मुंबई – शहरातील शिवसेना भवन परिसरात एक धक्कादायक घटना समोर आली आहे. एका ट्रकचालकाने ट्रॅफिक पोलिस विश्वास बंडघर यांच्यावर थेट ट्रक घालण्याचा प्रयत्न केला, मात्र पोलिस बालंबाल वाचले. या प्रकाराचा व्हिडीओ समोर आल्याने लोकांमध्ये संताप व्यक्त केला जात आहे.माहितीनुसार, ट्रकचालकाला टिळक ब्रिजवरील मोठ्या वाहतूककोंडीमुळे दुसऱ्या मार्गाने जाण्यास सांगितले होते. मात्र ट्रकचालकाने पोलिसांच्या सूचना ऐकण्याचे टाळले आणि ट्रॅफिक पोलिसाच्या अंगावरून थेट ट्रक घालण्याचा प्रयत्न केला. हा प्रकार अवघ्या काही सेकंदांत घडला, पण पोलिसांना कोणतीही इजा झाली नाही.व्हिडीओमध्ये ट्रकचालक पोलिसांच्या सूचना दुर्लक्ष करत ट्रकसोबत पळ काढण्याचा प्रयत्न करताना दिसतो. पोलिसांनी त्याला ताब्यात घेतले असून, सध्या त्याची चौकशी केली जात आहे. लोक या प्रकारामुळे ट्रकचालकावर कठोर कारवाईची मागणी करत आहेत.हा प्रकार ट्रॅफिक नियमांचे पालन न करणाऱ्या वाहनचालकांच्या धोकादायक स्वभावाची जाणीव करून देणारा ठरला आहे.
READ ALSO : https://ajinkyabharat.com/ayush-komkarchaya-mritupurvi-tarak-incident/
