पालघर : पालघर लोकसभा निवडणुकीसाठी तिकीट नाकारले हा माझ्या दृष्टीने अत्यंत धक्कादायक आणि स्वतःसाठी दुःखद निर्णय आहे, अशा भावना पालघरचे विद्यमान खासदार आणि एकनाथ शिंदे यांच्या शिवसेनेतील राजेंद्र गावित यांनी व्यक्त केल्या आहेत. मात्र कार्यकर्त्यांमधील नाराजी दूर करुन महायुतीच्या उमेदवाराला विजयी करणार, असा विश्वासही गावितांनी बोलून दाखवला. शिवसेनेकडे असलेला पालघर लोकसभा मतदारसंघ भाजपने हिसकावून घेत हेमंत विष्णू सावरा यांना उमेदवारी जाहीर केली आहे.
राजेंद्र गावित काय म्हणाले?
पालघर लोकसभा निवडणुकीसाठी तिकीट नाकारले हा माझ्या दृष्टीने अत्यंत धक्कादायक आणि स्वतःसाठी दुःखद निर्णय आहे. हे खरे असले तरी माझ्या कार्यकर्त्यांमध्ये संभ्रम आणि प्रचंड नाराजी निर्माण झाली आहे. कार्यकर्त्यांचा मला फोन येत असून वेगवेगळ्या प्रकारे प्रतिक्रिया देत आहेत.
माझे जरी तिकीट नाकारले गेले असले तरीसुद्धा महायुतीचे जे उमेदवार आहेत. त्या उमेदवाराबाबत कार्यकर्त्यांमध्ये असलेले नैराश्य आणि नाराजी दूर करण्याचा मी प्रयत्न करणार आहे, उमेदवाराला विजयी करण्यासाठी आपण प्रयत्न करूया असे आवाहन पालघरचे खासदार राजेंद्र गावित यांनी कार्यकर्त्यांना केले आहे.
Related News
शरद पवार गटाला धक्का बसणार? आमदार अरुण लाड यांच्या भाजप प्रवेशाची चर्चा!
भाजपला मोठा झटका! ‘सिंघम’ के. अण्णामलाई नवा पक्ष काढणार? तामिळनाडूत राजकीय भूकंप!
मोदी सरकार कोसळणार? संजय राऊतांच्या दाव्याने राजकीय वर्तुळात खळबळ!
समाजवादी पक्षाला भाजपचा मोठा धक्का! तीन आमदारांचा पक्षप्रवेश
विधान परिषद निवडणूक 2026: पुणे विभागात महायुतीचे जोरदार शक्तिप्रदर्शन; प्रचाराचा दणदणीत शुभारंभ!
दांडुके चालवा, बंदुका रोखा; आम्ही जाणारच! संजय राऊतांचा सरकारला इशारा
10 ते 12 महिलांच्या तक्रारी; श्वेता महालेंचा संजय गायकवाडांना सूचक इशारा!
‘कसले बाळासाहेबांच्या विचारांचे वारसदार?’; प्रदीप पूर्णेकर हत्या प्रकरणावरून संजय राऊत आक्रमक
‘पद्मभूषण कशाला? ज्ञानेश कुमारांना भारतरत्न द्या’; संजय राऊतांचा भाजपला खोचक टोला
ज्ञानेश कुमारांमुळेच शिंदे-अजितदादा जिंकले; संजय राऊतांचा गंभीर आरोप
शेतात मेटल डिटेक्टर लावल्यावरून Rohit Pawar आक्रमक; मुख्यमंत्र्यांवर साधला निशाणा
Salian विरुद्ध ठाकरे वाद चिघळला; 7 दिवसांची मुदत, 500 कोटींच्या मानहानीची नोटीस
माजी मंत्री विष्णू सावरा यांचे चिरंजीव हेमंत सावरा यांना पालघर लोकसभा मतदारसंघातून उमेदवारी देत असल्याचे भाजपने गुरुवारी रात्री जाहीर केले. पाचव्या टप्प्यातील मतदानासाठी उमेदवारी अर्ज दाखल करण्याच्या अवघ्या एक दिवस, किंबहुना जेमतेम काही तास आधी भाजपने तिकीट जाहीर केले. त्यामुळे विद्यमान खासदार राजेंद्र गावित यांना मोठा धक्का मानला जात आहे. गावितांना दुःख झाले असले, तरी कुठलाही निर्णय घेण्यासाठी पक्षाने त्यांच्याकडे अवधीच दिला नाही.
विशेष म्हणजे राजेंद्र गावित हे पूर्वी भाजपवासी होते. २०१९ च्या लोकसभा निवडणुकीत भाजप-शिवसेना युतीत लढले. मात्र पालघरची जागा शिवसेनेला सुटल्याने गावितांनी भाजप सोडून शिवसेनेत प्रवेश केला आणि निवडणूक लढली, ते विजयीही झाले. राजकीय दृष्ट्या ही एक प्रकारची अॅडजस्टमेंट मानली जात होती.
यंदा हा मतदारसंघ परत मिळवण्यासाठी भाजप आग्रही होतं. परंतु गावितांना पुन्हा संधी मिळणं फिक्स मानलं जात असल्यामुळे त्यांची घरवापसी होऊन ते भाजपच्या तिकिटावर आता रिंगणात उतरतील, अशी अटकळ बांधली जात असतानाच महायुतीत भाकरी फिरवण्यात आली.
