अकोली जहागीर (अकोलखेड) येथील श्री संत गजानन महाराज संस्थान,
शांतीवन अमृततीर्थ सजल विहीर परिसर प्रकट दिन महोत्सवाच्या निमित्ताने भाविकांच्या
लाखोंच्या उपस्थितीने गजबजून गेला.
Related News
सततच्या पावसामुळे तीन वेळा पेरणी वाया; शेतकऱ्यांचा आक्रोश, नुकसानभरपाईची मागणी
देवरीफाटा परिसरात दोन मोटरसायकलींची समोरासमोर धडक;
कोकणात मुसळधार पावसाचा हाहाकार;
प्रवीण गायकवाड यांच्यावरील भ्याड हल्ल्याचा संभाजी ब्रिगेडने नोंदविला अकोल्यात निषेध.
मध्यप्रदेशातून पोटाची खडगी भरण्यासाठी आलेल्या युवकाचा अपघाती मृत्यू; कुरणखेडमध्ये हळहळ
विदर्भ स्तरीय अभया परिषद उत्साहात संपन्न, कार्यकर्ता तुषार हांडे सन्मानित.
पिकविमा मंजूर तरीही थकलेली रक्कम; शेतकऱ्यांचा संताप, कृषी अधिक्षकांना निवेदन
अकोट रोटरी क्लब चा शपथग्रहण सोहळा संपन्न
“ऑपरेशन प्रहार”ची मोठी कारवाई: अकोल्यात जुगार अड्ड्यावर धाड; १३ जणांवर कारवाई, ४.०६ लाखांचा मुद्देमाल जप्त
राज ठाकरे अडचणीत? वरळीतील वक्तव्यावरून DGPकडे तक्रार दाखल
श्रीराजराजेश्वर मंदिरात श्रावणातील पहिल्या सोमवारी भाविकांची अलोट गर्दी; कावडयात्रेने महादेवाला जलाभिषेक
श्रावणातील पहिल्या संकष्टीला गायगाव गणपती दर्शनासाठी भाविकांची अलोट गर्दी!
गुरुवारी सकाळपासूनच श्रींच्या आणि सजल विहिरीच्या दर्शनासाठी लांबच लांब रांगा लागल्या होत्या.
पहाटे ४ वाजल्यापासूनच पायी वारीतील भक्तांची वर्दळ सुरू झाली होती,
तर संध्याकाळपर्यंतही दर्शनासाठी भाविकांची गर्दी अविरत होती.
श्रींच्या दर्शनासाठी भाविकांची अलोट गर्दी
प्रगट दिन उत्सवानिमित्त सकाळी श्रींच्या अभिषेकानंतर, रजत मुखवट्याच्या पालखीची नगरपरिक्रमा पार पडली.
सकाळी १० वाजता ह.भ.प. केशव महाराज उखळीकर (परळी वैजनाथ) यांचे काल्याचे कीर्तन झाले,
तर महायज्ञ अनुष्ठानानंतर पूर्णाहुती सोहळा पार पडला. या प्रसंगी महाप्रसादाचा लाभ हजारो भक्तांनी घेतला.
सजल विहीर परिसरात भव्य यात्रा
यात्रेत पंचक्रोशीतील अंबाडी, रुधाडी, केलपाणी, धारगड, दहीखेल, पोपटखेड,
अकोट, बोर्डी, शिवपूर आदी गावांतून हजारो भाविक सहभागी झाले. विशेषतः
आदिवासी बांधवांनी मोठ्या संख्येने हजेरी लावली.
२० हजार स्क्वेअर फुटांचे भव्य सभागृह
भाविकांसाठी सजल विहीर परिसरात २० हजार स्क्वेअर फुट क्षमतेचे भव्य सभागृह उपलब्ध करण्यात आले आहे.
महाप्रसादासाठी हे सभागृह मोठ्या संख्येने भाविकांनी वापरले.
सुमारे एक लाखावर भाविकांनी श्रींचे दर्शन घेतल्याची माहिती आहे.
मोफत वाहन सेवा व विविध संस्थांची सेवा
अकोट येथून येणाऱ्या भाविकांसाठी दरवर्षीप्रमाणे चालक-मालक संघटनेच्या वतीने मोफत वाहन सेवा उपलब्ध होती.
तसेच, विविध सामाजिक संस्थांनी चहा, फराळ, लिंबूसरबत आणि महाप्रसादाचे वाटप करून सेवाभाव जपला.
कडक पोलीस बंदोबस्त
भाविकांच्या मोठ्या संख्येतील उपस्थितीमुळे अकोट ग्रामीण पोलीस, जिल्हा पोलीस अधीक्षक बचनसिंग,
उपविभागीय अधिकारी अनमोल मित्तल आणि ठाणेदार किशोर जुनघरे यांच्या
मार्गदर्शनाखाली कडेकोट बंदोबस्त ठेवण्यात आला होता.
“गण गण गणात बोते” च्या जयघोषात भाविकांनी घेतले दर्शन!
संपूर्ण परिसर गजानन महाराजांच्या जयघोषांनी दुमदुमून गेला. भक्तांच्या सेवेसाठी विविध सुविधा
उपलब्ध करून देण्यात आल्या होत्या. श्रींच्या दर्शनासाठी आलेल्या लाखो भाविकांनी प्रकट दिन महोत्सवाचा आनंद घेतला.
Click here for more updates :https://ajinkyabharat.com/dhananjay-mundenna-bells-palsy-ha-azar-nemka-kya-ai/
