवर जबरदस्त चर्चा”
त्यांच्या अभिनयामुळे ‘बडे साहब’ हे पात्र अधिक भेदक, प्रभावी आणि वास्तववादी वाटत असल्याचं प्रेक्षकांकडून म्हटलं जात आहे. त्यांच्या डायलॉग डिलिव्हरीपासून ते स्क्रीन प्रेझेन्सपर्यंत सर्वच बाबतीत त्यांनी प्रेक्षकांची मनं जिंकली आहेत.
चित्रपटाची जोरदार कमाई
रणवीर सिंग याच्या दमदार अभिनयामुळे ‘धुरंधर २’ला प्रेक्षकांकडून उत्तम प्रतिसाद मिळत आहे. चित्रपटाने रिलीजपूर्वीच मोठा विक्रम केला आहे. १८ मार्च रोजी देशभरात झालेल्या १२,२९२ प्रीमियर शोमधून या चित्रपटाने तब्बल ४३ कोटी रुपयांची कमाई केली. १९ मार्च रोजी गुढीपाडव्याच्या मुहूर्तावर चित्रपट अधिकृतपणे प्रदर्शित झाला आणि त्यानंतरही बॉक्स ऑफिसवर त्याची घोडदौड सुरू आहे.
कथानकातील महत्त्वाची उकल
पहिल्या भागात ‘हमजा अली माजारी’च्या डायरीत ‘बडे साहब’चा उल्लेख होता. तसेच संजय दत्त यांच्या एन्ट्री सीनमध्येही या नावाचा संदर्भ देण्यात आला होता. मात्र या पात्राची खरी ओळख प्रेक्षकांपासून लपवून ठेवण्यात आली होती.
सिक्वेलमध्ये अर्जुन रामपाल याचं ‘मेजर इक्बाल’ हे पात्र स्पष्टपणे सांगतं की, ‘बडे साहब आपल्यासारख्यांचेही बाप आहेत’, आणि याच संवादातून या पात्राचं महत्त्व अधोरेखित होतं. शेवटी ‘बडे साहब’ म्हणजेच दाऊद इब्राहिम असल्याचं स्पष्ट होतं आणि कथा एका वेगळ्याच उंचीवर पोहोचते.
कोण आहे दानिश इक्बाल?
दानिश इक्बाल हे केवळ अभिनेतेच नाहीत, तर एक उत्तम अभिनय प्रशिक्षक आणि रंगभूमी कलाकार देखील आहेत. ते नॅशनल स्कूल ऑफ ड्रामा (NSD) चे पदवीधर आहेत. त्यांनी अनेक नाटकांचे दिग्दर्शन केले असून रंगभूमीवरही आपली छाप सोडली आहे.
ओटीटी प्लॅटफॉर्मवरही त्यांनी उल्लेखनीय कामगिरी केली आहे. हुमा कुरेशी अभिनित महारानी २ या वेब सीरिजमध्ये त्यांनी ‘दिलशाद मिर्झा’ ही भूमिका साकारली होती. त्याचप्रमाणे नाना पाटेकर यांच्या ‘संकल्प’ या ओटीटी प्रोजेक्टमध्येही ते झळकले आहेत.
प्रेक्षकांकडून सकारात्मक प्रतिसाद
‘धुरंधर २’मध्ये ‘बडे साहब’ची एंट्री हा चित्रपटातील सर्वात मोठा हायलाइट ठरत आहे. सोशल मीडियावर दानिश इक्बाल यांच्या अभिनयाचं कौतुक केलं जात असून अनेकांनी त्यांच्या भूमिकेला ‘पॉवरफुल’ आणि ‘रिअलिस्टिक’ असं म्हटलं आहे.
चित्रपटातील थरार, ॲक्शन आणि सस्पेन्ससोबतच ‘बडे साहब’च्या भूमिकेमुळे कथेला एक वेगळंच वजन मिळालं आहे. त्यामुळे हा चित्रपट प्रेक्षकांसाठी एक पूर्ण मनोरंजन पॅकेज ठरत आहे.
