आशिया कप 2025 च्या फायनलमध्ये भारताने पाकिस्तानला पाच विकेटने हरवून विजेतेपद पटकावले. मात्र, विजेत्या संघाला ट्रॉफी मिळवण्याचा अधिकार असलेले ACC चे अध्यक्ष मोहसीन नकवी यांनी भारतीय संघाला ट्रॉफी स्वीकारण्यास नकार दिला. BCCI ने स्पष्ट केले आहे की, भारतीय संघाने नकवींच्या हातून ट्रॉफी स्वीकारण्यास नकार दिला कारण ते PCB अध्यक्ष आणि पाकिस्तान सरकारचे मंत्री असल्याने ट्रॉफी घेणे योग्य नव्हते. यानंतर मोहसीन नकवी ट्रॉफी हॉटेलमध्ये घेऊन गेले. BCCI सेक्रेटरी देवजीत सैकिया यांनी त्यांच्या वर्तनाची तीव्र टीका केली असून, आशिया कप ट्रॉफी भारताला लवकरात लवकर परत देण्याची अपेक्षा व्यक्त केली आहे. ट्रॉफी परत करण्यासाठी मोहसीन नकवी यांच्याकडे ऑक्टोबरपर्यंतचा वेळ आहे. जर त्यांनी ट्रॉफी परत केली नाही, तर BCCI नोव्हेंबरमध्ये दुबईत होणाऱ्या ICC कॉन्फ्रेंसमध्ये विरोध किंवा तक्रार करण्याच्या पद्धतीवर विचार करत आहे.

टीम इंडियाचा फायनल विजय: भारताने टॉस जिंकून पाकिस्तानला प्रथम फलंदाजीची संधी दिली; पाकिस्तानने 20 ओव्हर्समध्ये 146 धावा केल्या. टीम इंडियाने 147 धावांच लक्ष्य 20 व्या ओव्हरमध्ये 5 विकेट गमावून पूर्ण केले.

read also:https://ajinkyabharat.com/yojnecha-benefits-rural-mahilana-mithi-naahi/