डोणगाव : डोणगावपासून जवळ असलेल्या ग्राम विठ्ठलवाडी शिवारात किरकोळ कारणावरून झालेल्या वादातून ७७ वर्षीय वृद्धाचा खून झाल्याची धक्कादायक घटना १४ डिसेंबर रोजी सायंकाळी सुमारे ६.३० वाजताच्या सुमारास घडली. या प्रकरणात डोणगाव पोलिसांनी अतिशय जलद कारवाई करत अवघ्या एका तासात आरोपीचा शोध घेऊन त्याला अटक केली आहे.
पोलीस सूत्रांकडून मिळालेल्या माहितीनुसार, मखराम चतरु राठोड (वय ७७, रा. विठ्ठलवाडी) हे धरणाच्या ओढ्यालगत असलेल्या त्यांच्या शेतात गेले होते. बराच वेळ झाल्यानंतर ते परत न आल्याने त्यांचा नातू शेतात पाहण्यासाठी गेला. त्यावेळी मखराम राठोड हे जमिनीवर पडलेल्या अवस्थेत दिसून आले. ही बाब तात्काळ डोणगाव पोलीस ठाण्याला कळविण्यात आली.
माहिती मिळताच डोणगाव पोलीस ठाण्याचे ठाणेदार अमरनाथ नागरे, पी.एस.आय. पवार, पोलीस कॉन्स्टेबल पवन गाभणे व चालक चव्हाण यांनी तात्काळ घटनास्थळी धाव घेतली. पाहणीदरम्यान मखराम राठोड यांच्या डोक्यावर गंभीर मार लागल्याचे आढळून आल्याने हा अपघात नसून घातपात असल्याचा संशय पोलिसांना आला.
Related News
युद्ध न करताच पाकिस्तान बेहाल; गॅस सिलिंडरचे दर 5 हजारांपार!
LPG सिलिंडर महाग, तुटवडा वाढला; पण डिलिव्हरी बॉयला मिळतात फक्त 20–25 रुपये!
जपानमध्ये चीनच्या दूतावासावर हल्ला; जागतिक तणावात नवी भडक!
2000 कोटींचा महाघोटाळा! आयआरएस अधिकारी सचिन मोटे अडचणीत—भाजप नेत्याचा धडाकेबाज आरोप
अणुयुद्धाचा गंभीर धोका! तज्ज्ञांचा इशारा – सर्वाधिक विनाश कोणत्या देशात होणार?
अक्षत प्रताप सिंह वडिल हत्या प्रकरण: 21 वर्षीय मुलाने केली घृणास्पद हत्या – संपूर्ण तपशील
Bigg Boss Marathi 6 : घरात बेशिस्तीचा कळस, बिग बॉसचा मोठा निर्णय
माजी हुकूमशहाचा मुलगा सैफ अल-इस्लाम गद्दाफी ठार? लिबियात खळबळ
Badlapur हादरलं! शाळेच्या व्हॅनमध्ये 4 वर्षांच्या चिमुकलीवर अत्याचाराचा प्रयत्न, चालक अटकेत
Nashik मध्ये भाजपच्या पराभूत उमेदवाराच्या घरावर आग लावण्याचा प्रयत्न 2026
Nagpur मध्ये 8 वर्षीय धनश्रीचा अमानुष खून; वडिलांवर ताबडतोब कारवाई
यानंतर ठाणेदार अमरनाथ नागरे यांच्या मार्गदर्शनाखाली परिसरात शोधमोहीम राबविण्यात आली. यावेळी शेजारील शेतात राखणदार म्हणून काम करणारा देविदास चंद्रभान जामकर (वय ५५, रा. सोनोना, ता. पातूर, जि. अकोला) हा शेतात आढळून न आल्याने पोलिसांचा संशय अधिक बळावला. पुढील तपासादरम्यान पोलिसांनी परिसरातील शेतांमध्ये झडती घेतली असता आरोपी देविदास जामकर हा एका शेतात झुडपाआड लपून बसलेला आढळून आला.
त्याला ताब्यात घेऊन पोलीस ठाण्यात आणल्यानंतर कसून चौकशी करण्यात आली. चौकशीत आरोपीने शेतात किरकोळ कारणावरून वाद झाला असून त्या वादाचे रूपांतर हाणामारीत झाले. यावेळी रागाच्या भरात आपण काठीने मखराम राठोड यांच्या डोक्यावर वार केल्याचे त्याने कबूल केले. त्या मारामुळे मखराम राठोड यांचा जागीच मृत्यू झाल्याची कबुली आरोपीने दिली.
डोणगाव पोलिसांनी संशयाच्या आधारावर तात्काळ कारवाई करत अवघ्या एका तासात आरोपीला ताब्यात घेऊन अटक केली. ही घटना १५ डिसेंबर रोजी रात्रभर केलेल्या तपासातून उघडकीस आणण्यात पोलिसांना यश आले. या प्रकरणाचा पुढील तपास ठाणेदार अमरनाथ नागरे यांच्या मार्गदर्शनाखाली सुरू आहे.
या घटनेमुळे विठ्ठलवाडी परिसरात भीतीचे वातावरण निर्माण झाले असून किरकोळ वादातून टोकाची पावले उचलली जात असल्याबद्दल ग्रामस्थांतून हळहळ व्यक्त होत आहे.
read also : https://ajinkyabharat.com/due-to-non-attendance-of-gram-sevak-in-raipur-gram-panchayat-work-stopped/
