परळी : परळी वैजनाथ येथे रेल्वे स्थानकावर पाच वर्षांच्या मुलीवर झालेल्या
बलात्काराच्या घटनेने संपूर्ण शहर हादरले आहे.
घटनेनंतर लोकांनी रस्त्यावर निदर्शने केली आणि आरोपीला फाशीची शिक्षा देण्याची मागणी केली.
या प्रकरणी पोलिसांनी आरोपीला अटक केली असून,
स्थानिक लोकांनी शहरबंद पाळला.पंढरपूरच्या एका कामगार जोडप्याच्या मुलीवर रेल्वे स्थानकावर बलात्कार झाला.
मुलीची आजारी आई रेल्वे स्थानकावर झोपली असताना ही घटना घडली.
प्राथमिक वैद्यकीय तपासणीत लैंगिक अत्याचाराची पुष्टी झाली.
आरोपीला पोलिसांनी अटक केली आहे.
या घटनेनंतर परळी शहरातील लोक रस्त्यावर उतरले आहेत.
स्थानिक राजकीय नेते, सामाजिक कार्यकर्ते, डॉक्टर,
व्यापारी यांसह सर्वांनी या घटनेचा निषेध केला आहे.
लोकांनी मूक मोर्चा काढून आरोपीला फास्ट ट्रॅक कोर्टातून
फाशीची शिक्षा देण्याची मागणी केली आहे.
पोलिसांनी आश्वासन दिले आहे की या प्रकरणाची त्वरित चौकशी करून आरोपीवर कठोर कारवाई केली जाईल.
Read also : https://ajinkyabharat.com/amravati-junya-vadatun-bhardiva-murder-case/
