अमेरिकेत घडलेल्या एका धक्कादायक आणि संतापजनक घटनेने सध्या सोशल मीडियासह आंतरराष्ट्रीय माध्यमांमध्ये मोठी खळबळ उडवली आहे. नॉर्थ वाइल्डवुड बोर्डवॉक येथे जुलै २०२४ मध्ये घडलेल्या या घटनेत एका पित्याने आपल्या मुलीचा खाऊ हिसकावण्याचा प्रयत्न करणाऱ्या सीगल (समुद्री पक्षी) पक्ष्याचं शिर धडावेगळं केलं. या प्रकरणात न्यायालयाने संबंधित व्यक्तीला तुरुंगवासाची शिक्षा सुनावली आहे.
मिळालेल्या माहितीनुसार, फ्रँकलिन झिग्लर (वय ३०) या व्यक्तीने ६ जुलै २०२४ रोजी ही कृत्य केली. ही घटना सर्फसाइड पियर परिसरात घडली. प्रत्यक्षदर्शींनी दिलेल्या माहितीनुसार, झिग्लर आपल्या मुलीसोबत फिरत असताना एका सीगल पक्ष्याने तिच्या हातातील फ्रेंच फ्राईज हिसकावण्याचा प्रयत्न केला. यामुळे संतापलेल्या झिग्लरने क्षणाचाही विचार न करता त्या पक्ष्याचं शिर धडावेगळं केलं.
घटनेनंतर झिग्लर मृत पक्षी हातात घेऊन जवळील कर्मचाऱ्यांकडे गेला आणि कचऱ्याची पिशवी मागितल्याचंही समोर आलं आहे. या संपूर्ण प्रकाराने उपस्थित लोकांमध्ये भीती आणि संताप निर्माण झाला. अनेकांनी ही घटना मोबाईलमध्ये कैद केली आणि त्यानंतर हा व्हिडिओ सोशल मीडियावर व्हायरल झाला.
Related News
अमेरिका-इराण युद्ध थांबणार? Donald Trump यांचे मोठे संकेत, एका तासात बदलले भूमिका
“अजितदादांवर काळी जादू?” अशोक खरात प्रकरणात राष्ट्रवादी नेत्याचा स्फोटक दावा
इराणवर दुहेरी आघात; F-35 पाडल्यानंतर काही तासांत दोन टॉप कमांडर ठार
इस्त्रायल-अमेरिकेच्या हल्ल्यात IRGC अधिकाऱ्याचा मृत्यू; ‘चौंकावणारे हल्ले’ इशारा ठरला चर्चेत
विवादात सापडले ‘KD: The Devil’चे गाणे; हिंदी व्हर्जन गायब , CBFC कडे तक्रार दाखल
Oscars 2026 मध्ये धर्मेंद्र यांना श्रद्धांजलीत स्थान नाही; ईशा देओल म्हणाल्या – “पप्पांना फरक पडत नाही”
‘अवतार’सारखा निळा झाला माणूस! सकाळी उठताच शरीराचा रंग बदलला; हॉस्पिटलमध्ये समोर आलं धक्कादायक कारण
डोनाल्ड ट्रम्प यांची थेट घोषणा : इराण-अमेरिका युद्ध जवळपास संपले
सारा अर्जुनच्या नावाचा खोटा पोस्ट व्हायरल; राज अर्जुन म्हणतात – मुलगी कधीच असं म्हणणार नाही
या घटनेनंतर पोलिसांनी झिग्लरला तात्काळ अटक केली आणि त्याच्यावर “तिसऱ्या श्रेणीतील प्राणी क्रूरता” (Animal Cruelty) अंतर्गत गुन्हा दाखल करण्यात आला. पुढे २४ जून २०२५ रोजी ग्रँड ज्युरीसमोर त्याच्यावर आरोप निश्चित करण्यात आले. न्यायालयीन प्रक्रियेदरम्यान झिग्लरने आपला गुन्हा कबूल केला.
हे प्रकरण केप मे काउंटी वरिष्ठ न्यायालय येथे चालले. न्यायालयाने झिग्लरला एकूण २६३ दिवसांच्या कारावासाची शिक्षा सुनावली. मात्र, त्याने आधीच तुरुंगात घालवलेल्या कालावधीचा विचार करून त्याला काही प्रमाणात सवलत देण्यात आली. त्यामुळे त्याची सुटका केप मे काउंटी तुरुंग येथून फेब्रुवारी २०२६ मध्ये करण्यात आली.तुरुंगवासाव्यतिरिक्त, झिग्लरला २५० डॉलर्सचा दंड ठोठावण्यात आला असून त्याला ‘रिकव्हरी कोर्ट प्रोग्राम’मध्ये सहभागी होण्याचे आदेश देण्यात आले आहेत. न्यायालयाच्या या निर्णयावर विविध स्तरांतून प्रतिक्रिया उमटत आहेत.
दरम्यान, प्राणी हक्क संघटनांनी या शिक्षेबाबत तीव्र नाराजी व्यक्त केली आहे. In Defense of Animals या संस्थेच्या ‘जस्टिस’ विभागातील वरिष्ठ कार्यकर्त्या डॉली स्टॅनली यांनी या घटनेवर कठोर प्रतिक्रिया दिली. “ही घटना दिवसाढवळ्या, लहान मुलांच्या समोर घडलेली अत्यंत क्रूर कृत्य आहे. अशा प्रकारच्या हिंसाचाराला सौम्य शिक्षा देणे धोकादायक आहे,” असे त्या म्हणाल्या.
स्टॅनली यांनी पुढे एफबीआय चा संदर्भ देत सांगितले की, प्राणी क्रूरता आणि कौटुंबिक हिंसाचार यामध्ये संबंध असल्याचे अनेक अभ्यासातून स्पष्ट झाले आहे. अशा परिस्थितीत न्यायालयाने अधिक कठोर भूमिका घेणे अपेक्षित होते, असेही त्यांनी नमूद केले.
या प्रकरणामुळे अमेरिकेत प्राणी संरक्षण कायद्यांबाबत आणि त्याच्या अंमलबजावणीबाबत नव्याने चर्चा सुरू झाली आहे. सोशल मीडियावर अनेकांनी झिग्लरच्या कृत्याचा निषेध करत कठोर शिक्षेची मागणी केली, तर काहींनी ही घटना भावनिक संतापातून घडल्याचे सांगत वेगळी भूमिका मांडली.तज्ज्ञांच्या मते, अशा घटना केवळ प्राणी क्रूरतेपुरत्या मर्यादित नसून समाजातील हिंसक प्रवृत्तीचे संकेत देतात. त्यामुळे अशा प्रकारांवर कठोर कारवाई करणे आवश्यक आहे, अन्यथा त्याचे दूरगामी परिणाम होऊ शकतात.सध्या ही घटना “वायरल न्यूज” म्हणून जगभर चर्चेत असून, कायदा, नैतिकता आणि मानवी वर्तन यावर मोठा प्रश्नचिन्ह निर्माण करत आहे.
read also : https://ajinkyabharat.com/21st-march-bank-bandh-begins/
