शालिनी राम हजारे नगरसेवकपदी; प्रभाग ३ मधून मिळाले घवघवीत विजय

मुर्तिजापूर :मुर्तिजापूर मतदारसंघाचे आमदार हरीष पिंपळे यांचे विश्वास जिंकत, भारतीय जनता पक्षाच्या तर्फे प्रभाग क्रमांक ३ मधून निवडणूक लढवलेल्या समाजसेवक राम हजारे यांच्या पत्नी, शालिनी राम हजारे यांनी दणदणीत विजय मिळवून नगरसेवकपदी निवड होऊन नावलौकिक प्राप्त केले आहे.

राम हजारे व शालिनीताई हजारे हे दाम्पत्य सामाजिक, धार्मिक व अध्यात्मिक कार्यात सातत्याने सक्रिय आहेत. नवरात्रोत्सव, गणेशोत्सव तसेच विविध धार्मिक व सामाजिक उपक्रमांमध्ये त्यांचा पुढाकार नेहमीच दिसतो. गरजू, गरीब व वंचित घटकांच्या मदतीसाठी तत्परतेने धावून जाणे हे त्यांचे वैशिष्ट्य असून, सर्व जाती-धर्मांतील नागरिकांना समानतेने मदत करण्याचा त्यांचा सातत्यपूर्ण प्रयत्न आहे.

जनसामान्यांशी असलेला थेट संपर्क, सामाजिक कार्याचा प्रदीर्घ अनुभव व विश्वासार्ह नेतृत्व यामुळे प्रभागातील मतदारांनी त्यांना नगरसेवकपदी निवडून दिल्याची प्रतिक्रिया नागरिकांकडून व्यक्त होत आहे. या विजयाबद्दल वार्डातील नागरिकांसह विविध सामाजिक संघटना व कार्यकर्त्यांकडून त्यांचे उत्स्फूर्त स्वागत व अभिनंदन करण्यात आले आहे.
मतदारांचा असा विश्वास आहे की हा विजय त्यांच्या सामाजिक कार्याची पोचपावती असून, पुढील काळातही शालिनीताई राम हजारे विकासात्मक व लोकाभिमुख कामांना प्राधान्य देत प्रभागाच्या सर्वांगीण विकासासाठी कटिबद्ध राहतील.