शेलू खडसेतील शेतकरी आक्रमक; उपविभागीय अधिकाऱ्यांना निवेदन
रिसोड- रिसोड शहरासह तालुक्यात गेल्या आठवड्याभरापासून सतत जोरदार पाऊस सुरू आहे.
यात शेतकऱ्यांचे मोठ्या प्रमाणात नुकसान झाले असून, शेलू खडसे परिसरात तर ढगफुटीसदृश्य पावसामुळे पिकांचे फारसे नुकसान झाले आहे.
त्यामुळे ग्रामस्थ व शेतकरी आक्रमक बनले असून, त्यांनी उपविभागीय अधिकारी वैशाली देवकर यांना निवेदन देऊन नुकसानग्रस्त शेतकऱ्यांना तातडीने मदत मिळावी अशी मागणी केली.
आधीच संकटग्रस्त शेतकरी
शेतकरी यंदा आधीच दुबार पेरणीचे संकट, हुमणी अळीचा प्रादुर्भाव यामुळे त्रस्त आहेत. त्यात अतिवृष्टी व ढगफुटीसदृश्य पावसामुळे शेतकऱ्यांचे नुकसान अधिकच वाढले आहे.
पंचनामा व मदतीची मागणी
या सर्व परिस्थितीत शेतकऱ्यांनी तहसील कार्यालयावर धडक देऊन त्वरित पंचनामा करून भरीव मदत देण्याची मागणी केली आहे.
शासनाने वेळीच मदत केली नाही तर शेतकऱ्यांचे प्रश्न अधिक गंभीर होतील, असा इशाराही शेतकऱ्यांनी दिला.
READ ALSO:https://ajinkyabharat.com/patur-nandapurat-ati-vriddhi-both-ghai-kosli/
