वाशीम | प्रतिनिधी
समृद्धी महामार्गावर वाशिमजवळील शेलुबाजार इंटरचेंजजवळ ३ जुलै रोजी सायंकाळी ७.३० वाजता एक भीषण अपघात झाला.
या अपघातात उमरेड (जि. नागपूर) येथील जयस्वाल कुटुंबातील चौघांचा दुर्दैवी मृत्यू, तर चालक गंभीर जखमी झाला आहे.
Related News
घरी बनवा नैसर्गिक नाईट क्रीम – चेहरा राहील ताजेतवाने आणि चमकदार!
उन्हाळ्यात शरीर हायड्रेट ठेवण्यासाठी नारळ पाणी की ऊसाचा रस – कोणते पेय अधिक फायदेशीर?
गोंदा तालुक्यात भीषण अपघात; एकाच कुटुंबातील तिघांचा जागीच मृत्यू
महागाईचा नवा फॉर्म्युला: अन्नावर कमी, डिजिटल सेवांवर जास्त खर्च
मुंबई महापालिकेचा ८० हजार कोटींचा अर्थसंकल्प उद्या सादर!
IPL 2026 शेड्यूलवर मोठा अपडेट: BCCI घेत आहे टप्प्याटप्प्याने निर्णय
ओला इलेक्ट्रिकचा शेअर 157 वरून 29 रुपयांवर; गुंतवणूकदारांसाठी मोठा धक्का
केरळ राज्याचे नाव बदलणे योग्य आहे का? केंद्राने दिली मंजुरी!
जळगाव सराफा बाजारात सोन्याचा धक्का! 10 ग्रॅम सोने पोहोचले 1,64,388 रुपये
तुमचे शरीर “सामान्य” असले तरीही अस्वस्थ? ही 10 चिन्हे लक्षात घ्या!
हिना खानने इफ्तारसाठी बनवली पारंपरिक फिरणी, चाहत्यांना दिला स्वादिष्ट अनुभव
लाडक्या बहिणींसाठी आनंदाची बातमी! जानेवारीचा हप्ता लवकरच जमा होणार
अपघात इतका भीषण होता की, ईर्टिगा वाहनाचा पूर्ण चुराडा झाला.
प्राप्त माहितीनुसार, जयस्वाल कुटुंब पुण्यात कौटुंबिक कार्यक्रम आटोपून MH-40-BJ-7206 क्रमांकाच्या ईर्टिगा कारने उमरेडकडे परतत होते.
दरम्यान, भरधाव वेगात असलेल्या वाहनावरील चालकाचे नियंत्रण सुटल्याने कार महामार्गावरील चॅनल क्र. २१५ वर पलटी झाली.
यामुळे वैदेही जयस्वाल आणि माधुरी जयस्वाल यांचा घटनास्थळीच मृत्यू झाला.
तर राधेश्याम जयस्वाल, संगीता जयस्वाल आणि चालक चंदन हेलगे हे गंभीर जखमी झाले.
जखमींना वाशीम जिल्हा रुग्णालयात दाखल करण्यात आले.
मात्र उपचारादरम्यान राधेश्याम आणि संगीता जयस्वाल यांचाही मृत्यू झाला.
सध्या चालक चंदन हेलगे याच्यावर खासगी रुग्णालयात उपचार सुरू असून त्याची प्रकृती चिंताजनक आहे.
अशी आहेत मृतांची नावे
वैदेही किर्ती जयस्वाल (वय २४, इतवारी पेठ, उमरेड)
माधुरी किर्ती जयस्वाल (वय ५२, इतवारी पेठ, उमरेड)
संगीता अजय जयस्वाल (वय ५२, हनुमान नगर, नागपूर)
राधेश्याम शिवनारायण जयस्वाल (वय ६६, इतवारी पेठ, उमरेड)
माय-लेकीच्या मृत्यूने समाजमन हेलावले
या अपघातात वैदेही आणि तिची आई माधुरी यांचा घटनास्थळीच मृत्यू झाला.
राधेश्याम व संगीता यांचा उपचारादरम्यान मृत्यू झाला.
जयस्वाल कुटुंबाच्या घरावर शोककळा पसरली असून संपूर्ण उमरेडमध्ये हळहळ व्यक्त होत आहे.
चालकाची झोप ठरली अपघाताचे कारण?
चालकाला डुलकी आल्यामुळेच हा अपघात घडल्याची प्राथमिक शक्यता आहे.
गाडीचा वेग अधिक होता, त्यामुळे नियंत्रण सुटल्याचेही सांगण्यात येत आहे.
वाहतूक नियमांचे पालन, चालकांची विश्रांती, आणि वाहन तपासणी या बाबींवर भर देण्याची गरज तज्ज्ञांनी व्यक्त केली आहे.
या अपघाताने एक संपूर्ण कुटुंब उजाडले असून, उमरेडमध्ये शोकमय वातावरण आहे.
मृतदेहांचे शवविच्छेदन करून ते नातेवाईकांच्या ताब्यात देण्यात आले आहेत.
Read Also : https://ajinkyabharat.com/nagpurmadhyaye-vaidyakshetra-kranti-consarma/
