महाराष्ट्र: ६ कोटींच्या इनामाचा टॉप नक्षली भूपती आत्मसमर्पण; आणखी ६० नक्षल्यांनी टाकली शस्त्रं
गडचिरोली : गडचिरोलीत नक्षलवाद्यांच्या आत्मसमर्पणाने इतिहास घडला आहे. तब्बल ४० वर्षांपासून नक्षलवादाने त्रस्त असलेल्या या भागात शांततेचा नवा अध्याय सुरू झाला आहे. ६ कोटींच्या इनामाचा टॉप नक्षली भूपतीसह ६१ नक्षलवाद्यांनी मुख्यमंत्री देवेंद्र फडणवीस यांच्या उपस्थितीत शस्त्रं खाली ठेवली. या घटनेमुळे गडचिरोली जिल्ह्यातील जनतेमध्ये आशेची नवीन किरण निर्माण झाली आहे. राज्यघटनेप्रती निष्ठा व्यक्त करत या माजी नक्षलवाद्यांनी विकास आणि संवादाच्या मार्गावर चालण्याचा संकल्प केला असून, या घटनेला माओवाद संपवण्याच्या दिशेने मोठं पाऊल मानलं जात आहे.
गडचिरोली जिल्ह्यात माओवादी चळवळीला मोठा धक्का बसला आहे. तब्बल ६ कोटी रुपयांच्या इनामाचा नक्षल कमांडर मल्लोजुला वेणुगोपाल राव उर्फ भूपती याने बुधवारी महाराष्ट्राचे मुख्यमंत्री देवेंद्र फडणवीस यांच्या उपस्थितीत गडचिरोली पोलिस मुख्यालयात आत्मसमर्पण केले.
नक्षल चळवळीतील मोठा धक्का
भूपती हा नक्षलवाद्यांमधील सर्वात प्रभावशाली रणनीतिकारांपैकी एक होता. तो नक्षल चळवळीच्या केंद्रीय समितीचा आणि पोलिट ब्युरोचा सदस्य होता. त्याने छत्तीसगड आणि महाराष्ट्रातील नक्षलविरोधी कारवायांमध्ये महत्वाची भूमिका बजावली होती. त्याच्या डोक्यावर तब्बल ६ कोटी रुपयांचं इनाम जाहीर करण्यात आलं होतं.
Related News
महत्त्वाचा निर्णय! 5 पावलांनी Bangladeshi Illegal Immigrants वर राज्यात कडक कारवाई
लम्पी आजाराने 8 गाईंचा मृत्यू; पशुपालकांमध्ये भीतीचे वातावरण
मुलांमध्ये संस्कार व आत्मविश्वास वाढवण्यासाठी मूर्तिजापूरमध्ये 18-30 ऑक्टोबर दरम्यान भव्य बाल संस्कार शिबिराचे आगमन
90 च्या दशकातील रोमँटिक थ्रिलरचे पुनरावलोकन: ‘एक दीवाने की दीवानियत’ पाहताना घाबरावे की आनंद घ्यावा?
मुंबई हादरली! जोगेश्वरीतील इमारतीत 10 मजले जळले, 15 लोक अडकले
AUS vs IND 2025 रोहित शर्माने Adelaide मध्ये गांगुलीचा रेकॉर्ड मोडला, भारतीय क्रिकेटमध्ये नवा इतिहास
आधुनिक मांगटीका ट्रेंड्स: 6 स्टाइल टिप्स नववधूंसाठी
आजचा शेअर बाजार LIVE: 7 सेक्टरांमध्ये तेजी, निफ्टी 26,050 गाठला
5 गोष्टी जाणून घ्या – जान्हवी कपूरने प्लास्टिक सर्जरीबद्दल काय सांगितलं?
5 कारणे का प्राजक्ता कोळीचास्क्रब तुमच्या त्वचेसाठी उत्तम आहे
5 प्रेरणादायी कारणे का नीरज चोप्रा बनला भारताचा मानद लेफ्टनंट कर्नल
लकी अली यांनी जावेद अख्तर यांच्यावर हल्लाबोल केला — 1 व्हिडिओवर संताप व्यक्त, “नेव्हर ओरिजिनल, अग्ली अ‍ॅज Fk” म्हणाले
भूपतीसह ६१ नक्षलवाद्यांनी आत्मसमर्पण केल्यामुळे नक्षल चळवळीला मोठा धक्का बसला आहे. नक्षलवाद्यांनी प्रतीकात्मक स्वरूपात आपली शस्त्रे मुख्यमंत्री फडणवीस यांच्याकडे सुपूर्द केली. त्यानंतर आत्मसमर्पणाची औपचारिक प्रक्रिया पूर्ण झाली. या वेळी मुख्यमंत्री फडणवीस यांनी त्यांना भारतीय राज्यघटनेच्या प्रती भेट दिल्या. शस्त्रं खाली ठेवून नक्षलवाद्यांनी राज्यघटनेप्रती निष्ठा व्यक्त केली.
“गडचिरोलीतून माओवाद संपवण्याची प्रक्रिया सुरू” – मुख्यमंत्री फडणवीस
मुख्यमंत्री म्हणाले, “आजचा दिवस गडचिरोली जिल्ह्यासाठी अत्यंत महत्त्वाचा आहे. गडचिरोलीतून माओवाद संपवण्याची प्रक्रिया आजपासून सुरू झाली आहे. गेली ४० वर्षे हा जिल्हा माओवादाने त्रस्त होता. सुरुवातीला चंद्रपूर, भंडारा, गोंदिया हे जिल्हेही माओवादी प्रभावाखाली होते. छत्तीसगड आणि तेलंगणाही नक्षलवादाने त्रस्त होते. विकास ठप्प झाला होता आणि अनेक तरुणांना चुकीच्या दिशेने नेण्यात आलं. सोनू उर्फ भूपतीचं आत्मसमर्पण महत्त्वाचं आहे, कारण ४० वर्षांपूर्वी अहेरी-सिरोंचा नावाचा गट त्यानेच गडचिरोलीत सुरू केला होता.”
कुटुंबातील सदस्यांच्या आत्मसमर्पणाचा परिणाम
भूपतीच्या आत्मसमर्पणामागे त्याच्या कुटुंबीयांचा मोठा वाटा आहे. याआधी जानेवारी महिन्यात पत्नी विमला सिदाम उर्फ तारक्का हिने मुख्यमंत्री यांच्या उपस्थितीत आत्मसमर्पण केले होते. तर गेल्या महिन्यात मेव्हणी पद्मावती उर्फ सुजाता हिने तेलंगणा पोलिसांसमोर शस्त्रं खाली ठेवून आत्मसमर्पण केले. या घटनांचा भूपतीवर मोठा मानसिक परिणाम झाला आणि त्याचाच परिणाम म्हणून त्याने शस्त्रं टाकण्याचा निर्णय घेतला.
“सशस्त्र संघर्ष अपयशी ठरला” – भूपतीची कबुली
आत्मसमर्पणाच्या काही दिवसांपूर्वी भूपतीने एक पत्र जारी केले होते. त्यात त्याने लिहिले की, “सततच्या लढायांमध्ये सहकाऱ्यांचा मृत्यू, सुरक्षा दलांच्या तीव्र कारवाया आणि सततचं नुकसान या सर्व गोष्टींनी सिद्ध केलं आहे की सशस्त्र संघर्षाचा मार्ग पूर्णतः अपयशी ठरला आहे. त्यामुळे शस्त्रं सोडून संवादाच्या मार्गावर येणं हेच योग्य ठरेल.” भूपतीचा आत्मसमर्पणाचा निर्णय हा गडचिरोली आणि विदर्भ विभागासाठी शांती आणि विकासाच्या दिशेने मोठं पाऊल मानलं जात आहे.
read also : https://ajinkyabharat.com/%e0%a4%85%e0%a4%ac%e0%a5%8d%e0%a4%a6%e0%a5%81%e0%a4%b2/
