स्वराज्य पक्षाचे प्रमुख संभाजीराजे छत्रपती हे शिंदे सरकारच्या
विरोधात मोर्चा काढणार आहेत. छत्रपती शिवाजी महाराज यांचं
अरबी समुद्रात भव्य स्मारक उभारण्याची घोषणा करण्यात आली.
Related News
अकोल्यात काँग्रेसला मोठा धक्का…
बी जे पी चा नवा राष्ट्रीय अध्यक्ष कोण?
“पूर्णपणे बिनबुडाचे आरोप” — राहुल गांधींच्या ‘मॅच फिक्सिंग’ दाव्यावर…
उभ्या असलेल्या ट्रक ट्रॉली आग लागल्या प्रकरणी पातुर पोलिसात तक्रार
अवैध डिझेल वाहतूक करणाऱ्या व्हॅन व दुचाकीचा अपघात
अकोट नगर परिषद कृती आराखड्यात जिल्ह्यातून प्रथम
ठाकरे बंधूंच्या युतीची चर्चा जोमात!
दिल्लीत परतली उकाड्याची लाट; पारा ४० पार, उष्णतेच्या लाटेचा इशारा
पावसाने उघडीप दिल्याने शेतकऱ्यांना दिलासा
दुचाकी अपघातात पत्नीचा दुर्दैवी मृत्यू; दानापूर परिसरात शोककळा
अकोट-अंजनगाव रस्त्यावर भीषण अपघात; ट्रकने ट्रॅक्टर व विटांचा ढिगार उडवला, सुदैवाने जीवितहानी नाही
आदिवासी हक्कांसाठी अनुसूचित जमाती आयोग महत्त्वाचे पाऊल
मात्र ते अद्यापपर्यंत पूर्ण झालेलं नाही. पंतप्रधान नरेंद्र मोदी यांच्या
हस्ते शिवस्मारकाचं जलपूजन झालं. मात्र आता आठ वर्षे उलटून
गेली असताना अद्याप शिवस्मारकाचं काम झालेलं नाही. यावरून
छत्रपती शिवाजी महाराज यांचे वंशज संभाजीराजे यांनी सरकारला
घेरलं आहे. येत्या सहा ऑक्टोबरला संभाजीराजे यांच्या नेतृत्वात
मोर्चा काढला जाणार आहे. मुंबईतील गेट वे ऑफ इंडिया
परिसरात आंदोलन केलं जाणार आहे. संभाजीराजे यांनी शिंदे
सरकारला इशारा दिला आहे. अरबी समुद्रातील हे शिवस्मारक
अद्यापही कुठे दिसत नाही. चला तर मग, पंतप्रधान नरेंद्र मोदींनी
जलपूजन केलेले अरबी समुद्रातील शिवस्मारक शोधायला, असं
म्हणत संभाजीराजे यांनी मोर्चाची हाक दिली आहे. चलो मुंबई हेच
का अच्छे दिन? असा सवालही संभाजी राजे यांनी केला आहे.
मुंबईच्या अरबी समुद्रात जगातील सर्वात उंच असे जागतिक दर्जाचे
भव्य शिवस्मारक साकारू, अशी स्वप्ने शिवप्रेमी जनतेला दाखवत
मागील तीन दशकांत राज्यात अनेक सरकार आली आणि गेली.
२४ डिसेंबर २०१६ रोजी भाजप शिवसेना प्रणित महायुती सरकारने
अत्यंत भव्यदिव्य कार्यक्रमाचे आयोजन करत पंतप्रधान नरेंद्र मोदी
यांच्या हस्ते अरबी समुद्रात शिवस्मारकाचे जलपूजन केले.
स्मारकाच्या कामांस सुरुवात झाल्याच्या अनेक बातम्या आल्या.
शासनाच्या रेकॉर्डवर या स्मारकासाठी कोट्यवधी रुपये खर्च
देखील झाले आहेत. येत्या काही दिवसांत या जलपूजन
कार्यक्रमास आठ वर्षे पूर्ण होतील, मात्र अरबी समुद्रातील हे
शिवस्मारक अद्यापही कुठे दिसत नाही चला तर मग, पंतप्रधान
नरेंद्र मोदींनी जलपूजन केलेले अरबी समुद्रातील शिवस्मारक
शोधायला रविवार, दि. ०६ ऑक्टोबर २०२४ रोजी, सकाळी ठीक
११ वाजता स्थळ : गेट वे ऑफ इंडिया, मुंबई
Read also: https://ajinkyabharat.com/recognition-of-eight-new-government-medical-colleges-in-the-state/
